రాష్ట్రీయం
హైకోర్టు సీజేగా చౌహాన్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 22: తెలంగాణ హైకోర్టు ప్రధాన న్యాయమూర్తిగా జస్టిస్ రాఘవేంద్ర సింగ్ చౌహాన్ శనివారం ఉదయం రాజ్‌భవన్ దర్బార్‌హాల్‌లో ప్రమాణస్వీకారం చేశారు. గవర్నర్ ఇఎస్‌ఎల్ నరసింహన్ జస్టిస్ చౌహాన్‌తో ప్రమాణ స్వీకారం చేయించారు. ఈ కార్యక్రమానికి ముఖ్యమంత్రి కే చంద్రశేఖరరావు, శాసనసభ స్పీకర్ పోచారం శ్రీనివాసరెడ్డి, గవర్నర్ దంపతులతో పాటు తెలంగాణ, ఆంధ్రా, కర్నాటక హైకోర్టులకు చెందిన పలువురు న్యాయమూర్తులు, మంత్రులు, ప్రధాన కార్యదర్శి ఎస్ కే జోషి, హైకోర్టు రిజిస్ట్రార్ జనరల్ ఏ వేంకటేశ్వరరెడ్డి, జస్టిస్ చౌహాన్ కుటుంబ సభ్యులు, సీనియర్ అధికారులు హాజరయ్యారు. జస్టిస్ చౌహాన్‌ను ప్రధాన న్యాయమూర్తిగా నియమిస్తూ రాష్టప్రతి జారీ చేసిన ఉత్తర్వులను రిజిస్ట్రార్ జనరల్ వేంకటేశ్వరరెడ్డి చదివి వినిపించారు. అనంతరం గవర్నర్ నరసింహన్ జస్టిస్ చౌహాన్‌తో ప్రమాణ స్వీకారం చేయించారు. ముఖ్యమంత్రి కేసీఆర్ పుష్పగుచ్ఛాన్ని అందించి అభినందనలు తెలిపారు. తెలంగాణ రాష్ట్ర హైకోర్టు తాత్కాలిక ప్రధాన న్యాయమూర్తిగా జస్టిస్ చౌహాన్ మార్చి 28వ తేదీ నుండి తాత్కాలిక ప్రధాన న్యాయమూర్తిగా వ్యవహరిస్తున్నారు. అప్పటి ప్రధాన న్యాయమూర్తి జస్టిస్ టీబీ రాధాకృష్ణన్ కలకత్తా హైకోర్టు ప్రధాన న్యాయమూర్తిగా నియమితులు కావడంతో జస్టిస్ రాఘవేంద్ర సింగ్ చౌహాన్ సీనియర్ న్యాయమూర్తిగా తాత్కాలిక ప్రధాన న్యాయమూర్తి బాధ్యతలు స్వీకరించారు.
హోం మంత్రి మహమూద్ అలీ, ఆరోగ్యమంత్రి ఈటల రాజేందర్, ఎక్సైజ్ మంత్రి వీ శ్రీనివాస్‌గౌడ్, రవాణా మంత్రి వేముల ప్రశాంత్ రెడ్డి, దేవాదాయ మంత్రి ఇంద్రకరణ్ రెడ్డి, డీజీపీ మహేందర్‌రెడ్డి, ఉన్నతాధికారులు, తదితరులు ఈ కార్యక్రమంలో పాల్గొన్నారు.
చిత్రం...రాజ్‌భవన్ దర్బార్‌హాల్‌లో హైకోర్టు ప్రధాన న్యాయమూర్తిగా ప్రమాణ స్వీకారం చేసిన జస్టిస్ చౌహాన్‌ను అభినందిస్తున్న ముఖ్యమంత్రి కేసీఆర్, గవర్నర్ నరసింహన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.