రాష్ట్రీయం
తెలుగు రాష్ట్రాల్లో ప్రశాంతంగా ఎంసెట్
S ,7 à 8 RSCA (si SASPAS) et 6 cialis pharmacie cialis rapports de stage.
కాకినాడ, ఏప్రిల్ 29: ఎపి ఎంసెట్- 2016 శుక్రవారం తెలుగు రాష్ట్రాల్లో ప్రశాంతంగా జరిగింది. 94.84 శాతం మంది విద్యార్థులు ఈ పరీక్షలకు హాజరయ్యారు. కాకినాడ జెఎన్‌టియు ఆధ్వర్యంలో తెలంగాణలోని హైదరాబాద్, ఆంధ్రప్రదేశ్‌లోని 13 జిల్లాల్లో కట్టుదిట్టమైన ఏర్పాట్ల మధ్య ఎంసెట్-2016 నిర్వహించారు.
ఉదయం 6 గంటలకు ఆంధ్రప్రదేశ్ ఉన్న త విద్యాశాఖ మంత్రి గంటా శ్రీనివాసరావు ఇంజనీరింగ్‌కు సంబంధించి సెట్ కోడ్‌ను కాకినాడలో విడుదల చేయగా, 9 గంటలకు మెడిసిన్, అగ్రికల్చర్ పరీక్షల సెట్ కోడ్‌ను వైద్యారోగ్య శాఖ మంత్రి డాక్టర్ కామినేని శ్రీనివాస్ విడుదల చేశారు. అనంతరం ఉదయం 10 గంటలకు ఆంధ్రప్రదేశ్‌లో 22 రీజనల్ సెంటర్లు, తెలంగాణలోని హైదరాబాద్‌లో 2 రీజనల్ సెంటర్ల పరిధిలోని ఆయా కేంద్రాల్లో పరీక్షలు జరిగాయి. ఇంజనీరింగ్‌కు సంబంధించి ఆంధ్రప్రదేశ్‌లో 95.05 శాతం మంది విద్యార్థులు పరీక్షకు హాజరయ్యారు. 1,70,343 మంది విద్యార్థులు దరఖాస్తు చేసుకోగా 1,61,916 మంది పరీక్షకు హాజరు కాగా, 8427 మంది గైర్హాజరయ్యారు. తెలంగాణ రాష్ట్రానికి సంబంధించి ఇంజనీరింగ్ విభాగంలో 92.89 శాతం మంది విద్యార్థులు పరీక్షకు హాజరయ్యారు. మొత్తం 18,888 మంది దరఖాస్తు చేసుకోగా 17,546 మంది హాజరు కాగా 1,342 మంది విద్యార్థులు గైర్హాజరయ్యారు. రెండు రాష్ట్రాల్లో ఇంజనీరింగ్‌కు సంబంధించి 1,89,231 మంది దరఖాస్తు చేసుకోగా 1,79,462 మంది పరీక్షకు హాజరు కాగా 9769 మంది గైర్హాజరయ్యారు.
మెడిసిన్, అగ్రికల్చర్‌కు సంబంధించి 1,03,222 మంది దరఖాస్తు చేసుకోగా 98,750 మంది పరీక్షకు హాజరయ్యారు. 4472 మంది గైర్హాజరయ్యారు. అంటే 95.67 శాతం మంది విద్యార్థులు పరీక్షలకు హాజరయ్యారు.
అగ్రికల్చర్, మెడిసిన్ విభాగానికి సంబంధించి ఆంధ్రప్రదేశ్‌లో 95.64 శాతం మంది పరీక్షలకు హాజరయ్యారు. 79,629 మంది దరఖాస్తు చేసుకోగా 76,159 మంది పరీక్షకు హాజరు కాగా 3470 మంది విద్యార్థులు గైర్హాజరయ్యారు. తెలంగాణలో 95.75 మంది విద్యార్థులు పరీక్షకు హాజరయ్యారు. మొత్తం 23,593 మంది దరఖాస్తు చేసుకోగా 22,591 మంది పరీక్షకు హాజరయ్యారు. 1,002 మంది విద్యార్థులు గైర్హాజరయ్యారు.
ఎపి ఎంసెట్‌కు 2015లో 95.39 శాతం విద్యార్థులు హాజరు కాగా 2016లో 94.84 శాతం విద్యార్థులు ప్రవేశ పరీక్షకు హాజరైనట్టు ఎంసెట్ కన్వీనర్ డాక్టర్ సిహెచ్ సాయిబాబు ఆంధ్రభూమి ప్రతినిధికి చెప్పారు. అధికార యంత్రాంగం సహాయంతో పరీక్షలను ఏ విధమైన ఇబ్బందులు లేకుండా విజయవంతంగా నిర్వహించినట్టు పేర్కొన్నారు.
ఖచ్చితమైన నిబంధనలు విధించిన కారణంగా అన్ని కేంద్రాలకు విద్యార్థులు సకాలంలో చేరుకున్నారని, అవాంఛనీయ సంఘటనలకు తావులేకుండా పరీక్షలు నిర్వహించగలిగినట్టు డాక్టర్ సాయిబాబు తెలిపారు.
chitram ఎంసెట్ ఇంజనీరింగ్ సెట్ కోడ్‌ను విడుదల చేస్తున్న
ఆంధ్రప్రదేశ్ ఉన్నత విద్యాశాఖ మంత్రి గంటా శ్రీనివాసరావు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.