రాష్ట్రీయం
రేపు రాకెట్ ప్రయోగం
S ,7 à 8 RSCA (si SASPAS) et 6 cialis pharmacie cialis rapports de stage.
సూళ్లూరుపేట, ఏప్రిల్ 26: భారత అంతరిక్ష పరిశోధన సంస్థ (ఇస్రో) నెల్లూరు జిల్లా శ్రీహరికోటలోని భారత అంతరిక్ష ప్రయోగ కేంద్రం సతీష్ థావన్ స్పేస్ సెంటర్ (షార్)లో స్వదేశీ నావిగేషన్ సేవలకు సంబంధించిన ఏడో ఉపగ్రహ ప్రయోగానికి శాస్తవ్రేత్తలు సర్వసిద్ధం చేశారు. షార్‌లోని మొదటి ప్రయోగ వేదిక నుండి ఈ నెల 28న మధ్యాహ్నం 12:50గంటలకు పిఎస్‌ఎల్‌వి-సి 33 రాకెట్ నింగిలోకి ఎగరనుంది. ప్రయోగానికి సంబంధించిన కౌంట్‌డౌన్ మంగళవారం ఉదయం 9:20 గంటలకు ప్రారంభమై సజావుగా కొనసాగుతోంది. షార్‌లోని మొదటి ప్రయోగ వేదిక నుంచి జరిగే పిఎస్‌ఎల్‌వి-సి 33 వాహక నౌక ద్వారా 1425కిలోల బరువుగల భారత క్షేత్రీయ దిక్సూచి ఉపగ్రహాన్ని (ఐఆర్‌ఎన్‌ఎస్‌ఎస్-1జి) నిర్ధేశిత కక్ష్యలోకి ప్రవేశపెట్టనున్నారు. మన దేశ అవసరాల కోసం పూర్తి స్వదేశీ పరిజ్ఞానంతో ఈ ఉపగ్రహాన్ని బెంగళూరులోని ఉపగ్రహ తయారీ కేంద్రంలో రూపొందించారు.
రాకెట్ విజయం కోసం సూళ్లూరుపేటలోని చెంగాళమ్మ పరమేశ్వరి అమ్మవారిని వి ఎస్ ఎస్‌సి డైరెక్టర్ డాక్టర్ శివన్ ప్రత్యేక పూజలు చేశారు. కౌంట్‌డౌన్ జరిగే సమయంలో రాకెట్‌లోని నాలుగో దశలో ధ్రవ ఇంధనాన్ని నింపే ప్రక్రియ మంగళవారం మధ్యాహ్ననికి పూర్తి చేశారు. సాయంత్రం నాలుగు గంటలకు నైట్రోజన్ హీలియం గ్యాస్‌ను నింపే ప్రక్రియను కూడా శాస్తవ్రేత్తలు పూర్తిచేశారు. నాలుగు దశలు కలిగిన పిఎస్‌ఎల్‌వి రాకెట్ 44.4 మీటర్ల ఎత్తు 320 టన్నుల బరువు కలిగి ఉంటుంది. మొదటి దశలో 138టన్నుల ఘన ఇంధనం, రెండో దశలో 41.7టన్నుల ధ్రవ ఇంధనం, మూడో దశలో 7.6టన్నుల ఘన ఇంధనం, నాలుగో దశలో 2.5టన్నుల ధ్రవ ఇంధనం ఉంటుంది. రాకెట్‌కు మొదటి దశలో వేగంగా నెట్టేందుకు 6స్ట్ఫ్రాన్ ఎక్స్‌ఎల్ మోటార్లను అమర్చారు. రాకెట్ భూమి నుండి ఎగిరిన తరువాత దశల వారిగా నాలుగు దశలను పూర్తిచేసుకున్న అనంతరం 20నిమిషాలకు ఉపగ్రహాన్ని కక్ష్యలోకి ప్రవేశపెట్టనుంది. ఇప్పటికే ఇస్రోలోని అన్ని సెంటర్ల డైరెక్టర్లు షార్‌కు చేరుకొని ప్రయోగ ఏర్పాట్లలో తలమునకలై ఉన్నారు. ప్రయోగానికి 51:30గంటల ముందు ప్రారంభమైన కౌంట్‌డౌన్ నిర్విఘ్నంగా పూర్తిచేసుకొన్నంతరం సరిగ్గా గురువారం మధ్యాహ్నం 12:50గంటలకు రాకెట్ నిప్పులు చిమ్ముతూ నింగిలోకి ఎగరనుంది. బుధవారం రెండో దశలో ధ్రవ ఇంధనం నింపినంతరం మళ్లీ రాకెట్‌లోని అన్ని భాగాల పనితీరును గమనించినంతరం విద్యుత్ సరఫరా ఇస్తారు. ప్రయోగానికి ఎనిమిది గంటల ముందు మిషన్ కంట్రోలర్ సెంటర్‌లో ఉన్న సూపర్ కంప్యూటర్లకు అనుసంధానం చేసి అక్కడ నుండి రాకెట్ పనితీరును గమనిస్తారు. ఇస్రో చైర్మన్ ఎఎస్.కిరణ్‌కుమార్ బుధవారం షార్‌కు చేరుకోనున్నారు. బెంగళూరు నుండి ఆయన నేరుగా శ్రీహరికోటకు చేరుకొని ప్రయోగ వేదిక వద్దకు చేరుకొని కౌంట్‌డౌన్ పనితీరును గమనించనున్నారు.
చిత్రం... ఉపగ్రహం చుట్టూ అమర్చిన ఉష్ణ కవచం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.