రాష్ట్రీయం
భగత్ మాటల వక్రీకరణా?
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, ఏప్రిల్ 11: తెల్లదొరల దాష్టీకానికి బలైన భగత్‌సింగ్ ఉరికంబం ఎక్కే ముందు భారత్ మాతాకీ జై అంటూ నినదించారని, దీనికి లౌకికవాదులుగా చెప్పుకుంటున్న కొంతమంది వక్రభాష్యం చెపుతున్నారని కేంద్ర పట్టణాభివృద్ధిశాఖ మంత్రి ఎం.వెంకయ్యనాయుడు విమర్శించారు. విశాఖపట్నంలో సోమవారం జరిగిన మహాత్మా జ్యోతిరావు పూలే జయంత్యుత్సవంలో పాల్గొన్న ఆయన మాట్లాడుతూ భగత్‌సింగ్ జయంతి, వర్ధంతి కార్యక్రమాలను ఘనంగా నిర్వహించే కమ్యూనిస్టులు ఆయన చివరి మాటలను వక్రీకరించి, ఇన్‌క్విలాబ్ జిందాబాద్ అంటూ తప్పుదారి పట్టిస్తున్నారని మండిపడ్డారు. భారత్ మాతాకీ జై అంటే అది మట్టికిచ్చే విలువ కాదని, భారతదేశంలో కోట్లాది మంది జనాలకిచ్చే గౌరవంగా భావించాలన్నారు. లౌకికవాదం ముసుగులో కొన్ని రాజకీయపార్టీలు ప్రతి చిన్న అంశాన్నీ రాజకీయం చేస్తున్నాయని, ఇది ఎక్కడకు దారితీస్తుందోనని ఆవేదన వ్యక్తం చేశారు. దేవాలయాలుగా భావించే విద్యాలయాల్లోనూ రాజకీయాలు జొప్పించి, అమాయక విద్యార్థుల జీవితాలను నాశనం చేస్తున్నారన్నారు. గత ఐదారు దశాబ్దాలుగా కులం, మతం పేరిట రాజకీయాలు చేసి, ఆయా వర్గాలను ఓటు బ్యాంకుగా మార్చుకున్న పార్టీలు ఇప్పుడు కొత్త వివాదాలను తెరపైకి తెస్తూ వివాదాలు సృష్టిస్తున్నాయన్నారు. దేశంలో 740 విశ్వవిద్యాలయాలు ఉండగా, కేవలం కొన్నింటిలో మాత్రమే ఇటువంటి వివాదాస్పద అంశాలు చోటుచేసుకుంటున్నాయన్నారు. హైదరాబాద్‌లోని సెంట్రల్ యూనివర్శిటీలో పదుల సంఖ్యలో విద్యార్థులు ఆత్మహత్యకు పాల్పడితే కనీసం స్పందించని కాంగ్రెస్ ఉపాధ్యక్షుడు రాహుల్‌గాంధీ, ఒక విద్యార్థి ఆత్మహత్యను రాజకీయ లబ్ధికోసం వాడుకున్నారని మండిపడ్డారు.
మోదీ అంటే ...
మోదీ అంటే మేకింగ్ ఆఫ్ డెవలప్డ్ ఇండియా అంటూ వెంకయ్య కొత్త నిర్వచనాన్నిచ్చారు. దేశాన్ని అభివృద్ధి పథంలో నిలిపేందుకు ప్రధాని తీసుకున్న అమోఘమైన చర్యలు అన్నీఇన్నీ కావన్నారు. దేశాన్ని ముందుకు నడిపిస్తున్న ప్రధాని చేపడుతున్న సంస్కరణలు తమకు అధికారాన్ని ఎక్కడ దూరం చేస్తాయోనని విపక్షాలు ఆందోళన చెందుతున్నాయన్నారు.
చిత్రం విశాఖపట్నంలో సోమవారం జరిగిన మహాత్మా జ్యోతిరావు పూలే జయంత్యుత్సవంలో ప్రసంగిస్తున్న కేంద్రమంత్రి వెంకయ్యనాయుడు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.