రాష్ట్రీయం
ఫ్యన్’ ఆగిపోయింది!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 2: తెలంగాణలో వైఎస్సార్ కాంగ్రెస్ పార్టీకి తీరని కష్టకాలం ఎదురైంది. కొనఊపిరితో ఉన్న ఆ పార్టీ భవిష్యత్తు అంధకారంలో పడబోతున్నది. ఉన్న ముగ్గురు ఎమ్మెల్యేలలో ఇద్దరు ఇప్పటికే కారెక్కేయగా.. మిగిలి ఉన్న ఖమ్మం వైకాపా లోక్‌సభ సభ్యుడు పొంగులేటి శ్రీనివాస్ రెడ్డి, ఎమ్మెల్యే పాయం వెంకటేశ్వర్లు (పినపాక) కూడా బుధవారం తెలంగాణ ముఖ్యమంత్రి కె. చంద్రశేఖర్‌రావు సమక్షంలో టిఆర్‌ఎస్‌లో చేరేందుకు నిర్ణయం తీసుకున్నారు. దీంతో ఆ పార్టీకి తెలంగాణ రాష్ట్రానికి సంబంధించినంత వరకు చట్టసభల్లో ప్రాతినిధ్యం లేకుండా పోతుంది. 2014లో లోక్‌సభకు, అసెంబ్లీకి జరిగిన సార్వత్రిక ఎన్నికల్లో ఖమ్మం లోక్‌సభ నుంచి పొంగులేటి శ్రీనివాస్‌రెడ్డి, ఎమ్మెల్యేలు తాటి వెంకటేశ్వర్లు (అశ్వారావుపేట), మదన్‌లాల్ (వైరా), పాయం వెంకటేశ్వర్లు(పినపాక) గెలిస్తే, వీరిలో తాటి వెంకటేశ్వర్లు, మదన్‌లాల్ ఇదివరకే గులాబీ గూటికి చేరుకున్న సంగతి తెలిసిందే. పొంగులేటి శ్రీనివాస్‌రెడ్డిపై వైకాపా ఇంతకాలం చాలా ఆశలే పెట్టుకుని ఉంది. ఆయనతో పాటు ఎమ్మెల్యే పాయం వెంకటేశ్వర్లు ఎట్టి పరిస్థితుల్లోనూ పార్టీ ఫిరాయించరని ఆ పార్టీ నేతలు నమ్ముతూ వచ్చారు. పార్టీ అధ్యక్షుడు వైఎస్ జగన్ సోదరి షర్మిల తెలంగాణలో పరామర్శ యాత్రలు, రైతుభరోసా యాత్రలు, పాదయాత్రలు నిర్వహించినప్పుడు పొంగులేటి ఆమెకు అండగా ఉంటూ జన సమీకరణ, ప్రచార ఏర్పాట్లు చూసుకునే వారు. తెలంగాణలో పార్టీ బలోపేతానికి సోదరి షర్మిలతో కొంతమేరకు ప్రచార కార్యక్రమాలు చేయించారు. కానీ పాదయాత్ర వల్ల ఆమె ఎడమ మోకాలు కొంత అరిగిపోవడంతో ఆమె ఎక్కువ కాలం విశ్రాంతి తీసుకోవాల్సి వచ్చింది. షర్మిల పూర్తిగా కోలుకున్నా, మునుపటిలా ఆమె తెలంగాణలో పర్యటించే పరిస్థితి లేదు. ఇకపోతే తాజాగా ఎంపి పొంగులేటి, ఎమ్మెల్యే పాయం బుధవారం పార్టీలో చేరనుండడంతో ఆ పార్టీ కార్యకర్తల్లో నిరుత్సాహం చోటు చేసుకున్నది. కనీసం ఒక ఎంపి, ఒక ఎమ్మెల్యే అయినా పార్టీకి ఉన్నట్లయితే ప్రజా సమస్యలపై చట్ట సభల్లో పార్టీ వాణి వినిపించేందుకు అవకాశం ఉండేదని, కార్యకర్తలకు ప్రభుత్వ పరంగా ఏవైనా పనులు ఉంటే తమ ఎంపీ, ఎమ్మెల్యే వద్దకు వెళ్ళేందుకు అవకాశం ఉండేదన్న అభిప్రాయం వైకాపా నేతలు వ్యక్తం చేస్తున్నారు.
పొంగులేటి స్థానంలో తెలంగాణ పార్టీ విభాగానికి కొత్త అధ్యక్షుణ్ణి ప్రకటించాల్సి ఉంటుంది. 2014లో ఎన్నికల్లో తెలుగుదేశం పార్టీ నుంచి 15 మంది ఎమ్మెల్యేలు గెలుపొందగా, డజను మంది టిఆర్‌ఎస్‌లో చేరారు. ఆ పార్టీ శాసనసభాపక్షంలో రెండింట మూడో వంతు మందికి పైగా టిఆర్‌ఎస్‌లో చేరినందున ఆ పార్టీ శాసనసభాపక్షంలోని చీలిక విభాగాన్ని విలీనంగా గుర్తిస్తున్నట్లు స్పీకర్ ఆదేశం మేరకు అసెంబ్లీ కార్యదర్శి డాక్టర్ సదారామ్ బులిటెన్ విడుదల చేసిన సంగతి తెలిసిందే. వైకాపా నుంచి నుంచి ఎన్నికైన ముగ్గురు ఎమ్మెల్యేలు (వంద శాతం) టిఆర్‌ఎస్‌లో చేరినందున, ఆ పార్టీ శాసనసభాపక్షాన్ని కూడా విలీనంగా గుర్తించే అవకాశం ఉంది.
chitram పొంగులేటి శ్రీనివాసరెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.