రాష్ట్రీయం
భయంతోనే వెనుకంజ
S ,7 à 8 RSCA (si SASPAS) et 6 cialis pharmacie cialis rapports de stage.
నిజామాబాద్, మే 5: గోదావరి, కృష్ణా నదీ జలాల వినియోగం విషయంలో తెలుగు రాష్ట్రాల మధ్య నెలకొన్న వివాదాలను సామరస్యంగా పరిష్కరించుకునేందుకు సుహృద్భావ వాతావరణంలో చర్చించుకుందామని ఆహ్వానిస్తే, ఎక్కడ వాస్తవాలు బహిర్గతం అవుతాయోననే భయంతో ఆంధ్రప్రదేశ్ ఇరిగేషన్ మంత్రి దేవినేని ఉమ స్పందించడం లేదని తెలంగాణ భారీ నీటి పారుదల మంత్రి హరీశ్‌రావు ఆక్షేపించారు. చర్చలకు ముఖం చాటేస్తూనే, తెలంగాణ ప్రాజెక్టులపై ఆంధ్రా సర్కారు గగ్గోలు పెడుతోందని విమర్శించారు. స్వార్థ రాజకీయ ప్రయోజనాల కోసం తెలంగాణను పావుగా వాడుకోవద్దని చంద్రబాబు, జగన్‌లకు హితవు పలికారు. బాన్సువాడ, జుక్కల్ అసెంబ్లీ నియోజకవర్గాల్లో గురువారం పలు అభివృద్ధి పనులకు మంత్రి హరీశ్‌రావు ప్రారంభోత్సవాలు, శంకుస్థాపనలు చేశారు. ఈ సందర్భంగా బీర్కూర్ మండలం నాచుపల్లిలో ఏర్పాటు చేసిన సభలో మాట్లాడుతూ, బచావత్ ట్రిబ్యునల్ తీర్పునకు కట్టుబడే తాము కాళేశ్వరం, పాలమూరు ప్రాజెక్టులను నిర్మిస్తున్నామన్నారు. గోదావరి జలాల్లో 954టిఎంసిల నీటిని వాడుకునే హక్కు తెలంగాణకు ఉందని బచావత్ ట్రిబ్యునల్ పేర్కొన్నదని గుర్తు చేశారు. ఇప్పటికైనా టి.టిడిపి నేతలు తెలంగాణ ప్రాజెక్టులకు అడ్డుపడుతున్న చంద్రబాబు వైపున ఉంటారా? లేక ఈ ప్రాంత ప్రజల పక్షాన నిలుస్తారో తేల్చుకోవాలన్నారు. తెలంగాణ తల్లి పాలు తాగి రొమ్ము గుద్దే ప్రయత్నం చేయవద్దన్నారు. ఒకవేళ చంద్రబాబు మోచేతి నీళ్లే తాగుతామని భావిస్తే, టి.టిడిపి నేతలను తెలంగాణ ప్రజలు విజయవాడకు తరిమికొట్టడం ఖాయమని హెచ్చరించారు. ఆంధ్రాకు దక్కాల్సిన ఒక్క నీటి బొట్టును కూడా తాము వాడుకోబోమని, అదే సమయంలో తెలంగాణ ప్రాంత ప్రయోజనాలకు విఘాతం కలిగించే చర్యలను ఎంతమాత్రం ఉపేక్షించబోమని మంత్రి హరీశ్‌రావు స్పష్టం చేశారు.
chitram నిజామాబాద్ జిల్లా బీర్కూర్ మండలం కిష్టాపూర్ సభలో మాట్లాడుతున్న మంత్రి హరీశ్‌రావు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.