రాష్ట్రీయం
సైబర్ నేరాలకు చెక్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 10: నేరాలను అదుపు చేయడానికి కావల్సిన సాంకేతిక పరిజ్ఞానాన్ని అభివృద్ధి చేసేందుకు కేంద్ర ప్రభుత్వం కృషి చేస్తోందని కేంద్ర హోం శాఖ సహాయ మంత్రి జి.కిషన్‌రెడ్డి తెలిపారు. రోజురోజుకూ పెరిగిపోతున్న సైబర్ నేరాలను నూతన చట్టాలు, సరికొత్త సాంకేతిక పరిజ్ఞానంతో అరికట్టేందుకు కేంద్ర ప్రభుత్వం కృషి చేస్తోందని ఆయన పేర్కొన్నారు. ఖైరతాబాద్‌లోని ది ఇనిస్టిట్యూట్ ఆఫ్ ఇంజనీర్స్ ఇండియా (ఐఈఐ) మోక్షగుండం విశే్వశ్వరయ్య భవన్‌లో శనివారం ‘సైబర్ సెక్యూరిటీ, ప్రాసెసింగ్’ అనే అంశంపై జరిగిన రెండు రోజుల అఖిల భారత సెమినార్‌ను కిషన్‌రెడ్డి జ్యోతి ప్రజ్వలన చేసి ప్రసంగించారు. సైబర్ నేరగాళ్ల అప్పగింతకు ఇతర దేశాలతోనూ ఒప్పందాలు చేసుకుంటున్నామని, ఈ విషయంలో అన్ని రాష్ట్రాలతో కేంద్రం
సమన్వయం చేసుకుంటున్నట్లు తెలిపారు. ప్రజలు సైబర్ నేరగాళ్ల బారిన పడకుండా చర్యలు తీసుకుంటున్నామని చెప్పారు. దేశంలో నేరాలను అరికట్టేందుకు ‘సిటిజన్స్ స్మార్ట్ కార్డు’ను ప్రవేశపెట్టాల్సిన అవసరం ఎంతైనా ఉందన్నారు. బంగ్లాదేశ్ వంటి చిన్న దేశాల్లో ప్రతి పౌరుడి పూర్తి వివరాలు తెలిపే స్మార్ట్ కార్డులను వినియోగిస్తున్నట్లు మంత్రి ఈ సందర్భంగా గుర్తు చేశారు. సైబర్ టెక్నాలజీలో ఎదురవుతున్న సవాళ్లను అధిగమించేందుకు మరింత అధ్యయనం చేయాల్సిన అవసరముందని కిషన్‌రెడ్డి అభిప్రాయపడ్డారు. కేంద్ర ప్రభుత్వం ప్రవేశపెట్టిన డిజిటల్ ఇండియాలో భాగంగా దేశంలోని అన్ని గ్రామ పంచాయతీలను అన్‌లైన్ చేస్తున్నామని, అందుకు కావాల్సిన నిధులను కూడా మంజూరు చేసిందని తెలిపారు. దేశంలో సైబర్ నేరాలకు పాల్పడుతున్న వారి వివరాలను సేకరించి డేటా బేస్‌ను తయారు చేస్తున్నామని ఆయన తెలిపారు. దీంతో భవిష్యత్తులో ఎవరైనా నేరాలకు పాల్పడినా అలాంటి వారికి ఉద్యోగాలు రావని, బ్యాంకుల ద్వారా లోన్లు కూడా మంజూరు కావని మంత్రి హెచ్చరించారు. మహిళల శ్రేయస్సు కోసం కేంద్ర ప్రభుత్వం కృతనిశ్చయంతో పనిచేస్తోందని, అందుకోసం 2018 సంవత్సరంలో ఉమెన్స్ సేఫ్టీ డివిజన్‌ను ఏర్పాటు చేశామన్నారు. సాంకేతిక పరిజ్ఞానంతోనే ప్రస్తుతం చైనా, పాక్, బంగ్లాదేశ్ వంటి సరిహద్దు ప్రాంతాల్లో పరిస్థితిని ఎప్పటికప్పుడు పర్యవేక్షించగలుగుతున్నామని ఆయన వివరించారు. ఇటీవల పాకిస్తాన్ ఇమ్రాన్ ఖాన్ ప్రధాన మంత్రి రెచ్చగొట్టే ప్రకటనలు చేశారని, భారత్‌లో ఏమన్నా జరగవచ్చునని బాధ్యతరహితంగా మాట్లాడుతున్నారని మంత్రి మండిపడ్డారు. ఈ నేపథ్యంలో కేంద్ర ప్రభుత్వం మరిన్ని జాగ్రత్తలు తీసుకుంటుందని, ఎలాంటి పరిస్థితులు ఎదురైనా వాటిని ఎదుర్కొనేందుకు సిద్ధంగా ఉన్నామని పేర్కొన్నారు. 370 ఆర్టికల్ విషయంలో కొన్ని రాజకీయ పార్టీలు రాజకీయ దృక్పథంతో లేని ఆరోణలు చేస్తున్నాయని ఇది ఎంతవరకు సబబుకాదన్నారు. జమ్మూలో ప్రస్తుతం పరిస్థితి ప్రశాంతంగా ఉందని, కనుకే 144 సెక్షన్ ఎత్తివేశామన్నారు. ప్రస్తుతం జమ్మూ కాశ్మీర్‌లో పరిస్థితి అదుపులోకి వచ్చిందని, 370 ఆర్టికల్ రద్దుతో అక్కడి యువతకు ఉపాధి అవకాశాలు లభిస్తాయని చెప్పారు. 370 ఆర్టికల్ ద్వారా ఎంత నష్టం కలిగిందో ప్రతిఒక్కరూ గుర్తించారని, కేంద్ర ప్రభుత్వం తీసుకున్న నిర్ణయం పట్ల దేశ వ్యాప్తంగా ప్రజలు హర్షం వ్యక్తం చేశారని తెలిపారు. ది ఇంజనీర్ ఇనిస్టిట్యూట్ ఇండియా తెలంగాణ శాఖ ఆధ్వర్యంలో నిర్వహిస్తున్న ఈ సెమినార్‌లో బీజేపీ ఎమ్మెల్సీ రామచంద్ర రావు, మాజీ ఎమ్మెల్యే సుభాష్ చందర్ రెడ్డి తదితరులు పాల్గొన్నారు. కేంద్ర ప్రభుత్వంలో మంత్రిగా పదవి చేపట్టిన సందర్భంగా హోం మంత్రి కిషన్‌రెడ్డిని ఇనిస్టిట్యూట్ ఆఫ్ ఇంజనీర్స్ తెలంగాణ చైర్మన్ జీ.రామేశ్వర రావు, ప్రధాన కార్యదర్శి అంజయ్య, సంయుక్త కార్యదర్శి ప్రొ. డాక్టర్ బానోత్ రమణ నాయక్‌తో పాటు సభ్యులు కలిసి ఘనంగా సత్కరించి జ్ఞాపికను అందజేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.