రాష్ట్రీయం
టీఆర్‌ఎస్‌కు బీజేపీనే ప్రత్యామ్నాయం
S ,7 à 8 RSCA (si SASPAS) et 6 cialis pharmacie cialis rapports de stage.
నల్లగొండ, జూన్ 15: తెలంగాణ రాష్ట్రంలో టీఆర్‌ఎస్‌కు ప్రత్యామ్నాయ రాజకీయ శక్తిగా బీజేపీనే కనిపిస్తుందని, సీఎం కేసీఆర్ కుటుంబ పాలనను ఎదుర్కోవడం బీజేపీతోనే సాధ్యమవుతుందని మునుగోడు కాంగ్రెస్ ఎమ్మెల్యే కోమటిరెడ్డి రాజగోపాల్‌రెడ్డి సంఛలన వాఖ్యలు చేశారు. శనివారం రాత్రి ఆయన నల్లగొండలో విలేకరులతో మాట్లాడుతు రాష్ట్ర కాంగ్రెస్ నాయకత్వ లోపంతోనే పార్టీకి నష్టం వాటిల్లుతుందని, నాయకత్వ మార్పు కోసం తాను ముందే చెప్పినా పట్టించుకోలేదని ఫలితం ఇప్పుడు అందరు చూస్తున్నారన్నారు. కాంగ్రెస్ పార్టీ నుండి 12 మంది ఎమ్మెల్యేలు బయటకు వెళ్లిపోతే, సీఎల్పీని టీఆర్‌ఎస్‌లో విలీనం చేస్తే జాతీయ స్థాయి నాయకత్వం నుండి స్పందన లేకపోవడం విచారకరమన్నారు. డీకే అరుణ వంటి నాయకులు సైతం పార్టీ నుండి ఎందుకు వెళ్లిపోయారో అధినాయకత్వం ఆలోచించాలన్నారు. కుంతియా, ఉత్తమ్‌లు తీసుకున్న నిర్ణయాలతో కాంగ్రెస్ పార్టీ రోజురోజుకు కునారిల్లిపోతుందన్నారు. పలువురు కీలక నాయకులు బీజేపీ వైపు చూస్తున్నారన్నారని, పార్టీ భవిష్యత్‌పై కార్యకర్తలు నిరాశలో ఉన్నారన్నారు. రాహుల్ నాయకత్వం బలహీన పడిందన్న భావనలో నాయకులు ఉన్నారన్నారు. ప్రస్తుతానికి తనకు కాంగ్రెస్ పార్టీని వీడటం, బీజేపీలో చేరడం వంటి ఆలోచనలు లేవని, భవిష్యత్‌లో కార్యకర్తలతో చర్చించి నిర్ణయం తీసుకుంటానన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.