రాష్ట్రీయం
ఏపి పిజి ఈసెట్-2016 ఫలితాలు విడుదల
S ,7 à 8 RSCA (si SASPAS) et 6 cialis pharmacie cialis rapports de stage.
కాకినాడ, జూన్ 4: ఎపి పిజి ఈసెట్-2016 ఫలితాలను రాష్ట్ర ఉన్నత విద్యామండలి అధ్యక్షుడు ఆచార్య లక్కసాని వేణుగోపాలరెడ్డి కాకినాడ జెఎన్‌టియులో శనివారం విడుదల చేశారు. గత రెండేళ్ళుగా ఎపి పిజి ఈసెట్‌ను కాకినాడ జెఎన్‌టియు నిర్వహిస్తోంది. ఈ ప్రవేశ పరీక్షలకు ఆంధ్ర విశ్వవిద్యాలయం పరిధిలో 22199 మంది దరఖాస్తు చేసుకోగా 19,780 మంది హాజరయ్యారు. 16945 మంది అర్హత సాధించగా 85.67 శాతం ఉత్తీర్ణత లభించింది. నాన్ లోకల్ కేటగిరీ కింద 1513 మంది దరఖాస్తు చేసుకోగా 1291 మంది హాజరయ్యారు. 1073 మంది అర్హత సాధించగా 83.11 శాతం ఉత్తీర్ణత నమోదయింది.
ఉస్మానియా విశ్వవిద్యాలయం పరిధిలో 568 మంది దరఖాస్తు చేసుకోగా 432 మంది హాజరయ్యారు. 370 మంది అర్హత సాధించగా 85.65 శాతం ఉత్తీర్ణత నమోదయింది. శ్రీ వెంకటేశ్వర విశ్వవిద్యాలయం పరిధిలో 12,218 మంది దరఖాస్తు చేసుకోగా 10,803 మంది పరీక్షకు హాజరయ్యారు. వీరిలో 9,236 మంది అర్హత సాధించగా 85.49 శాతం ఉత్తీర్ణత లభించింది. పరీక్షలకు మొత్తం 36,498 మంది దరఖాస్తు చేసుకోగా 32,306 మంది హాజరయ్యారు. వీరిలో 27,624 మంది అర్హత సాధించగా 85.51 శాతం ఉత్తీర్ణత నమోదయ్యింది. ఈ సందర్భంగా వేణుగోపాలరెడ్డి మాట్లాడుతూ పోస్ట్‌గ్రాడ్యుయేషన్ కోర్సుల తరగతులను గత సంవత్సరంకంటే వారం రోజుల ముందుగా వచ్చే ఆగస్టు 1 నుండి ప్రారంభిస్తామన్నారు.
అన్ని రకాల ప్రవేశ పరీక్షలను జెఎన్‌టియుకె సమర్థవంతంగా నిర్వహిస్తోందని అభినందించారు. ఇటీవల ఎంసెట్ నుండి ఎపి పిజి ఈసెట్ వరకు నిర్వహణలో మంచి ఫలితాలు సాధించామని ఆయన పేర్కొన్నారు. జెఎన్‌టియుకె విసి ఆచార్య విఎస్‌ఎస్ కుమార్ మాట్లాడుతూ జెఎన్‌టియుకె నుండి విద్యాపరమైన సేవలను రాష్ట్ర ప్రభుత్వం వినియోగించుకుంటోందన్నారు. కాపు సామాజిక వర్గానికి చెందిన విద్యార్థుల కోసం కాపు విద్యోన్నతి, బిసిల కోసం బిసి విద్యోన్నతి పేర్లతో ప్రవేశ పరీక్షలను జెఎన్‌టియుకె నిర్వహించనున్నదని చెప్పారు. ఈ విధానంలో కాపు సామాజిక వర్గానికి చెందిన 500 మందిని, బిసి వర్గాలకు చెందిన 500 మందిని ఎంపిక చేసి సివిల్ సర్వీసుల కోసం శిక్షణ ఇవ్వనున్నట్టు చెప్పారు. పోలీసు ఉద్యోగాల నియామకాలకు సంబంధించిన ప్రవేశ పరీక్షలను కూడా తమ విశ్వవిద్యాలయమే నిర్వహిస్తుందని ఆయన తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.