రాష్ట్రీయం
కార్మికుల సంక్షేమానికి మరిన్ని సంస్కరణలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 4: కార్మికుల సంక్షేమానికి మరిన్ని సంస్కరణలు తెచ్చేందుకు ప్రధాని నరేంద్ర మోదీ నేతృత్వంలోని ఎన్డీఏ ప్రభుత్వం కృషి చేస్తున్నదని కేంద్ర కార్మిక, ఉపాధి కల్పన శాఖ మంత్రి బండారు దత్తాత్రేయ తెలిపారు. వెట్టిచాకిరి నిర్మూలనకు ప్రత్యేక కార్యక్రమాన్ని రూపొందిస్తున్నట్లు చెప్పారు. ఎన్డీఏ రెండేళ్ల పాలనపై దేశ వ్యాప్తంగా చేపట్టిన ‘వికాస్ పర్వ్’లో భాగంగా హైదరాబాద్‌లోని యూసుఫ్‌గూడలో కోట్ల విజయభాస్కరరెడ్డి స్టేడియంలో నిర్వహించిన సభకు సినీ, బీడి, భవన నిర్మాణ కార్మికులు, అసంఘటిత కార్మికులు భారీ సంఖ్యలో హాజరయ్యారు. కార్మికుల బోనస్‌ను 10 నుంచి 21 వేల రూపాయలకు పెంచామని, సీలింగ్‌ను 3,500 నుంచి ఏడువేలకు పెంచామని ఆయన తెలిపారు. దీంతో 80 లక్షల మంది కార్మికులకు లాభం చేకూరిందని చెప్పారు. అన్ని సంస్ధలు వడ్డీ రేటును తగ్గిస్తుంటే తాము మాత్రం పిఎఫ్ వడ్డీ రేటును 8.8 శాతానికి పెంచామని, ఫలితంగా 17 కోట్ల 80 లక్షల మంది లాభపడుతున్నారని ఆయన తెలిపారు. 42 వేల కోట్ల రూపాయలు ఉపయోగంలో లేవని అన్నారు. యుపిఎ అధికారంలో ఉన్నప్పుడు వడ్డీ చెల్లించలేదని ఆయన విమర్శించారు. 9 కోట్ల 23 లక్షల ఖాతాలకు వడ్డీ చెల్లిస్తున్నామని అన్నారు.
వెట్టిచాకిరిని పూర్తిగా రూపుమాపేందుకు ప్రత్యేక పథకం రూపొందిస్తున్నట్లు ఆయన చెప్పారు. ఉద్యోగాల కల్పనకు వెయ్యి కోట్లు కేటాయించామన్నారు. ఉపాధి కల్పనకు హైదరాబాద్ ఉస్మానియా వర్సిటీలో, కరీంనగర్‌లో, దేశంలోని వంద కేంద్రాల్లో ఎంప్లాయిమెంట్ ఎక్స్చేంజీలు ఏర్పాటు చేయనున్నట్లు చెప్పారు. సినీ, బీడి, భవన నిర్మాణ కార్మికులకు, ఆటోరిక్షా నడుపుకునే వారికి వైద్య సౌకర్యం కల్పిస్తున్నామని, 17 ఇఎస్‌ఐ డిస్పెన్సరీలను ఆసుపత్రులుగా మారుస్తామని ఆయన తెలిపారు. హైదరాబాద్‌లో రిసెర్చ్ ఇనిస్టిట్యూట్ ఏర్పాటు చేస్తామన్నారు.
యువత ఖాళీగా ఉండరాదు: గవర్నర్
యువకులు, నిరుద్యోగులు ఖాళీగా ఉండరాదని గవర్నర్ నరసింహన్ అన్నారు. యువకులు ఖాళీగా ఉంటే తల్లిదండ్రులు శ్రద్ధ వహించి వారికి ఏదో ఒక ఉద్యోగం, ఉపాధి కల్పించి బాధ్యతల గురించి చెప్పాలని అన్నారు. వివిధ కారణాలతో అసంఘటిత కార్మికులుగా మారే వారికి విద్య అభ్యసించడానికి సాయంకాలం లేదా రాత్రి స్కూళ్ళు, కాలేజీలు ఏర్పాటు చేయాలని ఆయన ప్రభుత్వానికి సూచించారు. ఆధార్, పెన్షన్, బ్లడ్, బ్యాంకు ఇలా పలు రకాల కార్డులు ఉండే బదులు ఒకే రకమైన (యునిక్) కార్డు ఉండేలా చూడాలని సూచించారు. సమావేశంలో రాష్ట్ర హోం మంత్రి నాయిని నర్సింహారెడ్డి తదితరులు కూడా మాట్లాడారు
శనివారం హైదరాబాద్‌లో నిర్వహించిన ‘వికాస్ పర్వ్’ సభ వేదికపై కార్మికుడికి పిఎఫ్ చెక్కును అందజేస్తున్న కేంద్రమంత్రి దత్తాత్రేయ, తెలంగాణ హోం మంత్రి నాయిని నర్సింహారెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.