రాష్ట్రీయం
టాపర్ల తొలి ఛాయిస్ ఐఐటి ముంబై
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 25: దేశవ్యాప్తంగా ఉన్న 18 ఐఐటిల్లో చేరిన విద్యార్థుల ఛాయిస్ పరిశీలిస్తే టాపర్ల దృష్టి అంతా ఐఐటి ముంబైపై పడింది. గత మూడేళ్లుగా 10లోపు ర్యాంకులు వచ్చిన టాపర్లు అంతా ఐఐటి ముంబైలో చేరుతుండగా, రెండో స్థానంలో ఐఐటి ఢిల్లీ, మూడో స్థానంలో చెన్నై వచ్చి చేరింది. నాలుగో స్థానంలో ఐఐటి కాన్పూర్ ఉండగా, ఐఐటి ఖరగ్‌పూర్ ఐదో స్థానానికి వచ్చేసింది. ఐఐటిల్లో చేరిన విద్యార్థుల అభిరుచులు, వారి కుటుంబాల విశే్లషణ, సామాజిక నేపథ్యం, పరీక్షకు సన్నద్ధమైన తీరు, ఆర్థిక స్థితి తదితర అంశాలపై వివరాలతో కూడిన నివేదికను జాయింట్ ఎంట్రన్స్ ఎగ్జామినేషన్ జాయింట్ ఇంప్లిమెంటేషన్ కమిటీ బుధవారం విడుదల చేసింది. 2015 జెఇఇ అడ్వాన్స్ ప్రకారం చూస్తే టాప్ 10 ర్యాంకర్లలో తొలి ర్యాంకర్ భరత్ ఖండేల్‌వాల్ ఐఐటి ముంబైలో చేరారు. రెండో ర్యాంకర్ జానక్ అగర్వాల్ ఐఐటి ఢిల్లీలో చేరారు. వందలోపు ర్యాంకు వచ్చిన వారిలో 34 మంది ఐఐటి ముంబైని, 12 మంది ఐఐటి ఢిల్లీని, ఒక్కరు ఐఐటి గౌహతి, ఐదుగురు ఐఐటి కాన్పూర్, ముగ్గురు ఐఐటి ఖరగ్‌పూర్, 28 మంది ఐఐటి చెన్నై, 17 మంది ఐఐటి రూర్కీని ఎంపిక చేసుకున్నారు.
కంప్యూటర్ సైన్స్‌కే ప్రాధాన్యం
టాపర్లు ఎంపిక చేసుకున్న బ్రాంచిల వారీ చూస్తే తొలి ప్రాధాన్యం కంప్యూటర్ సైన్స్‌కే ఇస్తుండగా, తర్వాతి అవకాశం ఎలక్ట్రికల్‌కు, అదే క్రమంలో మెకానికల్, సివిల్, ఎలక్ట్రానిక్స్, కెమికల్ బ్రాంచిలున్నాయి. చిట్టచివరగా ఇంజనీరింగ్ ఫిజిక్స్‌ను ఎంచుకుంటున్నారు.
ఎంపికైన అభ్యర్థుల సామాజిక స్థితి గతులు, విద్యావ్యవహారాలు, కుటుంబ నేపథ్యాలను కూడా కమిటీ విశే్లషించింది. నిరుడు వివిధ ఐఐటిల్లో చేరడానికి ఎంపికైన 9974 మందిలో 25శాతం మంది గ్రామీణ ప్రాంతాలకు చెందిన వారు కాగా, 75 శాతం మంది పట్టణ ప్రాంతాలకు చెందిన వారే, ఇందులో కోచింగ్ తీసుకున్న వారు 4757 మంది కాగా, కరస్పాండెన్స్ కోర్సు ద్వారా శిక్షణ పొందిన వారు 40 మంది, వ్యక్తిగత శిక్షణతో సన్నద్ధమైన వారు 112 మంది, ఇతరులు 173 మంది కాగా, స్వీయ అధ్యయనం ద్వారా ఎంపికైన వారు 4892 మంది ఉన్నారు.
రాజస్థాన్ తర్వాత మనవాళ్లే
ఐఐటిల్లో ఎంపికైన 9974 మందిలో రాజస్థాన్‌కు చెందిన వారు 1965 మంది కాగా, రెండు తెలుగు రాష్ట్రాలకు చెందిన వారు 1546 మంది ఉన్నారు. ఇందులో ఆంధ్రా నుండి 776 మంది, తెలంగాణ నుండి 770 మంది ఎంపికయ్యారు. యుపి నుండి 1259 మంది, మహారాష్ట్ర నుండి 871 మంది ఎంపికయ్యారు. అత్యధికంగా ప్రభుత్వ ఉద్యోగుల పిల్లలు ఎంపిక కాగా తర్వాత అత్యధికంగా వ్యాపారాలు చేసుకునే వారి పిల్లలు ఎంపికయ్యారని నివేదిక స్పష్టం చేసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.