రాష్ట్రీయం
శ్రీవారి సేవకుని కుటుంబానికి ఆర్థికసాయం
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, నవంబర్ 23: తిరుమలలో శ్రీవారి సేవకు వచ్చి ప్రమాదవశాత్తూ గాయపడి మృతిచెందిన శ్రీవారి సేవకుని కుటుంబానికి టీటీడీ చైర్మన్ ఏడులక్షల రూపాయల ఆర్థిక సాయాన్ని శనివారం అందించారు. తిరుమల శ్రీవారి సేవకు వచ్చిన తెలంగాణలోని కరీంనగర్ జిల్లాకు చెందిన మోతే సుమన్ సేవా సదన్ పైఅంతస్తు నుంచి ప్రమాదవశాత్తు కిందపడి తీవ్రంగా గాయపడి స్విమ్స్‌లో చికిత్స పొందుతూ మృతిచెందిన విషయం తెలిసిందే. కాగా టీటీడీ చైర్మన్ వై.వి.సుబ్బారెడ్డి రూ. 7లక్షలు ఆర్థిక సాయాన్ని మృతుని తల్లి మోతే ఓదెమ్మకు శనివారం అందించారు. ఈ సందర్భంగా టీటీడీ చైర్మన్ వై.వి.సుబ్బారెడ్డి విలేఖరులతో మాట్లాడుతూ గతేడాది జూన్ 23వ తేదీ పరకామణి సేవలో పాల్గొనేందుకు సుమన్ వచ్చాడన్నారు. రెండు రోజులు సేవ చేసిన అనంతరం శ్రీవారి సేవకులు బసచేసే సేవా సదన్ పై అంతస్తు నుంచి ప్రమాదవశాత్తు కింద పడి గాయపడ్డాడనీ, సుమన్ ప్రాణాలను కాపాడేందుకు స్విమ్స్ వైద్యులు తీవ్రంగా ప్రయత్నించారని అయితే దురదృష్టవశాత్తు మృతి చెందాడన్నారు. తాను స్విమ్స్‌లో సుమన్‌ను పరామర్శించడానికి వెళ్లినప్పుడు అక్కడ అతనితోపాటు సేవకు వచ్చిన ఇద్దరు యువకులు మాత్రమే ఉన్నారనీ, సుమన్ తల్లి, అన్న ఉన్నప్పటికీ కరీంనగర్ నుంచి రావడానికి బస్ చార్జీలు కూడా పెట్టుకోలేని స్థితిలో ఉన్నట్లు తెలిసిందన్నారు. కరీంనగర్‌లో తనకు తెలిసిన వారితో ఒక వాహనాన్ని ఏర్పాటు చేసి సుమన్ తల్లిని తిరుపతికి రప్పించానన్నారు. కుటుంబాన్ని పోషిస్తున్న సుమన్ మృతితో అతని తల్లి ఓదెమ్మ జీవనం గగనంగా మారడంతో ఆర్థికసాయం అందించేందుకు బోర్డు సభ్యులతో చర్చించానన్నారు. అందరూ సానుకూలంగా స్పందించడంతో టీటీడీ తరపున ఇన్సురెన్స్‌తో కలిపి రూ. 5 లక్షలు అందించామన్నారు. అలాగే బోర్డు సభ్యులు సుధా నారాయణ మూర్తి, వేమిరెడ్డి ప్రశాంతి రెడ్డి ఒక్కొక్కరు వ్యక్తిగతంగా లక్ష రూపాయలు ఆర్థిక సాయం అందించారన్నారు. ఈ కార్యక్రమంలో టీటీడీ పిఆర్వో డాక్టర్ తలారి రవి, ఏపిఆర్వో, శ్రీవారి సేవ విభాగం ఓఎస్డీ పి.నీలిమ పాల్గొన్నారు.
*చిత్రం... తిరుమలలో మృతి చెందిన కరీంనగర్ వాసి సుమన్ తల్లికి ఏడు లక్షల రూపాయల ఆర్థిక సాయం అందిస్తున్న టీటీడీ చైర్మన్ వై వీ సుబ్బారెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.