రాష్ట్రీయం
డిప్యూటీ స్పీకర్‌గా కోన రఘుపతి
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి: శాసనసభ డిప్యూటీ స్పీకర్‌గా బాపట్ల ఎమ్మెల్యే కోన రఘుపతి ఏకగ్రీవంగా ఎన్నికయ్యారు. మంగళవారం శాసనసభాపతి స్థానంలో గౌరవ మర్యాదలతో ఆశీనులయ్యారు. ముఖ్యమంత్రి వైఎస్ జగన్మోహన్‌రెడ్డి, ప్రతిపక్ష నేత చంద్రబాబుతో పాటు అధికార, ప్రతిపక్ష పార్టీ ఎమ్మెల్యేలు వెంటరాగా స్పీకర్ స్థానంలో కోన రఘుపతి కూర్చున్నారు. ఇటీవల స్పీకర్‌గా తమ్మినేని బాధ్యతల స్వీకారం సందర్భంగా ప్రతిపక్షనేత చంద్రబాబు సభా మర్యాదలు పాటించలేదని ఆయన బంట్రోతుగా అచ్చెన్నాయుడును పంపారని చంద్రగిరి వైసీపీ ఎమ్మెల్యే చెవిరెడ్డి భాస్కర్‌రెడ్డి చేసిన వ్యాఖ్యలపై సభలో వాగ్వాదం చెలరేగింది. ఈ నేపథ్యంలో డిప్యూటీ స్పీకర్ కోన రఘుపతి విషయంలో అధికార, విపక్ష సభ్యులు సభా సాంప్రదాయాలను గౌరవించారనేది స్పష్టమవుతోంది.
డిప్యూటీ స్పీకర్‌గా రఘుపతి ఒకరే నామినేషన్ దాఖలు చేయటంతో ఎన్నిక ఏకగ్రీవమైంది. రఘుపతి తండ్రి కోన ప్రభాకర్‌రావు గవర్నర్‌గా, మంత్రిగా, స్పీకర్‌గా ఉమ్మడి రాష్ట్రంలో అందించిన సేవలను ముఖ్యమంత్రి వైఎస్ జగన్, ప్రతిపక్షనేత చంద్రబాబు గుర్తుచేశారు. రాజకీయ కుటుంబం నుంచి వచ్చిన కోన తండ్రి ఆశయాలు, విలువలకు అనుగుణంగా సభలో నిష్పక్షపాతంగా వ్యవహరిస్తారని తాను విశ్వసిస్తున్నట్లు ముఖ్యమంత్రి జగన్ ప్రస్తుతించారు. డిప్యూటీ స్పీకర్‌గా ఎన్నికైన రఘుపతిని అభినందించారు. కోన ప్రభాకరరావుతో తనకు గతంలో ఉన్న సాన్నిహిత్యాన్ని ప్రతిపక్షనేత చంద్రబాబు ప్రస్తావించారు. తండ్రికి తగిన తనయుడుగా రఘుపతి రాణించాలన్నారు. హోం మంత్రి మేకతోటి సుచరిత, వేమూరు ఎమ్మెల్యే మేరుగ నాగార్జున, గుంటూరు తూర్పు నియోజకవర్గం ఎమ్మెల్యే ముస్త్ఫా మాట్లాడుతూ నైతిక విలువలకు కట్టుబడి వివాదరహితునిగా పేరున్న రఘుపతి డిప్యూటీ స్పీకర్‌గా ఎన్నిక కావటం అభినందనీయమన్నారు శాసనసభకు ఆయన సేవలు అవసరమన్నారు. డిప్యూటీ స్పీకర్ మాట్లాడుతూ తనపై విశ్వాసంతో ఏకగ్రీవంగా ఎన్నుకున్న సభ్యులకు కృతజ్ఞతలు తెలిపారు. డిప్యూటీ స్పీకర్‌గా తన విద్యుక్త ధర్మాన్ని నెరవేరుస్తామని స్పష్టం చేశారు.
ఆరుగురు ప్యానల్ స్పీకర్ల నియామకం
అసెంబ్లీలో ప్యానల్ స్పీకర్లుగా ఆరుగురిని నియమించారు. పీడిక రాజన్నదొర, ప్రసన్నకుమార్‌రెడ్డి, అంబటి రాంబాబు, చింతల రామచంద్రారెడ్డి, వై కళావతి, ముదునూరి ప్రసాదరాజులను ప్యానల్ స్పీకర్లుగా నియమిస్తున్నట్లు స్పీకర్ తమ్మినేని సీతారాం మంగళవారం ప్రకటించారు.
చిత్రం...డిప్యూటీ స్పీకర్‌గా ఎన్నికైన కోన రఘుపతిని ఆయన స్థానం వరకు తోడ్కొని వెళుతున్న ముఖ్యమంత్రి జగన్, ప్రతిపక్ష నేత చంద్రబాబు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.