రాష్ట్రీయం
ఆర్డీఎస్‌పై వివాదాలకు అడ్డుకట్ట వేద్దాం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 23:కర్నాటక- తెలంగాణ మధ్య ప్రాజెక్టులపై నెలకొన్న వివాదాలపై చర్చించేందుకు నీటిపారుదల శాఖ మంత్రి తన్నీరు హరీశ్‌రావు ఈనెల 28న బెంగళూరు వెళ్లనున్నారు. ఇరుగు పొరుగు రాష్ట్రాలతో సాగునీటి ప్రాజెక్టులపై ఏళ్లతరబడి నెలకొని ఉన్న వివాదాల పరిష్కారానికి నడుం బిగించిన తెలంగాణ సర్కార్, మహారాష్టత్రో చర్చలను విజయవంతంగా ముగించిన సంగతి తెలిసిందే. ఇప్పుడు కర్నాటకపై దృష్టి సారించింది. మహబూబ్‌నగర్ జిల్లాలోని ఆర్‌డిఎస్ సమస్యపై ఈనెల 28న కర్ణాటకతో చర్చలు జరపనుంది. కర్ణాటక నీటిపారుదల శాఖ మంత్రి ఎంబి పాటిల్‌తో మంత్రి తన్నీరు హరీశ్‌రావు బెంగళూరులో భేటీ అవుతారు. అంతర్ రాష్ట్ర ప్రాజెక్టుగా ఉన్న రాజోలి బండ డైవర్షన్ స్కీమ్ వివిధ కారణాలతో తెలంగాణ రైతులకు నీరు అందించలేకపోతున్నదని హరీశ్‌రావు కర్నాటక మంత్రికి ఫోన్‌లో వివరించారు. గతంలో ఆంధ్రప్రదేశ్ ప్రభుత్వం ప్రతిపాదించిన పనులు సైతం మూడేళ్లుగా పెండింగ్‌లో ఉన్నట్టు మంత్రి తెలిపారు. ట్రిబ్యునల్ అవార్డు ప్రకారం 15.9 టిఎంసిల ద్వారా మహబూబ్‌నగర్ జిల్లాలో 87,500 ఎకరాలకు ఆర్డీఎస్ నుంచి సాగునీటిని అందించాల్సి ఉండగా, ఐదు నుంచి ఆరు టిఎంసిల నీరు కూడా రావడం లేదని మంత్రి తెలిపారు. సమైక్య పాలకుల నిర్లక్ష్యంతో ఏనాడూ 20వేల ఎకరాలకు కూడా సాగునీరు నోచుకోలేదని అన్నారు. కృష్ణానది కర్నాటకలో 40 కిలోమీటర్లు ప్రవహించిన తరువాత ఆర్డీఎస్ ద్వారా తెలంగాణలోకి ప్రవేశిస్తుంది. కర్నూలు రైతులు తరచుగా తూములు పగులగొట్టడం, కర్నాటక రైతులు ఆక్రమంగా నీటిని తరలించుకొని పోవడం వంటి సమస్యలతో ఆర్‌డిఎస్ ద్వారా రావలసిన నీరు రావడం లేదని హరీశ్‌రావు తెలిపారు. ఆర్‌డిఎస్ ఆధునీకరణలో భాగంగా బ్యారేజీ ఎత్తు 15 సెంటీమీటర్లు పెంచడానికి, లైనింగ్ మరమ్మతులకు సంబంధించి గత ఆంధ్రప్రదేశ్ ప్రభుత్వం 72 కోట్ల రూపాయలు మంజూరు చేసి, అందులో 58 కోట్లను కర్నాటక ప్రభుత్వం వద్ద డిపాజిట్ చేసిందని హరీశ్‌రావు తెలిపారు. బ్యారేజీ సైట్ కర్నాటక భూ భాగంలో ఉన్నందున ఈ డబ్బును డిపాజిట్ చేసినట్టు చెప్పారు. హరీశ్ ప్రతిపాదనలకు కర్నాటక మంత్రి సానుకూలంగా స్పందించారు. ఈనెల 28న బెంగళూరుకు రావాలని కర్నాటక మంత్రి పాటిల్, హరీశ్‌రావును ఆహ్వానించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.