రాష్ట్రీయం
మహంకాళికి బోనం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 21: లష్కర్ బోనాలను పురస్కరించుకుని ఆదివారం సికింద్రాబాద్‌లో ఉజ్జయిని మహంకాళీ అమ్మవారి ఆలయాన్ని ముఖ్యమంత్రి కల్వకుంట్ల చంద్రశేఖర్‌రావు దర్శించుకున్నారు. అమ్మవారికి పట్టువస్త్రాలు, బోనాన్ని సమర్పించి సీఎం తన మొక్కులు సమర్పించారు. మహంకాళీ ఆలయానికి వచ్చిన సీఎం కేసీఆర్‌కు దేవాదాయశాఖ మంత్రి ఇంద్రకరణ్ రెడ్డి, పశుసంవర్ధకశాఖ మంత్రి తలసాని శ్రీనివాస్‌యాదవ్, డిప్యూటీ స్పీకర్ టీ. పద్మారావు, ఆలయ అధికారులు పూర్ణకుంభంతో స్వాగతం పలికారు. అమ్మవారికి ప్రత్యేక పూజలు నిర్వహించిన అనంతరం సీఎం కేసీఆర్ డిప్యూటీ స్పీకర్ పద్మారావు ఇంటికి బయలుదేరి వెళ్లారు. మార్గమధ్యంలో ముత్యాలగుడి వద్ద కారు దిగి అమ్మవారిని దర్శించుకున్నారు. ఆ తర్వాత పద్మారావు ఇంట్లో భోజనం చేశారు. అక్కడి నుంచి నేరుగా ప్రగతిభవన్‌కు వెళ్లిపోయారు. ఇలా ఉండగా ఉజ్జయిని మహంకాళీ అమ్మవారి బోనాలు అత్యంత వైభోపేతంగా జరిగాయి. హైదరాబాద్-సికింద్రాబాద్ జంట నగరాల నుంచే కాకుండా రాష్ట్రం నలుమూలల నుంచి లక్షలాది మంది భక్తులు అమ్మవారిని దర్శించుకుని మొక్కులు చెల్లించుకున్నారు. నగరం నలుమూలల నుంచే కాకుండా దూర ప్రాంతాల నుంచి భక్తులు పెద్దయెత్తున తరలివచ్చారు. ఆదివారం ఉదయం నుంచే అమ్మవారి దర్శనం కోసం భక్తులు బారులు తీరారు. కేంద్ర హోంశాఖ సహాయ మంత్రి జి కిషన్‌రెడ్డి తన కుటుంబం సభ్యులతో వచ్చి అమ్మవారిని దర్శించుకున్నారు. పర్యాటకశాఖ మంత్రి వీ. శ్రీనివాస్‌గౌడ్, మాజీ కేంద్ర మంత్రి బండారు దత్తాత్రేయ, మాజీ ఎంపీ కవిత అమ్మవారిని దర్శించుకున్నారు.
చిత్రం...ఉజ్జయిని మహంకాళి అమ్మవారిని దర్శించుకున్న ముఖ్యమంత్రి కల్వకుంట్ల చంద్రశేఖర్‌రావు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.