రాష్ట్రీయం
రీజనల్ రింగ్ రోడ్డుకు 12 వేల ఎకరాల భూసేకరణ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 5: తెలంగాణ ముఖ్యమంత్రి కేసీఆర్ డ్రీమ్ ప్రాజెక్టు రీజనల్ రింగ్ రోడ్డుకు సంబంధించి ప్రభుత్వం పావులను చకాచకా కదుపుతోంది. ఈ ప్రాజెక్టుకు కేంద్రం అనుమతులపై త్వరలో రాష్ట్ర అధికారుల బృందం ఢిల్లీకి వెళ్లనుంది. కేంద్రంలో రెండవసారి కూడా రవాణాశాఖ మంత్రిగా నితిన్ గడ్కరీ నియమితులు కావడం, ఈ ప్రాజెక్టుగురించి సమగ్రమైన అవగాహన కలిగి ఉండడం రాష్ట్రప్రభుత్వానికి వరంగా పరిణమించింది. 330 కి.మీ పొడువున ఉంటే రీజనల్ రింగ్ రోడ్డు నిర్మాణానికి దాదాపు 12వేల ఎకరాల భూమి అవసరమని అధికారులు గుర్తించారు. ఇందులో ప్రైవేట్ భూములు కూడా ఉన్నాయి. భూమి సేకరణ నిమిత్తం దాదాపు రూ.4వేల కోట్లు అవసరమని అంచనావేశారు. ఈ ప్రాజెక్టు పూర్తయ్యేందుకు దాదాపు రూ.13 వేల కోట్ల వ్యయమవుతుంది. ఈ ప్రాజెక్టును చేపట్టేందుకు కేంద్రం ఇప్పటకే సూత్రప్రాయంగా అనుమతి ఇచ్చింది. కనీసం వంద మీటర్ల వెడల్పు రోడ్డు ఉండాలంటున్నారు. దీని వల్ల ఎక్కువ మొత్తంలో భూమిని సేకరించాల్సి ఉంటుంది. భువనగిరి, చౌటుప్పల్, ఇబ్రహీంపట్నం, షాద్‌నగర్, చేవెళ్ల, శంకరపల్లి, తూప్రాన్, నర్సాపూర్, గజ్వేల్ తదితర పట్టణాల శివార్ల ద్వారా రీజనల్ రింగ్ రోడ్డును నిర్మించనున్నారు. ఈ ప్రాజెక్టు వల్ల హైదరాబాద్ మెట్రోపాలిటన్ డెవలప్‌మెంట్ అథారిటీ పరిధిలోని గ్రామాలు, పట్టణాలకు మహర్దశ పట్టనుంది. జాతీయ రహదారుల నుంచి ప్రతిపాదిత రీజనల్ రోడ్డుకు రోడ్లను అనుసంధానం చేయనున్నారు. మొదట అధికారులు వెళ్లి కేంద్రం నుంచి నిధులు రాబట్టే విషయమై చర్చలు జరపనున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.