రాష్ట్రీయం
టిఆర్‌ఎస్‌లో ఓటమి భయం
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, మే 14: పాలేరు ఉప ఎన్నికల్లో టిఆర్‌ఎస్‌కు ఓటమి భయం పట్టుకుందని, ప్రజా విశ్వాసం కోల్పోయిన తుమ్మల ధనం, అధికార బల ప్రయోగానికి పాల్పడుతున్నారని ఏఐసిసి అధికార ప్రతినిధి మధుయాష్కి ఆరోపించారు. శనివారం కాంగ్రెస్ పార్టీ జిల్లా కార్యాలయంలో విలేఖరుల సమావేశంలో ఆయన మాట్లాడుతూ భర్త మరణించడంతో అదే స్థానానికి పోటీ చేస్తున్న ఒక మహిళను ఓడించేందుకు రాష్ట్ర ప్రభుత్వం మొత్తం రంగంలోకి దిగడంతోనే కాంగ్రెస్ గెలుపు ఖాయమైందని స్పష్టం చేశారు. తాను గెలవకుంటే అభివృద్ధి ఆగిపోతుందని బెదిరిస్తున్న తుమ్మల నాగేశ్వరరావు మంత్రి పదవికి రాజీనామా ఎందుకు చేయలేదని ప్రశ్నించారు. దోచుకో దాచుకో అనే నినాదంతో అక్రమంగా సంపాదించిన కోట్లు ఖర్చు పెడుతూ టిఆర్‌ఎస్ అధికార దుర్వినియోగానికి పాల్పడుతోందని ఆరోపించారు. తుమ్మల ఓటమితో అభివృద్ధి ఆగుతుందని టిఆర్‌ఎస్ చేస్తున్న ప్రచారాన్ని పాలేరు ప్రజలు నమ్మవద్దన్నారు. తెలంగాణ ఆకాంక్షను అడ్డంపెట్టుకొని అధికారం దక్కించుకున్న కెసిఆర్ రెండేళ్ళల్లో చేసిందేమిలేదన్నారు. రాష్ట్రంలో కుటుంబ పాలన నడుస్తోందని, కేబినెట్‌లో మహిళలకు స్థానం కల్పించని మహిళా వ్యతిరేకికి పాలేరు ఎన్నికల ద్వారా గుణపాఠం చెప్పాలన్నారు.
తుమ్మలకు వెన్నుపోటు వెన్నతో పెట్టిన విద్యని, కెసిఆర్‌ను వెన్నుపోటు పొడవడం ఖాయమని, గతంలో చంద్రబాబు ఎన్టీఆర్‌ను వెన్నుపోటు పొడిచినప్పుడు తుమ్మలే ప్రధాన పాత్రధారని అందరికీ తెలుసన్నారు. పొన్నం ప్రభాకర్, గండ్ర వెంకట్రామిరెడ్డి, గుత్తా సుఖేందర్‌రెడ్డిలు మాట్లాడుతూ ప్రత్యేక రాష్ట్రాన్ని వ్యతిరేకించిన తెలంగాణ ద్రోహిని పాలేరులో ఓడించాలని పిలుపునిచ్చారు. ప్రజాసేవకు తన జీవితాన్ని అంకితం చేసిన దివంగత రాంరెడ్డి వెంకటరెడ్డి సతీమణి సుచరితారెడ్డిని పాలేరు ప్రజలు ఆదరించాలని విజ్ఞప్తి చేశారు. విలేఖరుల సమావేశంలో జిల్లా అధ్యక్షుడు ఐతం సత్యం, రాష్ట్ర నాయకులు రాజేశ్వర్, వెంకటనారాయణ, కార్పొరేటర్ వడ్డెబోయిన నర్సింహరావు తదితరులు పాల్గొన్నారు.
chitram విలేఖరుల సమావేశంలో మాట్లాడుతున్న ఏఐసిసి అధికార ప్రతినిధి మధుయాష్కి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.