రాష్ట్రీయం
అట్టుడుకుతున్న సెంట్రల్ యూనివర్శిటీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 16: హైదరాబాద్ సెంట్రల్ యూనివర్శిటీలో ఇద్దరు అధ్యాపకులను సస్పెండ్ చేసిన నేపథ్యంలో యూనివర్శిటీ మరో మారు అట్టుడికిపోతోంది. మరో ఐదుగురు బోధనేతర సిబ్బందిపై వేటు వేసేందుకు రంగం సిద్ధమైందని తెలియడంతో ఉద్యమానికి వారు సైతం ముందుకు వచ్చారు. దళిత అసోసియేట్ ప్రొఫెసర్ డాక్టర్ కె.వై రత్నం, అసిస్టెంట్ ప్రొఫెసర్ డాక్టర్ తథాగత్ సేన్ గుప్తలపై యూనివర్శిటీ యాజమాన్యం సస్పెండ్ చేయడాన్ని అంబేద్కర్ విద్యార్థి సంఘం నేతలు, సామాజిక న్యాయ సంయుక్త కార్యాచరణ కమిటీ సభ్యులు తీవ్రంగా నిరసన వ్యక్తం చేస్తూ యూనివర్శిటీ మెయిన్ గేట్ వద్ద గురువారం సైతం రిలే నిరాహార దీక్షలు కొనసాగించారు. యూనివర్శిటీల్లో కుల అణచివేత హింసలను అరికట్టాలని వారు కోరారు. విద్యార్థుల రిలే నిరసన దీక్షల్లో యూనివర్శిటీ సస్పెండ్ చేసిన ప్రొఫెసర్లు సైతం పాల్గొన్నట్టు తెలిసింది. మరోపక్క రోహిత్ వేముల న్యాయపోరాట సంఘీభావ కమిటీ సైతం సస్పెన్షన్లపై నిలదీసింది. ఎస్సీ ఎస్టీ అత్యాచార నిరోధక చట్టం కింద కేసులు ఎదుర్కొంటున్న వైస్ ఛాన్సలర్ అధ్యాపకులపై ఎలా చర్యలు తీసుకుంటారని సంఘీభావ కమిటీ ప్రశ్నించింది. దీంతో యూనివర్శిటీలో పరిస్థితులు మరోసారి భగ్గుమన్నాయి.
రోహిత్ దళితుడేనా...?
రోహిత్ కుటుంబం ఎస్సీలు కాదనే వాదనల మధ్య తాజాగా గుంటూరు జిల్లా కలెక్టర్ రోహిత్ దళితుడేనని పేర్కొంటూ జాతీయ ఎస్సీ కమిషన్‌కు నివేదిక పంపారనే సమాచారంతో యూనివర్శిటీలో వ్యవహారాలు వేగంగా మారుతున్నాయి. ఎస్సీ కమిషన్ రోహిత్ దళితుడేనని తేల్చిన పక్షంలో గతంలో కేంద్ర మంత్రి బండారు దత్తాత్రేయ, ఎమ్మెల్సీ ఎన్ రామచంద్రరావు, వైస్ ఛాన్సలర్ అప్పారావులపై పెట్టిన కేసులను తిరగదోడే అవకాశం ఉందని చెబుతున్నారు. దీంతో యూనివర్శిటీలో ఉద్రిక్త వాతావరణం ఏర్పడింది.
చిత్రం యూనివర్శిటీ మెయిన్ గేట్ వద్ద గురువారం రిలే నిరాహార దీక్షలు కొనసాగించిన అంబేద్కర్ విద్యార్థి సంఘం నేతలు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.