రాష్ట్రీయం
తెలుగు రాష్ట్రాల్లో తేలికపాటి వానలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 2: తెలంగాణ రాష్ట్రంలో వచ్చే రెండురోజుల్లో అక్కడక్కడా తేలికపాటి వర్షాలు కురిసే అవకాశం ఉందని భారత వాతావరణ శాఖ (ఐఎండి) ప్రకటించింది. ఐఎండి హైదరాబాద్ డైరెక్టర్ వైకె రెడ్డి సోమవారం ఆంధ్రభూమి ప్రతినిధితో మాట్లాడుతూ వాతావరణలో వచ్చిన స్వల్పమార్పుల వల్ల చిరుజల్లులు లేదా తేలికపాటి వర్షాలు అక్కడక్కడా కురుస్తాయని వివరించారు. గత 24 గంటల్లో మహబూబ్‌నగర్ జిల్లా కొందుర్గు గ్రామంలో మూడు సెంటీమీటర్లు, అచ్చంపేటలో రెండు సెంటీమీటర్లు, గట్టు గ్రామంలో ఒక సెంటీమీటర్, ఆదిలాబాద్ జిల్లా బోధ్‌లో ఒక సెంటీమీటర్ వర్షపాతం నమోదైందని వైకె రెడ్డి తెలిపారు. కోస్తాలోని విజయనగరం జిల్లా మేరకాముడిడ్యాం వద్ద ఒక సెంటమీటర్ వర్షపాతం నమోదైంది. అలాగే రాయలసీమలోని కర్నూలు జిల్లా పీపల్లిలో మూడు సెంటీమీటర్లు, అనంతపురం జిల్లా గూటి, మడకశిరలలో ఒక్కో సెంటీమీటర్ వర్షపాతం నమోదైందని వైకెరెడ్డి తెలిపారు. ఇలా ఉండగా వచ్చే రెండురోజుల్లో ఆదిలాబాద్, నిజామాబాద్, కరీంనగర్, మెదక్, ఖమ్మం, వరంగల్, రంగారెడ్డి, హైదరాబాద్, నల్లగొండ, మహబూబ్‌నగర్ జిల్లాల్లో తీవ్రమైన వడగాడ్పులు వీచే అవకాశం ఉందని డైరెక్టర్ తెలిపారు. కోస్తా జిల్లాలైన తూర్పుగోదావరి, గుంటూరులలో వడగాడ్పులు వీస్తాయన్నారు. గడచిన 24 గంటల్లో చాలా ప్రాంతాల్లో పగటి ఉష్ణోగ్రతలు 40 డిగ్రీలపైగానే నమోదయ్యాయి. రామగుండం, జంగమేశ్వరపురంలలో 45 డిగ్రీల చొప్పున గరిష్ట ఉష్ణోగ్రత నమోదైంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.