రాష్ట్రీయం
అసంఘటిత కార్మికులకు కార్పొరేట్ వైద్యం
S ,7 à 8 RSCA (si SASPAS) et 6 cialis pharmacie cialis rapports de stage.
ఖైరతాబాద్, ఆగస్టు 21: అత్యాధునిక సౌకర్యాలతో నిర్మించిన ఈఎస్‌ఐసీ సూపర్ స్పెషాలిటీ ఆసుపత్రి, మెడికల్ కాలేజీని కేంద్ర కార్మిక శాఖ మంత్రి సంతోష్ గంగ్వార్ బుధవారం జాతికి అంకితం చేశారు. హైదరాబాద్‌లోని సనత్‌నగర్ ఈఎస్‌ఐ ఆసుపత్రి ప్రాంగణంలో నిర్మించనున్న ఓపీడీ బ్లాక్‌కు కేంద్ర హోం శాఖ సహాయ మంత్రి కిషన్ రెడ్డి, రాష్ట్ర మంత్రి మల్లారెడ్డితో కలిసి శంకుస్థాపన చేశారు. ఈ సందర్భంగా గంగ్వార్ మాట్లాడుతూ అసంఘటిత కార్మికులు, వారి కుటుంబాలకు మెరుగైన వైద్య చికిత్సలు అందించేందుకు బీజేపీ ప్రభుత్వం ప్రత్యేక కార్యాచరణతో ముందుకు సాగుతుందని అన్నారు. సనత్‌నగర్‌లో ఆధునిక వసతులతో సూపర్ స్పెషాలిటీ ఆసుపత్రిని అందుబాటులోకి తెచ్చినట్టు చెప్పారు. రాష్ట్ర రాజధానులే కాకుండా ప్రతి జిల్లాలో ఆసుపత్రులను ఏర్పాటుచేసి స్థానికంగానే చికిత్సలు అందించాలని కేంద్ర ప్రభుత్వం కృషి చేస్తుందని చెప్పారు. కేంద్ర మంత్రి కిషన్ రెడ్డి మాట్లాడుతూ కార్మికుల పిల్లలకు ఇక్కడి మెడికల్ కాలేజీలో సీట్లు సంపాదించడం సంతోషకరమని అన్నారు. ఈఎస్‌ఐ ఆసుపత్రిలో 36365 మందికి శస్తచ్రికిత్సలు నిర్వహించామని, 63వేల మందికిపైగా ఇన్ పేషెంట్లుగా, 12లక్షల మంది ఓపీ సేవలను వినియోగించుకున్నారని చెప్పారు. ఆరోగ్య రంగంలో మోదీ ప్రభుత్వం విప్లవాత్మకమైన మార్పులు తీసుకువచ్చిందని చెప్పారు. జీవన విధానంలో చోటుచేసుకున్న మార్పులతో 50 ఏళ్లలోపువారే అనారోగ్యాల బారిన పడుతున్న నేపథ్యంలో ఆయుస్మాన్ భారత్‌ను అందుబాటులోకి తెచ్చిందని చెప్పారు. మహిళలు, గర్భిణుల కోసం మిషన్ ఇంద్రధనస్సు పథకాన్ని ప్రవేశపెట్టారని తెలిపారు. కేంద్ర ప్రభుత్వం తీసుకువచ్చిన ఆయుష్మాన్ భారత్‌లో తెలంగాణ ప్రభుత్వం చేరాలని కోరారు. కేంద్ర మాజీ మంత్రి దత్తాత్రేయ మాట్లాడుతూ భారతదేశంలోనే నెంబర్-1 ఆసుపత్రిగా సనత్‌నగర్ ఈఎస్‌ఐసీ ఆసుపత్రిని తీర్చిదిద్దాలని కోరారు. రామగుండం, బోరబండ, ముషీరాబాద్ ప్రాంతాల్లో రాష్ట్ర ప్రభుత్వం స్థలాలను కేటాయిస్తే ఆసుపత్రులను నిర్మించేందుకు కేంద్రం సిద్ధంగా ఉందని చెప్పారు. సనత్‌నగర్ ఈఎస్‌ఐ ఆసుపత్రిని మరింత అభివృద్ధి పరిచి 1800 పడకల ఆసుపత్రిగా తీర్చిదిద్దాలని రాష్ట్ర కార్మిక మంత్రి మల్లారెడ్డి కోరారు. మేడ్చల్‌తో పాటు హైదరాబాద్ పరిసర ప్రాంతాల్లో వేలాదిగా చిన్న పరిశ్రమలు ఉన్నాయని ఆయా పరిశ్రమల్లో వేలాది మంది కార్మికులు పని చేస్తుంటారని, వారికి వారి కుటుంబ సభ్యులకు చికిత్సలు అందించేందుకు ఆయా ప్రాంతాల్లో సొంత భవనాల్లో డిస్పెన్సరీలను ఏర్పాటు చేయాలని కోరారు. కార్యక్రమంలో ఆరోగ్య శాఖ అధికారి హీరాలాల్ సమారియా పాల్గొన్నారు.
చిత్రం...ఈఎస్‌ఐసీ నూతన ఓపీడీ బ్లాక్‌ను ప్రారంభిస్తున్న కేంద్ర కార్మిక మంత్రి గంగ్వార్ వెల్లడి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.