రాష్ట్రీయం
నేడే నింగిలోకి పిఎస్‌ఎల్‌వి-సి 33
S ,7 à 8 RSCA (si SASPAS) et 6 cialis pharmacie cialis rapports de stage.
సూళ్లూరుపేట, ఏప్రిల్ 27: మరో చారిత్రక ప్రయోగానికి భారత అంతరిక్ష పరిశోధన సంస్థ (ఇస్రో) సన్నద్ధమైంది. మరి కొన్ని గంటల వ్యవధిలోనే ఇస్రో శాస్తవ్రేత్తలు సొంత నావిగేషన్ వ్యవస్థ అధ్యయానికి సర్వసిద్ధం చేశారు. సరికొత్త స్వదేశీ సాంకేతిక పరిజ్ఞానంతో రూపొందించిన ఐఆర్‌ఎన్‌ఎస్‌ఎస్-1జి ఉపగ్రహ ప్రయోగం విజయవంతమైతే మనకు సొంత నావిగేషన్ వ్యవస్థ అందుబాటులోకి వస్తుంది. నెల్లూరుజిల్లాలోని శ్రీహరికోట భారత అంతరిక్ష ప్రయోగ కేంద్రం సతీష్ థావన్ స్పేస్ సెంటర్ (షార్) నుండి గురువారం మధ్యాహ్నం 12.50గంటలకు పిఎస్‌ఎల్‌వి-సి 33 రాకెట్ నింగిలోకి ఎగరనుంది. షార్‌లోని మొదటి ప్రయోగ వేదిక నుండి ప్రయోగించే ఈ రాకెట్ ద్వారా 1425కిలోల బరువుగల ఐఆర్‌ఎన్‌ఎస్‌ఎస్-1జి ఉపగ్రహాన్ని రోదసీలోకి పంపనున్నారు. ప్రయోగానికి సంబంధించిన కౌంట్‌డౌన్ 26న మంగళవారం ఉదయం 9:20గంటలకు ప్రారంభమై సజావుగా కొనసాగుతోంది.
మన దేశ నావిగేషన్ సేవల అవసరాల నిమిత్తం పూర్తి స్వదేశీ పరిజ్ఞానంతో నావిగేషన్ వ్యవస్థలను రూపొందించుకొనేందుకు ఇస్రో ఏడు ప్రయోగాలు చేపట్టేందుకు శ్రీకారం చుట్టింది. ఇందులో ఇప్పకే ఆరు ప్రయోగాలను విజయవంతంగా పూర్తి చేసింది. గురువారం నాటి ప్రయోగం చివరి ప్రయోగం కావడం విశేషం. ఇది విజయవంతంమైతే జిపిఎస్ సేవలు అందుబాటులోకి రానుంది. కౌంట్‌డౌన్ సమయంలోరాకెట్‌లోని నాలుగో దశలో 2.5టన్నులు, రెండో దశలో 2.5టన్నుల ద్రవ ఇంధనాన్ని నింపే ప్రక్రియతోపాటు హీలియం, నైట్రోజన్ గ్యాస్‌లను నింపే పనులను శాస్తవ్రేత్తలు పూర్తిచేశారు. రాకెట్‌లోని అన్ని వ్యవస్థల పనితీరు తదితర వాటిని పరిశీలించి గ్లోబల్ పరీక్షలు కూడా పూర్తి చేశారు. ఇస్రో చైర్మన్ డాక్టర్ ఎఎస్.కిరణ్‌కుమార్ బుధవారం మధ్యాహ్నం షార్‌కు చేసుకొని ప్రయోగ వేదికపై ఉన్న పిఎస్‌ఎల్‌వి రాకెట్‌ను శాస్తవ్రేత్తలతో కలసి పరిశీలించారు. అనంతరం శాస్తవ్రేత్తలతో సమావేశమై ప్రయోగ ఏర్పాట్లను అడిగి తెలుసుకొన్నారు. ప్రయోగ సమయంలో 320టన్నుల బరువు, 44.4మీటర్ల ఎత్తుకలిగిన పిఎస్‌ఎల్‌వి రాకెట్ భూమి నుండి ఎగిరిన తరువాత దశల వారీగా నాలుగు దశలను పూర్తిచేసుకొనిన అనంతరం 20నిమిషాలకు ఉపగ్రహాన్ని భూమికి 284కి.మీ ఎత్తులో కక్ష్యలోకి ప్రవేశపెట్టనుంది. ఇప్పటికే ఇస్రోలోని అన్ని సెంటర్ల డైరెక్టర్లు షార్‌కు చేరుకొని ప్రయోగ ఏర్పాట్లను తలమునకలవ్వడంతో షార్‌లో సందడి వాతావరణం నెలకొంది. పిఎస్‌ఎల్‌వి ప్రయోగాల్లో ఇది 35వ ప్రయోగం కాగా నావిగేషన్ సిరిస్‌లో ఏడో ప్రయోగం కావడం గమనార్హం. రాకెట్‌ను భూమి నుండి వేగంగా నెట్టేందుకు రాకెట్ మొదటి దశలో ఆరు స్ట్ఫ్రాన్ ఎక్స్‌ఎల్ మోటార్లను బిగించి ఉన్నారు. ఈ తరహా ప్రయోగం మొదట చంద్రయాన్-1లో ఉపయోగించి ఉన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.