రాష్ట్రీయం
నేడు నాగార్జున సాగర్ నాలుగు గేట్ల ఎత్తివేత
S ,7 à 8 RSCA (si SASPAS) et 6 cialis pharmacie cialis rapports de stage.
నల్లగొండ, ఆగస్టు 11: కృష్ణానది ఎగువ ప్రాంతం నుండి వస్తున్న వరదల ఉద్ధృతి నాగార్జున సాగర్ ప్రాజెక్టు వేగంగా నిండుతుండటంతో సోమవారం ఉదయం 8గంటలకు నాలుగు క్రస్ట్‌గేట్లు ఎత్తి దిగువకు నీటి విడుదలకు అధికారులు నిర్ణయించారు. సాగర్ ప్రాజెక్టు దిగువన కృష్ణానది పరివాహక ప్రాంత ప్రజలు నదిలోకి వెళ్లరాదని, చేపల వేట, పశువుల మేపుటకు వెళ్లరాదని హెచ్చరికలు జారీ చేశారు. కృష్ణా బేసీన్‌లో ఎగువన ఆల్మట్టి, నారాయణపూర్, జూరాల, శ్రీశైలం ప్రాజెక్టుల నుండి వస్తున్న భారీ వరద ఉద్ధృతితో పరవళ్లు తొక్కుతున్న కృష్ణమ్మ దూకుడుతో సాగర్ ప్రాజెక్టు కూడా నిండే పరిస్థితి కనిపిస్తుంది. శ్రీశైలం ప్రాజెక్టు నుండి ఆదివారం రాత్రికల్లా 7లక్షల 79వేల క్యూసెక్కుల నీటిని సాగర్‌కు విడుదల చేశారు. సాగర్ జలాశయానికి 24 గంటల వ్యవధిలో దాదాపు 60 టీఎంసీల వరద నీరు అదనంగా చేరుతోంది. శ్రీశైలం జలాశయానికి 8 లక్షల 46 వేల క్యూసెక్కుల ఇన్‌ఫ్లో వస్తుండటం, వరద ఉద్ధృతి మరింత పెరుగుతుండటంతో సాగర్‌కు మరింత నీటిని వదలుతున్నారు. దీంతో ఎగువన ప్రాజెక్టుల నుండి నిరంతరాయంగా వస్తున్న వరదల నేపథ్యంలో సాగర్ ప్రాజెక్టు నాలుగు గేట్లు ఎత్తాలని ఇరిగేషన్ అధికారులు నిర్ణయించుకున్నారు. ఇప్పటికే జూరాల 66 గేట్లు ఎత్తివేయగా, శ్రీశైలం ప్రాజెక్టు 10 గేట్లు 33 అడుగుల మేరకు ఎత్తి దిగువకు సాగర్ ప్రాజెక్టుకు నీటిని విడుదల సాగిస్తున్నారు. శ్రీశైలం నుండి వస్తున్న ఇన్‌ఫ్లోతో సాగర్ జలాశయం వేగంగా నిండుతుండగా ఆదివారం ఎడమకాలువ, లోలెవల్, ఏఎమ్మార్పీ ప్రధాన కాలువలకు మంత్రులు తెలంగాణ, ఏపీ మంత్రులు జి.జగదీష్‌రెడ్డి, అనిల్‌కుమార్‌లు నీటిని విడుదల చేశారు. సాగర్ ప్రాజెక్టు పూర్తి స్థాయి నీటిమట్టం 590 అడుగులు, 312 టీఎంసీలు కాగా, ఆదివారం రాత్రికి 199 టీఎంసీలకు చేరుకుంది. ఆదివారం కుడి కాలువకు 2419 క్యూసెక్కులు, ఎడమకాలువకు 1224 క్యూసెక్కులు, ఎస్‌ఎల్‌బీసీ ఎత్తిపోతల, లోలెవల్ కెనాల్‌లకు 2వేల క్యూసెక్కులు విడుదల చేస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.