రాష్ట్రీయం
హైదరాబాద్‌లో టర్కీ నోట్ల కలకలం!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 26: హైదరాబాద్ నగరంలో టర్కీ నోట్లు కలకలం సృష్టిస్తున్నాయి. వారం రోజుల క్రితం ఆంధ్రప్రదేశ్‌లో చెల్లని టర్కీ కరెన్సీపై పోలీసులు దర్యాప్తు కొనసాగిస్తుండగానే తాజాగా హైదరాబాద్‌లో కూడా టర్కీ నోట్లు మార్పిడికి యత్నిస్తున్నట్టు తెలుస్తోంది. ఆంధ్రాలో పోలీసులకు చిక్కిన ముఠా సభ్యుల్లో కొందరు తెలంగాణలో కూడా అమాయకులను మోసగిస్తున్నట్టు ఫిర్యాదులు వచ్చినట్టు స్పెషల్ బ్రాంచ్ పోలీసు అధికారి ఒకరు తెలిపారు. ఈ కరెన్సీ ముఠా వెనుక కేరళకు చెందిన ఓ ట్రస్టు ఉన్నట్టు సమాచారం. ‘లిరా’గా పిలిచే ఈ కరెన్సీ నోటు విలువ ఒక్కోటి ఐదు లక్షలు విలువ చేస్తుందని వాటిని అమాయకులను అంటబెట్టేందుకు పలు ముఠాలు హైదరాబాద్‌లోకి ప్రవేశించినట్టు తెలుస్తోంది. వారం రోజుల క్రితం హైదరాబాద్ పోలీసులు రెండు ముఠాలను పట్టుకొని దర్యాప్తు చేస్తున్నారు. ఈ దర్యాప్తులో ఆసక్తికర విషయాలు బయటకు వస్తున్నాయి. కాగా పోలీసులకు ముఠా సభ్యులు మాత్రమే పట్టుబడగా ప్రధాన నిందితులు పరారీలోనే ఉన్నట్టు క్రైం ఇనె్వస్టిగేషన్‌కు చెందిన ఓ అధికారి తెలిపారు. వారు చిక్కితే గానీ టర్కీ కరెన్సీ నోట్లు ఎక్కడి నుంచి వచ్చాయి. వీటి వెనక ఎవరి హస్తం ఉంది. అనే విషయాలు స్పష్టమవుతాయి. నిందితులను పట్టుకునేందుకు ప్రత్యేక బృందాలు రంగంలోకి దిగాయి. ప్రస్తుతం పోలీసుల అదుపులో ఉన్న నిందితుల నుంచి సేకరించిన సమాచారం మేరకు ఖమ్మం పట్టణానికి చెందిన అనిల్ పరారీలో ఉన్నాడు. ఈ కేసులో అతనే కీలక వ్యక్తిగా పోలీసులు భావిస్తున్నారు. టర్కీలో ద్రవ్యోల్బణం భారీగా పడిపోయిన నేపథ్యంలో 2005లోనే అక్కడి కరెన్సీని అక్కడి ప్రభుత్వం నిషేధించింది. ఒక్కో నోటుకు ఐదు లక్షల ‘లిరా’లుండడంతో 2009 వరకు అట్టి నోట్లను మార్చుకునేందుకు అవకాశం ఇచ్చారు. అయితే అప్పటికే టర్కీ కరెన్సీ భారీగా ఆంధ్రా, తెలంగాణకు చేరిందని, ఆంధ్రప్రదేశ్, కేరళలోని ఓ ట్రస్టుకు విరాళంగా వచ్చినట్టు పోలీసులు భావిస్తున్నారు. ఒక్కో ‘లిరా’ నోటు ఐదు లక్షలు (్భరత కరెన్సీలో 11కోట్లు) కావడంతో భారీగా ఈ నోట్లు పోగయ్యాయని సమాచారం. కాగా ఆంధ్రాలో ఈ ముఠా పట్టుబడడంతో ముఠా సభ్యులు హైదరాబాద్‌లో తిష్టవేసి అమాయకులను మోసగించేందుకు పలు ముఠాలు సంచరిస్తున్నట్టు పోలీసులు భావిస్తున్నారు. అసలు సూత్రధారులు పట్టుబడితే గానీ ట్రస్టు ఎవరిది..? ట్రస్టు వెనక ఎవరున్నారు..? అనే విషయం బయటపడుతుందని టాస్క్ఫోర్స్‌కు చెందిన ఓ సీనియర్ అధికారి తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.