రాష్ట్రీయం
కారుదే పాలేరు
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, మే 19: పాలేరు ఉప ఎన్నికలో టిఆర్‌ఎస్ అభ్యర్థి తుమ్మల నాగేశ్వరరావు ఘన విజయం సాధించారు. గురువారం జరిగిన ఎన్నికల కౌంటింగ్‌లో తన సమీప ప్రత్యర్థి, కాంగ్రెస్ పార్టీకి చెందిన రాంరెడ్డి సుచరితారెడ్డిపై 45,682 ఓట్ల మెజార్టీతో గెలుపొందారు. తుమ్మల నాగేశ్వరరావుకు 94,940 ఓట్లు రాగా సుచరితారెడ్డికి 49,258 ఓట్లు వచ్చాయి. పాలేరు బరిలో నిలిచిన 13 మంది అభ్యర్థుల్లో వీరిద్దరికీ మినహా మిగిలినవారంతా డిపాజిట్ కోల్పోయారు. సిపిఐ మద్దతుతో పోటీ చేసిన సిపిఎం అభ్యర్థి పోతినేని సుదర్శన్‌రావుకు 15,538 ఓట్లు మాత్రమే వచ్చాయి. గ్రామీణ నియోజకవర్గమైన పాలేరులో నోటాకు 2,785 ఓట్లు రావడం విశేషం. మొత్తం ఓట్లను 18 రౌండ్లుగా విభంజిచి 14 టేబుళ్ళపై లెక్కించారు. మొదటి రౌండ్ నుంచి టిఆర్‌ఎస్ అభ్యర్థి ఆధిక్యం కనబరిచారు. కాగా 13 మంది బరిలో ఉన్నప్పటికీ నోటా 2785 ఓట్లతో ఆరో స్థానంలో నిలిచింది. స్వతంత్ర అభ్యర్థులుగా పోటీ చేసిన జాజుల భాస్కర్‌కు 3,578 ఓట్లు, సుంకరి రామమూర్తికి 2,348 ఓట్లు రాగా మిగిలిన వారందరికి 600 ఓట్లలోపే రావడం గమనార్హం. అలాగే మొత్తం 29 మంది పోస్టల్ బ్యాలెట్‌ను తీసుకోగా అందులో 14 మంది మాత్రమే తమ బ్యాలెట్‌ను తిరిగి ఇచ్చారు. ఇందులో 7 టిఆర్‌ఎస్‌కు, 6 కాంగ్రెస్‌కు రాగా ఒక ఓటును తిరస్కరించారు. గత సాధారణ ఎన్నికల్లో పాలేరు నియోజకవర్గంలో టిఆర్‌ఎస్ పార్టీ కేవలం 4,100 ఓట్లు మాత్రమే దక్కించుకుంది. నేతల ప్రచారానికి తోడు తుమ్మల చరిష్మాతో 94,940 ఓట్లు సంపాదించుకున్నారు. గత ఎన్నికల్లో సిపిఐ మద్దతుతో పోటీ చేసిన కాంగ్రెస్‌కు 65వేల ఓట్లు, టిడిపికి 47వేలు, సిపిఎంకు 43వేల ఓట్లు రాగా ఈసారి మాత్రం కాంగ్రెస్ రెండు పార్టీల మద్దతుతో పోటీలో నిలిచినప్పటికీ 49,258 ఓట్లు మాత్రమే వచ్చాయి.
అభివృద్ధి పథకాలే గెలిపించాయి: తుమ్మల
పాలేరు నియోజకవర్గ ఉప ఎన్నికలో వచ్చిన విజయం టిఆర్‌ఎస్‌కే దక్కుతుందని ఆ పార్టీ తరఫున గెలుపొందిన తుమ్మల నాగేశ్వరరావు స్పష్టం చేశారు. గురువారం ఫలితాలు వెలువడిన అనంతరం ఆయన మాట్లాడుతూ రాష్ట్రంలో అమలవుతున్న అభివృద్ధి, సంక్షేమ పథకాల అమలు వల్లే తాను అత్యధిక మెజార్టీతో విజయం సాధించానన్నారు. రాష్ట్రం అన్ని రంగాల్లో అభివృద్ధి చెందాలనే ఉద్దేశ్యంతో ముఖ్యమంత్రి కెసిఆర్ అనేక అభివృద్ధి సంక్షేమ పథకాలను ప్రవేశపెట్టడంతో పాటు వాటిని క్షేత్రస్థాయిలో అమలయ్యేందుకు విశేషంగా కృషి చేశారన్నారు.
chitram తుమ్మలను అభినందిస్తున్న పార్టీ నేతలు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.