రాష్ట్రీయం
తిరుమలలో వివాహాలకు ఆన్‌లైన్ ద్వారా దరఖాస్తులు
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, ఏప్రిల్ 28: తిరుమలలో టిటిడి కల్యాణ వేదికలో వివాహాలు చేసుకునే వధూవరులకు మే 9 నుంచి ఆన్‌లైన్‌లో దరఖాస్తులు అందుబాటులో ఉంచాలని టిటిడి ఇ ఒ సాంబశివరావు ఐటి అధికారులను ఆదేశించారు. గురువారం టిటిడి పరిపాలనాభవనంలో తన కార్యాలయంలో ఆయన ఐటి అధికారులతో సమావేశం నిర్వహించారు. ఈసందర్భంగా ఆయన మాట్లాడుతూ మే 9న అక్షయ తృతీయ సందర్భంగా ఆన్‌లైన్ దరఖాస్తులు అందుబాటులో ఉంచాలన్నారు. తిరుమల్లో వివాహం చేసుకునేవారికి వసతి, దర్శనం, లడ్డూ ప్రసాదాలకు సంబందించిన సంక్షిప్త సమాచారం అందుబాటులో ఉంచాలన్నారు. వివాహం చేసుకునే వధూవరుల వయస్సు నిర్ధారణకు సంబందించిన స్కూల్ సర్ట్ఫికెట్లను పొందుపరచాల్సి ఉంటుందని ఆయన స్పష్టం చేశారు. ఆధార్,రేషన్, ఓటరు కార్డుల్లో ఒకటి తప్పనిసరిగా సమర్పించాలన్నారు. నూతన వధూవరులను వారి తల్లితండ్రులను కలిపి మొత్తం ఆరుగురికి రూ.300 శీఘ్రదర్శనం క్యూలైన్లో పంపే ఏర్పాట్లు చేయాలని అధికారులను ఆదేశించారు. వీరికి రూ.25 చొప్పున ఒక్కొక్కరికి రెండు లడ్డూలు ఇవ్వాలన్నారు. వధూవరులకు పసుపు,కుంకుమ, కంకణాలు చిన్న లడ్డూలతో కూడుకున్న ప్యాకెట్లు ప్రతి దంపతులుకు ఇవ్వాలని అధికారులకు ఆదేశించారు. కల్యాణ వేధిక వద్ద వధూవరుల బంధు మిత్రులకు అవసరమైన సమాచారం అందించేందుకు హెల్ప్ డెస్క్, కాల్ సెంటర్‌ను కూడా ఏర్పాటు చేయాలన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.