రాష్ట్రీయం
సెలవుపై సిఎస్!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 5: ఆంధ్రప్రదేశ్ ప్రభుత్వ ప్రధాన కార్యదర్శిగా బాధ్యతలు చేపట్టి వంద రోజులు కూడా కాకముందే ఎస్‌పి టక్కర్ సెలవుపై వెళ్లేందుకు సన్నాహాలు చేసుకుంటున్నారని తెలిసింది. ఏ కారణం చూపి ఆయన సెలవుపై వెళ్తున్నా ప్రధాన అంశం మాత్రం ముఖ్యమంత్రి చంద్రబాబు నాయుడుతో పొసగడం లేదని అంటున్నారు. ముఖ్యమంత్రి తీరుతో సిఎస్ సర్దుకుపోలేకపోతున్నారని ఆయన బ్యాచ్ అధికారులు చెబుతున్నారు. ప్రధానంగా ఐఎఎస్‌లు, ఐపిఎస్‌ల బదిలీల వ్యవహారంపై ఇద్దరి మధ్య సంబంధాలు బెడిసికొట్టినట్టు తెలుస్తోంది. కొంతమంది అధికారులను బదిలీ చేయాలని సిఎస్ సిఫార్సు చేయగా చంద్రబాబు వేచి చూసే ధోరణి అవలంబించడం, చాలాసార్లు అందుకు భిన్నమైన అభిప్రాయాలను వ్యక్తం చేయడంతో టక్కర్ అసంతృప్తికి గురయ్యారని ప్రచారం జరుగుతోంది. చాలామంది సీనియర్ అధికారులు జూనియర్లుగా ఉన్నప్పటి నుండి తాను వారి పని తీరును గమనిస్తున్నానని, కనుక బాగా పనిచేసే వారికి మంచి పోస్టింగ్‌లు ఇవ్వాలనే సిఎస్ అభిప్రాయంతో కూడా చంద్రబాబు విభేదించినట్లు తెలిసింది. పరిపాలన సజావుగా సాగుతున్న చోట పరిస్థితులను డిస్టర్బ్ చేయవద్దని సిఎస్‌ను ముఖ్యమంత్రి వారించినట్టు సమాచారం. తొలుత నిమ్మగడ్డ రమేష్‌కుమార్‌ను సిఎస్‌గా నియమించాలని సిఎం భావించారు. టక్కర్ ఎంపికకు చంద్రబాబు మొదట్లో అంత సానుకూలత కనబరచలేదు. అయితే కొంతమంది వత్తిడితోనూ, సీనియర్ అధికారి కావడంతోనూ కాదనలేక టక్కర్‌కు పదోన్నతి కల్పించడం జరిగినా, అనేక విషయాల్లో సిఎస్‌ను విశ్వాసంలోకి తీసుకోవడం లేదనే ప్రచారం జరుగుతోంది. సుదీర్ఘ సమీక్షలు, రాత్రి పొద్దుపోయే వరకూ కలెక్టర్ల సమావేశాలు, వీడియోకాన్ఫరెన్స్‌లు నిర్వహించడమేగాక, అనుదినం వారితో మాట్లాడే ప్రయత్నంలో కలెక్టర్ల సమయం రోజుకు మూడు నాలుగు గంటల పాటు వృథా అవుతోందనే చర్చ బహిరంగంగా జరుగుతోంది. సిఎస్‌కు తెలియకుండానే చాలా కార్యక్రమాలను సిఎం కార్యాలయ అధికారులు చకచకా కానిచ్చేస్తున్నారని, అది కూడా సిఎంకు, సిఎస్‌కు మధ్య సంబంధాలను దెబ్బతీసిందని అంటున్నారు. ఐఎఎస్ అధికారుల బదిలీల్లో, పోస్టింగ్‌లలో టక్కర్ కొంత స్వేచ్ఛను కోరుకుంటున్నట్టు తెలుస్తోంది. అయితే అలాంటి ఆలోచనలు లేకుండానే సిఎం కార్యాలయం జాబితాలను పంపిస్తోందని, దాంతోనే టక్కర్ అసంతృప్తిగా ఉన్నారని చెబుతున్నారు. భారీగా ఐపిఎస్‌లను బదిలీ చేసిన చంద్రబాబు, ఒకటి రెండు రోజుల్లో ఐఎఎస్‌ల బదిలీలకు సైతం కసరత్తు ప్రారంభించారని, ఇదే ఇద్దరి మధ్య విభేదాలు పొడసూపడానికి కారణమైందని అంటున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.