రాష్ట్రీయం
కేసీఆర్‌ను తిడితే అధికారం వస్తుందా?
S ,7 à 8 RSCA (si SASPAS) et 6 cialis pharmacie cialis rapports de stage.
గుంటూరు: తెలంగాణ ముఖ్యమంత్రి కేసీఆర్‌ను తిట్టి, రాష్ట్ర ప్రజలను మభ్యపెట్టి, ప్రాంతీయతత్వాన్ని రెచ్చగొడుతూ చంద్రబాబు నాయుడు తిరిగి అధికారంలోకి రావాలని ప్రయత్నిస్తున్నారని భారతీయ జనతా పార్టీ రాష్ట్ర అధ్యక్షుడు కన్నా లక్ష్మీనారాయణ విమర్శించారు. కేవలం కేసీఆర్‌ను తిట్టినంత మాత్రాన ఏపీలో అధికారం దక్కుతుందనుకుంటే అది బాబు భ్రమ, అవివేకమే అవుతుందన్నారు. కేసీఆర్, చంద్రబాబు ఒకరిపై ఒకరు విమర్శలు, ప్రధాని మోదీపై దూషణలు చేస్తూ తమ పాపాలను కప్పిపుచ్చుకునే ప్రయత్నం చేస్తున్నారంటూ కన్నా దుయ్యబట్టారు. ఆదివారం గుంటూరులోని రాష్ట్ర పార్టీ కార్యాలయంలో అభ్యర్థులకు ఆయన బీ-్ఫరాలు పంపిణీ చేశారు. ఈ సందర్భంగా కన్నా మాట్లాడుతూ పోలవరం ముంపుప్రాంతాలను వెనక్కు తీసుకునే ప్రయత్నం చేస్తున్నారని, మచిలీపట్నం పోర్ట్‌ను తెలంగాణకు తరలించుకు పోవడానికే కేసీఆర్ ఇక్కడకు వస్తున్నారని అనడం టీడీపీ నేతల అవివేకానికి నిదర్శనమని విమర్శించారు. కాంగ్రెస్, కమ్యూనిస్టులు బాబు విజయానికి ఇతోధికంగా సేవ చేస్తున్నారని, వారు ధరించిన ముసుగులు తీసి బహిరంగంగా ఎన్నికల్లో పోటీకి దిగవచ్చని కన్నా సవాల్ చేశారు. రాష్ట్రంలో జరుగుతున్న పరిణామాలను ప్రజలు గమనిస్తున్నారని, ఈ ఎన్నికల్లో బాబు పాపాలచిట్టా బద్దలై దారుణమైన ఓటమిని చవిచూడక తప్పదని జోస్యం చెప్పారు. రాష్ట్రంలోని 175 అసెంబ్లీ, 25 పార్లమెంటు స్థానాలను బీజేపీ అభ్యర్థులను ప్రకటించిందని, వచ్చే ఎన్నికల్లో తాము అద్భుతమైన విజయాన్ని అందుకోబోతున్నామన్నారు. దేశవ్యాప్తంగా బీజేపీకి అనుకూల పవనాలు వీస్తున్నాయని, తిరిగి మోదీ ప్రధాని కావడం తథ్యమని స్పష్టం చేశారు. చేసిన పాపాలకు శిక్షగా అటు దేశంలో, ఇటు రాష్ట్రంలోనూ కాంగ్రెస్ కనుమరుగుకాక తప్పదని కన్నా జోస్యం చెప్పారు.
చిత్రం.. బీజేపీ అభ్యర్థులకు బీ-్ఫరాలు అందజేస్తున్న కన్నా లక్ష్మీనారాయణ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.