రాష్ట్రీయం
లోక్‌సభ ఎన్నికలకు భారీ బందోబస్తు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 13: రానున్న పార్లమెంట్ ఎన్నికల్లో బందోబస్తు కోసం పోలీస్ అధికారులు కసరత్తు చేస్తున్నారు. తెలంగాణలో తొలివిడతలో జరగనున్న ఎన్నికలను ప్రశాంతంగా నిర్వహించడానికి అనుసరించాల్సిన ప్రణాళికను పోలీస్ అధికారులు సిద్ధం చేస్తున్నారు. 2018 డిసెంబర్‌లో జరిగిన అసెంబ్లీ ఎన్నికల కోసం దాదాపు లక్షమంది బలగాలతో ఎన్నికలను పర్యవేక్షించారు. ఇటు తెలంగాణ అటు కేంద్ర బలగాలు భారీగా మోహరించడంతో తెలంగాణలో ఎక్కడా గొడవలకు అవకాశం లేకపోయింది. ఎలాంటి అవాంఛనీయ ఘటనలు జరక్కపోవడంతో ఎన్నికల సంఘం పోలీసుల పనితీరును ప్రశంసించింది. కేంద్ర బలగాల కోసం కేంద్ర హోంశాఖ, ఎన్నికల సంఘం ప్రధాన కమిషనర్‌కు తెలంగాణ పోలీసులు ఒక నివేదికను సమర్పించనున్నారు. అసెంబ్లీ ఎన్నికల కోసం కేంద్రం 279 పారా మిలటరీ బలగాలను తెలంగాణకు పంపింది. అయితే ప్రస్తుతం దేశ వ్యాప్తంగా సార్వత్రిక ఎన్నికలు జరగనున్నందున అనుకున్న బలగాలను కేంద్రం పంపుతుందా? అన్న అంశంపై పోలీస్ వర్గాలు యోచిస్తున్నాయి. అసెంబ్లీ ఎన్నికల సమయంలో తెలంగాణ పొరుగు రాష్ట్రాల నుంచి బలగాలు వచ్చాయి. అసెంబ్లీ ఎన్నికల్లో ఇతర రాష్ట్రాల నుంచి 19.500 మంది పోలీస్ బలగాలు తెలంగాణకు వచ్చాయి. ఈ సారి తొలి విడతలో తమిళనాడు, కేరళ రాష్ట్రాల్లో పార్లమెంట్ ఎన్నికల జరగనున్నందున అక్కడి నుంచి బలగాలు వచ్చే అవకాశాలు లేవంటున్నారు. రెండో విడతలో మహారాష్ట్ర, కర్నాటకలో (ఏప్రిల్ 18న) ఎన్నికలు నిర్వహిస్తున్నందున అక్కడి నుంచి కూడా పోలీస్ బలగాలు వచ్చే అవకాశం లేదు. దీంతో కేంద్రం పంపే బలగాలపైనే తెలంగాణ పోలీస్ అధికారులు దృష్టి పెట్టారు. మరోపక్క ఆంధ్రలో కూడా ఎన్నికలు ఏప్రిల్ 11న జరగనున్నాయి. ఈ నేపథ్యంలో తెలంగాణలో ఎన్నికల బందోబస్తు కోసం ఉన్న పోలీస్ బలగాలను ఏ మేరకు వినియోగించుకోవాలని అధికారులు సన్నాహాలు చేస్తున్నారు. గడచిన అసెంబ్లీ ఎన్నికల సందర్భంగా ఉత్తర తెలంగాణలో మావోయిస్టులు కరపత్రాలు, వాల్‌పోస్టర్లతో హంగామా చేశారు. వరంగల్ జిల్లాలో జరుగుతున్న సాగునీటి ప్రాజెక్టుల వద్ద ఉన్న యంత్రాలను ధ్వసం చేశారు. దీంతో పోలీసులు అదనపు బలగాలు పంపించి మావోయిస్టుల చర్యలను అడ్డుకున్నారు. భూపాలపల్లి జిల్లాల్లో మావోయిస్టు ప్రాబల్యం ఉన్న మండలాలకు కేంద్ర బలగాలను తరలించారు. దీంతో ఆయా మండలాల్లో మావోయిస్టు కదలికలను కేంద్ర బలగాలు అడ్డుకున్నాయి. దీంతో మావోయిస్టులు కొంత వెనక్కు తగ్గారు. ఈనెల 18వ తేదీ నుంచి నామినేషన్ ప్రక్రియ ప్రారంభం కానున్న సందర్భంగా ఎన్నికల్లో పోటీ చేసే అభ్యర్థులకు రక్షణగా గన్‌మెన్‌లను ఏర్పాటు చేస్తున్నారు. ఉత్తర తెలంగాణలో 11 అసెంబ్లీ నియోజక వర్గాల్లో మావోయిస్టులకు పట్టుఉంది. అన్ని రాజకీయ పార్టీల ముఖ్య నేతలకు సైతం గన్‌మెన్‌లను ఏర్పాటు చేస్తున్నారు. ముందస్తు సమాచారం లేకుండా అభ్యర్థులు ఎన్నికల ప్రచారానికి వెళ్లొద్దని స్థానిక ఎస్‌ఐలు సూచిస్తున్నారు. మావోయిస్టుల నిఘాపై ప్రత్యేక బృందాలను పంపనున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.