రాష్ట్రీయం
మూడు కాళ్లతో శిశువు జననం
S ,7 à 8 RSCA (si SASPAS) et 6 cialis pharmacie cialis rapports de stage.
గన్నవరం, ఏప్రిల్ 27: కృష్ణా జిల్లా గన్నవరం ప్రభుత్వ ఆసుపత్రిలో బుధవారం వింతశిశువు జన్మించింది. గన్నవరం మండలం వీరపనేనిగూతెం గ్రామానికి చెందిన షేక్ బాషా, హసీనా దంపతులకు రెండో సంతానంగా మూడు కాళ్లతో మగబిడ్డ జన్మించింది. మధ్యాహ్నం 3.45 గంటలకు గైనకాలజిస్టు డాక్టర్ అరుణ కాత్యాయిని హసినాకు డెలివరీ నిర్వహించారు. సాధారణ ప్రసవంలో జన్మించిన మగ బిడ్డకు మూడు కాళ్లు ఉండటంతో అరుదైన వింత శిశువు జన్మించినట్లుగా వైద్యులు నిర్ధారించారు. అయితే శిశువు జన్మించగానే మృతి చెందినట్లు వైద్యులు తెలిపారు. ఉదయం 7 గంటలకు కాన్పుకోసం హసీనా తల్లితో సహా వచ్చి ఆసుపత్రిలో చేరింది. జన్యుపరంగా ఏర్పడే అసమతుల్యత కారణంగా ఇటువంటి జననాలు, మరణాలు సంభవిస్తాయని భావిస్తున్నారు. కాగా మొదటి సంతానంగా పాప జన్మించగా, ద్వితీయ సంతానంగా మగ శిశువు జన్మించినట్లు హసీనా తెలిపారు. వింత శిశువును ప్రజలు ఎంతో ఆసక్తితో చూశారు. శిశువుకు రెండు కాళ్లు యథావిధిగా ఉండగా, మూడో కాలు ఎడమవైపు నడుము వద్ద వీపుకు ప్రక్కన ఉండటం విశేషం. తల్లి క్షేమంగా ఉందని బిడ్డ మృతి చెందినట్లు వైద్యులు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.