రాష్ట్రీయం
ఒకే రోజు 388 ఇంకుడు గుంతలు
S ,7 à 8 RSCA (si SASPAS) et 6 cialis pharmacie cialis rapports de stage.
సంగారెడ్డి, ఏప్రిల్ 23:ఉరుముతున్న కరవుపై డిప్యూటీ స్పీకర్ పద్మా దేవేందర్‌రెడ్డి సమరశంఖం పూరించారు. గ్రామస్థులను ఒకతాటిపైకి తెచ్చి, ఒకేరోజు 388 ఇంకుడు గుంతల్ని తవ్వించి, ఇతర గ్రామాలకు ఆదర్శంగా నిలిచారు. ఓవైపు మండుతున్న ఎండలు, మరోవైపు అడుగంటుతున్న భూగర్భ జలాలు డిప్యూటీ స్పీకర్‌ను ఆలోచనలో పడేశాయి. ఇంకుడు గుంతలపై ప్రజల్లో అవగాహన కల్పించి, వారిని ఆ దిశగా కార్యోన్ముఖుల్ని చేసేందుకు తన స్వగ్రామం రామాయంపేట మండలం కోనాపూర్‌ను ఎంచుకున్నారు. అయితే ఇప్పటికే నిర్మించిన ఇంకుడు గుంతలకు బిల్లులు రాకపోవడంతో మరిన్ని నిర్మించేందుకు గ్రామస్థులు వెనుకంజ వేశారు. దాంతో ఆమె గ్రామ రచ్చబండ వద్ద సమావేశం ఏర్పాటు చేసి వారిలోని అభద్రతా భావాన్ని తొలగించి చైతన్యం కల్పించారు. కలెక్టర్‌తో చర్చించి ఇంకుడు గుంతల నిర్మాణానికి అవసరమైన సామాగ్రిని సమకూర్చారు. గ్రామంలో మొత్తం 472 ఇళ్లు ఉండగా 84 ఇళ్లు గుట్టపై ఉన్న బండరాయిపై ఉన్నాయి. మిగిలిన 388 ఇళ్లకు ఒకే రోజు ఇంకుడు గుంతల నిర్మాణాన్ని పూర్తి చేయించారు. మే 2వ తేదీన రామాయంపేట మండలంలోని ఝాన్సిలింగాపూర్, 5న దొంగల ధర్మారంలో వంద శాతం ఇంకుడు గుంతలను నిర్మింపజేసే కార్యక్రమానికి ఆమె రూపకల్పన చేసుకున్నారు. గ్రామంలోని ఇళ్లను క్లస్టర్లుగా మార్చి అందుకు ఒక అధికారిని నియమించి ఇంకుడు గుంతలను నిర్మింపజేయడంలో ఆమె సఫలీకృతులయ్యారు.
చిత్రం జిల్లా కేంద్రమైన సంగారెడ్డిలోని ఐకెపి కార్యాలయం ఆవరణలో
ఇంకుడు గుంత నిర్మాణానికి శ్రీకారం చుట్టిన జిల్లా సమాఖ్య సభ్యులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.