రాష్ట్రీయం
చిగురిస్తున్న ఆశలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 13: కృష్ణా పరివాహక ప్రాంతంలోని ప్రజల ఆశలు చిగురిస్తున్నాయి. అనూహ్యంగా మహారాష్ట్ర, కర్నాటకలో భారీ వర్షాలు కురుస్తుండడంతో ఆల్మట్టికి జలకళ వచ్చేసింది. ఇక ఈ ఏడాదికి ఇంతే సంగతులు అనుకున్న ప్రభుత్వం రైతుల ఆశలు చిగురిస్తున్నాయి. నెలన్నర రోజుల ఆలస్యంగా వరుణ దేవుడు మహారాష్ట్ర, కర్నాటకలో భారీ వర్షాలు కురిపిస్తున్నాడు. ఆల్మట్టికి జల ప్రవాహం విపరీతంగా ఉంది. ప్రస్తుతం శనివారం సాయంత్రం 6 గంటలకు ఆల్మట్టిలో 85 టీఎంసీ నీరు చేరుకుంది. నాలుగు రోజుల క్రితం వరకు కేవవలం 29 టీఎంసీ నీటితో ఎండిపోయిన ఆల్మట్టికి అంచనాలకు మించి వరద నీరు చేరుతోంది. ఇది కచ్చితంగా ఆంధ్ర, తెలంగాణ ప్రాంత రైతులకు శుభవార్త అని సాగునీటి ఇంజనీర్లు చెప్పారు. తాజా పరిస్థితిని విశే్లషిస్తే ఆల్మట్టిలో మొత్తం నీటినిల్వ సామర్థం 129.72 టీఎంసీ. ప్రస్తుతం 85 టీఎంసీకి చేరుకుంది. ఈ ప్రాజెక్టులోకి 1,09,337 లక్షల క్యూసెక్కుల నీరు వస్తోంది. కాని గేట్లు మూసివేశారు. ఇదే రీతిలో వరద పోటెత్తితే మాత్రం ఒక వారం రోజుల్లో ఆల్మట్టి నిండుతుంది. ఆల్మట్టి ఓవర్ ఫ్లో అయ్యే పరిస్థితి వచ్చిన వెంటనే గేట్లు ఎత్తుతారు. ప్రస్తుతం దిగువకు కేవలం ఐదు వేల క్యూసెక్కుల నీటిని వదలుతున్నారు. దిగువన నారాయణ్‌పూర్‌లో 37.65 టీఎంసీకి 19.86 టీఎంసీ నీటి లభ్యత ఉంది. ఆల్మట్టి తర్వాత నారాయణ్‌పూర్ నిండాలి. ఈ రెండు ప్రాజెక్టులు పై నుంచి వరద నీరు ఇదే స్థాయిలో వస్తే కచ్చితంగా నెలాఖరుకు గేట్లు ఎత్తివేసే అవకాశం ఉంది. ఆల్మట్టి నుంచి వరద నీటి ప్రవాహం దిగువకు వస్తే ముందుగా జూరాల, శ్రీశైలంకు నీటి లభ్యత వస్తుంది. దీని వల్ల తాగునీటి అవసరాల బెంగ ఉండదు. కాగా శ్రీశైలం, నాగార్జునసాగర్, పులిచింతల ప్రాజెక్టు జలాశయాల్లో నీటి ప్రవాహంలో ఎటువంటి మార్పులు లేవు. కాగా తుంగభద్ర నదికి కూడా వరద నీరు పెరుగుతోంది. కర్నాటకలో తుంగ భద్ర నీటి పరివాహక ప్రాంతంలో భారీ వర్షాలు కురుస్తున్నాయి. దీని వల్ల 26వేల క్యూసెక్కుల నీరు వస్తోంది. ఈ ప్రాజెక్టు మొత్తం నీటి సామర్థ్యం 100 టీఎంసీ. ఈ ప్రాజెక్టు నీటి లభ్యత ప్రస్తుతం పది టీఎంసీ ఉన్నా, ఇదే ఫ్లో కొనసాగితే, ఈ నెలాఖరుకు నిండే అవకాశం ఉంది. ఈ ప్రాజెక్టు నిండితే గేట్లు ఎత్తితే, నీరు శ్రీశైలం ప్రాజెక్టుకు చేరుతుంది.
తుంగభద్ర డ్యాంకు 10 టీఎంసీల నీరు చేరిక
బళ్లారి: గత కొద్ది రోజుల నుంచి తుంగభద్ర జలాశయంలోకి వరద నీరు చేరుతుండడంతో ప్రస్తుతం జలాశయంలో 10 టీఎంసీల నీరు నిల్వ ఉంది. శనివారం ఉదయం జలాశయంలోకి 26,945 క్యూసెక్కుల వరద నీరు వచ్చి చేరుతుండడంతో జలాశయం నీటి మట్టం 1,590 అడుగులకు చేరిందని, అయితే జలాశయం నుంచి 247 క్యూసెక్కుల నీటిని బయటకు విడుదల చేస్తున్నట్లు జలాశయం అధికారులు తెలిపారు. గత ఏడాది ఈ సమయానికి జలాశయంలో 60 టీఎంసీల నీరు చేరినట్లు తెలిపారు.
చిత్రం... తుంగభద్ర జలాశయం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.