రాష్ట్రీయం
సింహాద్రినాథుని సాక్షిగా తరలిపోయిన గోవులు!
S ,7 à 8 RSCA (si SASPAS) et 6 cialis pharmacie cialis rapports de stage.
సింహాచలం, ఏప్రిల్ 23: సింహాద్రినాథుని సాక్షిగా శుక్రవారం రాత్రి సింహగిరిపై నుంచి నాలుగు వ్యాన్లలో గోవులు తరలిపోయాయి. భక్తులు మొక్కుబడుల రూపంలో సమర్పించిన గోవులను కొంతమంది వ్యక్తులు వ్యాన్లలో తరలించుకుపోవడం విలేఖరుల కంటపడింది. వారిని ఆపి ప్రశ్నించగా దేవస్థానం వారే కిందికి తీసుకురమ్మన్నారంటూ సమాధానం చెప్పి హుటాహుటిన అక్కడ నుంచి ఉడాయించారు. ఈ విషయమై దేవస్థానం వర్గాలను సంప్రదించగా అవి సంకరజాతివి అయి ఉంటే తమకు సంబంధం లేదంటూ నిర్లక్ష్యంగా సమాధానమిచ్చారు. వ్యాన్లలో ఆవులను తరలించుకుపోయిన వ్యక్తులు దేవస్థానం సిబ్బందికి తెలిసిన వారు కావడం పలు అనుమానాలకు తావిస్తొంది. వారిలో జంతు సంరక్షణ సమితికి సంబంధించిన వారు కూడా ఉన్నారని, ఇవన్నీ రైతులకు అప్పగించడానికి తీసుకువెళ్తున్నారన్న వాదనను దేవస్థానంలో ఒక వర్గం వినిపిస్తోంది. ఈ నేపథ్యంలో దేవస్థానానికి మొక్కుబడుల రూపంలో ఏటా వందల సంఖ్యలో వస్తున్న గోవులు ఏమైపోతున్నాయోనన్న అనుమానాలు తలెత్తుతున్నాయి. సంకర జాతి గోవులను మొక్కుబడుల రూపంలో సమర్పించవద్దంటూ దేవస్థానం బోర్డులు పెట్టి, ప్రకటనలు చేసి చేతులు దులిపేసుకుంటోంది. దేశవాళీ గోవులను స్వీకరిస్తూ వాటిలో కొన్నింటిని సంరక్షిస్తూ ఓ జంతు సంరక్షణ సమితి ఆధ్వర్యంలో రైతులకు అప్పగించే ప్రక్రియను మూడేళ్ల కిందట సింహాచలం దేవస్థానం ప్రారంభించింది. అనంతరం దాని గురించి పట్టించుకోవడం మానేసింది. దీంతో గత మూడేళ్లుగా గోవులు దళారుల చేతుల్లో చిక్కి కబేళాలకు తరలిపోతున్నాయి. ఇటీవల జర్మనీకి చెందిన ఓ పరిశోధకురాలు ఉత్తరాంధ్ర జిల్లాల్లో గోవుల దయనీయ పరిస్థితిని వెలుగులోకి తీసుకువచ్చిన నేపథ్యంలో ఏటా వందల సంఖ్యలో సింహాచలేశునికి భక్తులు సమర్పిస్తున్న గోవులు దారిమళ్లిపోతున్నాయన్న ఆవేదన, ఆందోళన భక్తుల్లో నెలకొంది.
chitram సింహాచలం నుంచి వ్యాన్లలో తరలిపోతున్న గోవులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.