రాష్ట్రీయం
అక్రమార్కుల్ని అడ్డంగా నరికివేయాలి
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, డిసెంబర్ 13: విజయవాడ నగరం ఇప్పటివరకు అనేకానేక విధాలైన నేరాలను చవిచూసింది. అయితే తాజాగా కాల్‌మనీ పేరిట మహిళల మాన, ప్రాణాలతో చెలగాటమాడుకుంటూ వెలుగులోకి వచ్చిన దందాను అంత తేలిగ్గా వదలరాదు.. ఎవరైనా, ఎంతటివారైనా, ఏ పార్టీవారైనా తన, మన చూడకుండా ఎన్‌కౌంటర్ చేయాలి.. లేదా అడ్డంగా నరికివేయాలంటూ ప్రదేశ్ కాంగ్రెస్ కమిటీ ఉపాధ్యక్షులు, మాజీ మంత్రి దేవినేని రాజశేఖర్ (నెహ్రూ) నిప్పులు చెరిగారు. యువజన కాంగ్రెస్ రాష్ట్ర అధ్యక్షునిగా వ్యవహరిస్తున్న తన కుమారుడు దేవినేని అవినాష్‌ను క్రమశిక్షణతో పెంచాను. మద్యం, కాల్‌మనీ లాంటి వ్యాపారాల జోలికి వెళితే పోలీసుల దాకా వెళ్లకుండానే అడ్డంగా నరికివేసేవాడిని.. అంటూ ఇలా పరుషంగా మాట్లాడాననుకోవద్దన్నారు. మద్యం వ్యాపారం సాగిస్తున్నందుకు గాను సోదరుడు బాజీని దూరంగా ఉంచానన్నారు. ఆంధ్రరత్న భవన్‌లో ఏర్పాటు చేసిన విలేఖరుల సమావేశంలో నెహ్రూ ఎంతో బాధాతప్త హృదయంతో ఒక్కోసారి ఆవేశపూరితంతోనూ మాట్లాడారు. పది లక్షలు అప్పు ఇచ్చి కోట్లాది రూపాయల ఆస్తులను రాయించుకోటం, మహిళల పుస్తెలను తాకట్టు పెట్టుకోవటమే గాక మహిళలతో వ్యభిచారం కూడా చేయిస్తుండటం ఎంత దారుణం.. భావితరాలు ఏమి కావాలన్నారు. సిఎం క్యాంప్ కార్యాలయానికి కూతవేటు దూరంలోని ప్రభుత్వ అతిథి గృహంలో ప్రజాప్రతినిధులే గాక రాజకీయ నాయకులు మహిళలతో రాత్రి, పగలు విందులు, వినోదాలతో గడుపుతున్నారనే ఆరోపణలు ఇటీవల కాలంలో వినవచ్చాయి. అందుకే చంద్రబాబు ఈ వ్యవహారాన్ని సీరియస్‌గా తీసుకోవాలి. ఎవరినీ వదలరాదన్నారు. అందమైన మహిళలు కన్పిస్తే వారిని అదిరించి, బెదిరించుకుని లొంగదీసుకున్నట్లు సిడీలు సాక్ష్యమిస్తుంటే సిఎం ఇక కర్కశంగానే వ్యవహరించాలన్నారు. మళ్లీ ఇలాంటి దందాలు పుట్టుకు రాకూడదన్నారు. గతంలో విజయవాడ రౌడీయిజానికి పెట్టింది పేరు అయితే ఏనాడూ ఏ ఒక్కరూ మహిళల జోలికి వెళ్లిన సందర్భాలు లేవన్నారు. తన 16వ ఏటనే కృష్ణలంక కరకట్టపై రెండు వర్గాలు కత్తులు, బరిశలతో దాడులు చేసుకుంటే ఆ తర్వాత పోలీసులు శవాలను లెక్కపెట్టాల్సి వచ్చేదన్నారు. కమ్యూనిస్టు పార్టీలో చీలికతో ఇలాంటి ఘర్షణలు, వర్గ పోరాటాలు మరింతగా ప్రబలాయంటూ దివంగత కాట్రగడ్డ నారాయణ, వంగవీటి రాధా, రంగాలు కూడా కమ్యూనిస్టు పార్టీ నుంచి బైటికి వచ్చిన వారేనన్నారు. ఈ రాజకీయాలు విద్యాసంస్థలకు పాకినప్పుడు తాను తెరపైకి రావాల్సి వచ్చిందన్నారు. పార్టీ తగాదాలు, వర్గ విభేదాలు మాత్రమే నాడు ఉండేవన్నారు. విలేఖరుల సమావేశంలో తనయుడు అవినాష్, జిల్లా కాంగ్రెస్ అధ్యక్షులు కడియాల బుచ్చిబాబు, లీగల్ సెల్ చైర్మన్ తల్లాప్రగడ సుబ్బారావు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.