రాష్ట్రీయం
పరిషత్ పోలింగ్ ప్రశాంతం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: జడ్పీటీసీ, ఎంపీటీసీలకు మంగళవారం జరిగిన పోలింగ్‌లో 77.81 శాతం ఓట్లు పోలయ్యాయి. పోలింగ్ ప్రశాంతంగా జరిగిందని రాష్ట్ర ఎన్నికల కమిషన్ అధికారి ఒకరు ప్రకటించారు. తెలంగాణలోని 27 జిల్లాల్లో తుదిదశలో మంగళవారం జడ్పీటీసీ, ఎంపీటీసీ స్థానాలకు పోలింగ్ నిర్వహించారు. మిగతా ఐదు జిల్లాల్లో మొదటి రెండుదశల్లోనే పోలింగ్ పూర్తయింది. తొలిదశ, రెండోదశలలో కూడా 77 శాతం ఓట్లు పోల్‌కావడం గమనార్హం. మంగళవారం జరిగిన పోలింగ్‌లో 46,49,584 మంది ఓటర్లు ఓటు హక్కు కలిగి ఉండగా, వీరిలో 36,17,961 మంది తమ ఓటుహక్కును ఉపయోగించుకున్నారు. మరో 10 లక్షల మంది ఓటుహక్కును వినియోగించుకోలేదు. యాదాద్రి భువనగిరి జిల్లాలో అత్యధికంగా 88.40 శాతం ఓట్లు పోలయ్యాయి. ఆ తర్వాతి స్థానాల్లో నల్లగొండ, సూర్యాపేట జిల్లాలు ఉన్నాయి. నల్లగొండ 88.50, సూర్యాపేట 85.04 శాతం ఓట్లు పోల్ అయ్యాయి. మొత్తం మీద పరిశీలిస్తే నల్లగొండ పాత జిల్లా రాష్ట్రం మొత్తంలో ఓట్లు వేయడంలో చైతన్యవంతంగా ఉన్నట్టు స్పష్టమవుతోంది. అతితక్కువగా పోల్ అయిన జిల్లాల్లో నారాయణపేట నిలుస్తోంది. ఈ జిల్లాలో 68.53 శాతం మంది మాత్రమే ఓటు హక్కును వినియోగించుకున్నారు. తక్కువ శాతం ఓట్లు పోలైన జిల్లాల్లో
వికారాబాద్ (70.85 శాతం), నిజామాబాద్ (72.01 శాతం) నిలిచాయి. 27 జిల్లాల్లోని 161 జడ్పీటీసీ స్థానాలకు పోలింగ్ జరగగా 741 మంది పోటీ పడ్డారు. అలాగే 1,738 ఎంపీటీసీ స్థానాలకు 5,726 మంది పోటీ పడ్డారు. కౌంటింగ్ ఈ నెల 27 న నిర్వహిస్తారు.
చిత్రం...సిరిసిల్ల జిల్లాలో ఓటు వేసేందుకు బారులు తీరిన మహిళలు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.