రాష్ట్రీయం
చెత్త సేకరణకు గ్రీన్ అంబాసిడర్లు
S ,7 à 8 RSCA (si SASPAS) et 6 cialis pharmacie cialis rapports de stage.
కాకినాడ, మే 28: గ్రామాల్లో పారిశుద్ధ్య సమస్యల పరిష్కారానికి గ్రీన్ అంబాసిడర్లను నియమించేందుకు తూర్పుగోదావరి జిల్లా ప్రభుత్వ యంత్రాంగం చర్యలు చేపట్టింది. రాష్ట్రంలో ప్రయోగాత్మకంగా తూర్పు గోదావరి జిల్లాలో గ్రీన్ అంబాసిడర్లను నియమిస్తున్నారు. గ్రామాల్లో చెత్త సమస్యను పరిష్కరించే బాధ్యతలను వీరికి అప్పగించనున్నారు. జాతీయ గ్రామీణ ఉపాధి హామీ పథకం కింద గ్రామాల్లో సాలిడ్ వేస్ట్ మేనేజిమెంట్ యూనిట్లను ప్రభుత్వం ఏర్పాటు చేస్తోంది. ముందుగా ఎంపికచేసిన గ్రామాల్లో ఈ యూనిట్లను ఏర్పాటుచేసి, ఆయా యూనిట్ల పరిధిలో గ్రీన్ అంబాసిడర్లను నియమిస్తారు. ఇంటింటా చెత్త సేకరణతోపాటు బహిరంగ మలవిసర్జన లేని గ్రామాలుగా తీర్చిదిద్దే బాధ్యతలను వీరికి అప్పగిస్తారు. ప్రతీ గ్రామానికి 5 నుండి 10 మంది వరకు గ్రీన్ అంబాసిడర్లను నియమిస్తారు. వీరు గ్రామాల్లో తడి చెత్త, పొడి చెత్తలను సేకరిస్తారు. వీరికి జాతీయ గ్రామీణ ఉపాధి పథకం నిధుల నుండి నిర్దేశించిన వేతనాలను చెల్లిస్తారు. పంచాయతీల్లో ఉన్న పారిశుద్ధ్య సిబ్బందిని సమన్వయం చేసుకుంటూ ఈ గ్రీన్ అంబాసిడర్లు విధులు నిర్వహిస్తారు. పర్యావరణ పరిరక్షణ, గ్రామాల్లో పరిశుభ్రత, పరిసరాల పరిరక్షణ అంశాలపై శిక్షణ పొందిన వీరు ప్రత్యేక పద్ధతిలో విధులు నిర్వహించేలా ఏర్పాట్లు చేస్తున్నారు. జిల్లాలో 62 సాలిడ్‌వేస్ట్ మేనేజిమెంట్ యూనిట్లను ఇటీవల ఏర్పాటు చేశారు. మరో 62 గ్రామాల్లో యూనిట్ల ఏర్పాటుకు ప్రతిపాదనలు సిద్ధమయ్యాయి. దశల వారీగా అన్ని గ్రామాలకూ సాలిడ్‌వేస్ట్ మేనేజిమెంట్ యూనిట్లను విస్తరించేందుకు అవసరమైన కార్యాచరణ ప్రణాళికను సిద్ధం చేస్తున్నారు.
అలాగే జిల్లాలోని నగర, పట్టణ ప్రాంతాల్లో పారిశుద్ధ్య సమస్యల పరిష్కారానికి ఏర్పాట్లు ముమ్మరం చేశారు. ఈ ఏడాది జూలై నెలాఖరుకు జిల్లాలో అన్ని పట్టణాల్లో బహిరంగ మలవిసర్జన లేకుండా చేయడం లక్ష్యంగా నిర్ణయించారు. వంద శాతం వ్యక్తిగత మరుగుదొడ్ల నిర్మాణంతోనే ఇది సాధ్యమవుతుందని అధికారులు భావిస్తున్నారు. ఇందుకు అటల్ స్వచ్ఛ్భారత్ నిధులను వినియోగిస్తున్నారు. జిల్లాలోని నగర పంచాయతీలు, మున్సిపాలిటీలు, నగర పాలక సంస్థలలో వ్యక్తిగత మరుగుదొడ్లు లేని 12,887 కుటుంబాలున్నట్టు ఇటీవల నిర్వహించిన సర్వేద్వారా తెలిసింది. రందరికీ వ్యక్తిగత మరుగుదొడ్లు మంజూరు చేయగా 60 శాతం పనులు కూడా పూర్తయ్యాయి. స్మార్ట్‌సిటీగా గుర్తించిన జిల్లా కేంద్రం కాకినాడలో పెద్ద ఎత్తున వ్యక్తిగత మరుగుదొడ్లు నిర్మిస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.