రాష్ట్రీయం
ఇది చిల్లర మల్లర రాజకీయం కాదు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 25: వివిధ పార్టీలకు చెందిన నేతలు టిఆర్‌ఎస్‌లోకి రావడం చిల్లర మల్లర రాజకీయాలు కావని ముఖ్యమంత్రి కె చంద్రశేఖర్‌రావు అన్నారు. ఈ చేరికలు తెలంగాణ రాజకీయ పునరేకీకరణలో భాగమని, ఇవి తెలంగాణకు చారిత్రక అవసరమని ముఖ్యమంత్రి పిలుపునిచ్చారు. కాంగ్రెస్ పార్టీకి చెందిన ఖమ్మం ఎమ్మెల్యే పువ్వాడ అజయ్‌కుమార్, అదే పార్టీకి చెందిన ఎమ్మెల్సీ ఫారూఖ్ హుస్సేన్ (మెదక్) సోమవారం సాయంత్రం క్యాంపు కార్యాలయంలో ముఖ్యమంత్రి సమక్షంలో టిఆర్‌ఎస్‌లో చేరారు.
ఈ సందర్భంగా ముఖ్యమంత్రి మాట్లాడుతూ, తెలంగాణ వస్తే రాష్ట్రాన్ని పాలించలేరని అప్పటి సమైక్యవాదులు ఎద్దేవా చేశారని, గెలిచి నిలిచిన తెలంగాణ నిలిచి గెలుస్తుందన్నారు. దీనికి కోసం ప్రజలు తమ సంపూర్ణ సహకారం అందిస్తున్నారని అన్నారు. తెలంగాణ శక్తులన్నింటినీ ఏకం చేయడానికి తాము ప్రయత్నం చేస్తుంటే, కొందరు రాజకీయమే పరమావధిగా ఎడ్డెం అంటే తెడ్డెం అన్నట్టుగా తయారయ్యారని ముఖ్యమంత్రి అన్నారు. ఏదన్నా పని మొదలు పెట్టకముందే విమర్శలు చేయడం మంచిది కాదని, అలాంటి వారిని పట్టించుకోవద్దని ప్రజలు ఎప్పటికప్పుడు చెబుతూనే ఉన్నా మేము ప్రజాస్వామికంగా వ్యవహరిస్తూ శాసనసభ సాక్షిగా కలసిపోయే ప్రయత్నం చేస్తున్నామని ముఖ్యమంత్రి అన్నారు. భవిష్యత్ తరాలకు నష్టం కలుగుకుండా ఏ నిర్ణయం తీసుకున్నా అచితూచి కూలంకశంగా చర్చిస్తూ ముందుకు వెళ్తున్నామన్నారు. ఆరు దశాబ్దాల పోరాటాల అనంతరం సాధించుకున్న రాష్ట్రానికి దిశ, దశ నిర్దేశించుకునే కీలక సందర్భంలో తెలంగాణ ఉందన్నారు.
‘జీవితంలో మనం ఎన్నో పనులు చేస్తుంటాం, అందులో మన బెస్ట్ కంట్రిబ్యూషన్ ఏమిటన్నదే ముఖ్యం’ అని ముఖ్యమంత్రి అన్నారు. ‘ఎన్నాళ్లు బతికామన్నది గాదు, ఎంత క్వాలిటీగా బతికామన్నదే ముఖ్యం’ అని ముఖ్యమంత్రి అన్నారు. ఈ ఏడాది చివరికల్లా ఖమ్మం చుట్టుపక్కల గ్రామాలకు పాలేరు నుంచి మంచినీటిని అందిస్తామన్నారు. గోదావరిని ఖమ్మం జిల్లాకు మళ్లించి ఒక్క ఇంచు భూమినీ వదలకుండా సాగులోకి తీసుకు రాబోతున్నామని అన్నారు. విద్యావంతుడైన పువ్వాడ తనకు కొడుకు లాంటి వాడని ముఖ్యమంత్రి కొనియాడారు. ఖమ్మం జిల్లాలో మంత్రి తుమ్మలకు చేదోడు వాదోడుగా ఉంటూ అందరినీ కలుపుకు పోతూ పార్టీని బలోపేతం చేయాలని ముఖ్యమంత్రి అన్నారు. తన స్వస్థలానికి చెందిన ఫారూఖ్ హెస్సేన్ చిరపరిచితుడని, కలిసి పనిచేద్దామని తానే పార్టీలో చేరాల్సిందిగా కోరానని ముఖ్యమంత్రి చెప్పారు.
చిత్రం సోమవారం సిఎం క్యాంపు కార్యాలయంలో కెసిఆర్ సమక్షంలో తెరాసలో చేరిన కాంగ్రెస్ ఎమ్మెల్యే పువ్వాడ అజయ్, ఎమ్మెల్సీ ఫారూఖ్ హుస్సేన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.