రాష్ట్రీయం
మళ్లీ ఫలించని సాహసి కల
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 24: ప్రపంచంలోనే అత్యంత ఎత్తయిన ఎవరెస్టు శిఖరాన్ని అధిరోహించాలన్న తెలుగు సాహస యువతి నీలిమ రెండోసారి కూడా తృటిలో వైఫల్యాన్ని చవి చూశారు. 8,848 మీటర్ల ఎత్తున్న ఈ శిఖరాన్ని అధిరోహించి తీరాలన్న పట్టుదలతో నీలిమ ముందుకెళ్లినప్పటికీ 8,650 మీటర్లు మాత్రమే ఎక్కగలిగింది. మరో 198 మీటర్లు ఎక్కితే సమున్నత శిఖరాగ్రానికి చేరుకునే అవకాశం ఉండగా తీవ్ర స్థాయిలో వాతావరణం ప్రతికూలించడంతో రెండోసారీ వైఫల్యాన్ని చవి చూసింది. ఇక్కడి వాతావరణం సహకరించడం లేదంటూ రెండు రోజుల క్రితమే ఆమె ఎస్‌ఎమ్‌ఎస్ పంపింది. ఎవరెస్టు శిఖరాన్ని నీలిమ అధిరోహించినట్టుగా తొలుత కథనాలు వెలువడ్డాయి. తాజా వైఫల్యం నేపథ్యంలో ఎనిమిది మంది సభ్యుల నీలిమ బృందం వెనుదిరిగి మంగళవారం రాత్రి పదిగంటలకు బేస్ క్యాంప్ చేరుకుంది. ఇందులో నీలిమ మినహా ఇతర సభ్యులందరూ ఇతర దేశస్తులే. గత ఏడాది నేపాల్ భూకంపం..ఈ సారి ప్రతికూలించిన వాతావరణం నీలిమ వైఫల్యానికి కారణమయ్యాయి. గుంటూరు జిల్లా సత్తెనపల్లి నియోజవర్గంలోని ముప్పాళ్ళ మండలం తురకపాలెం గ్రామానికి చెందిన పూదోట శౌరయ్య కుమార్తె నీలిమ (28) ఈ నెల 21న నేపాల్‌కు సాహసయాత్రకు వెళ్లింది. అక్కడ నుండి ఎవరెస్ట్ శిఖరాన్ని చేరుకుంది. తొలుత నీలిమ నేపాల్‌లో తప్పిపోయి నాంకే గ్రామం చేరుకుంది. విషయం తెలుసుకున్న తల్లిదండ్రులు ఆందోళనకు గురయ్యారు. స్వగ్రామమైన తురకపాలెం నుండి 30ఏళ్ళ క్రితం వీరు హైదరాబాద్ వెళ్ళారు. నీలిమ తండ్రి శౌరయ్య సీనియర్ పాత్రికేయులు. నీలిమ హైదరాబాద్‌లోని కాగ్నిజెంట్ సాఫ్ట్‌వేర్ కంపెనీలో పని చేసి అనంతరం ఆ ఉద్యోగానికి రాజీనామా చేసింది. నీలిమకు సైక్లింగ్, కరాటే, నృత్యం వంటివాటిల్లో ప్రవేశం ఉంది. గతంలో స్టోక్ కాంగ్రీ (6,140 మీటర్లు), మోంట్ మీరా పీక్ (6,476 మీటర్లు) వంటి శిఖరాలను అధిరోహించిన అనుభవం నీలిమకు ఉంది.
ఎవరెస్ట్ శిఖరానికి దగ్గరలో నీలిమ.
(ఇన్‌సెట్‌లో పాత చిత్రం)
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.