రాష్ట్రీయం
భవిత బిజెపిదే!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 17: దేశవ్యాప్తంగా వివిధ రాష్ట్రాలకు జరగనున్న ఎన్నికల్లో కూడా బిజెపి ఘన విజయం సాధిస్తుందని, భవిష్యత్ కూడా మనదేనని కేంద్ర పట్టణాభివృద్ధి మంత్రి వెంకయ్యనాయుడు పేర్కొన్నారు. రాజస్థాన్ నుండి రాజ్యసభ సభ్యుడిగా ఎన్నికైన తర్వాత తొలిసారి హైదరాబాద్ వచ్చినపుడు ఆయనకు శంషాబాద్ విమానాశ్రయంలో ఘనస్వాగతం లభించింది. విజయవాడ నుండి హైదరాబాద్ వచ్చిన వెంకయ్యకు పార్టీ శ్రేణులు ఘనస్వాగతం పలికారు. అనంతరం ఆయన నేరుగా పార్టీ కార్యాలయానికి చేరుకుని కార్యకర్తలను ఉద్దేశించి మాట్లాడారు. బిజెపి తనకు తల్లిలాంటిదని, ఎన్నో ఉన్నత శిఖరాలకు తీసుకువెళ్లిందని అన్నారు. పదవి ఉన్నా లేకున్నా పార్టీ కోసం ఎంతో మంది అహర్నిశలూ కృషి చేస్తున్నారని, బిజెపి అంటే క్రమశిక్షణకు మారు పేరని అన్నారు. దేశవ్యాప్తంగా భౌగోళికంగా చూస్తే 46 శాతం మేర బిజెపి విస్తరించి ఉందని, గత ఎన్నికల్లో కేరళలో రికార్డు స్థాయిలో 15 శాతం మేర ఓట్లు సాధించామని అన్నారు. బెంగాల్‌లో కమ్యూనిస్టులు, కాంగ్రెస్ కలిసి పోటీ చేసినా బిజెపికి 10.7 శాతం ఓట్లు వచ్చాయన్నారు. రాజ్యసభకు 57 సీట్లు ఖాళీ అయితే ఏ ఒక్క పార్టీ మైనార్టీలకు ప్రాతినిధ్యం కల్పించలేదని, బిజెపి మాత్రమే ఇద్దరు మైనార్టీలకు అవకాశం ఇచ్చిందని పేర్కొన్నారు. ఎంజె అక్బర్, ముక్తార్ అబ్బాస్ నక్వీలను రాజ్యసభకు పంపించామని, ఇంతవరకూ మిగిలిన పార్టీలు మైనార్టీలను ఓటు బ్యాంకుగా పరిగణించడమే తప్ప వారి సమస్యలను మాత్రం పరిష్కరించలేదని, ఇపుడు మైనార్టీలు సైతం బిజెపి వైపు చూస్తున్నాయని పేర్కొన్నారు. తెలంగాణ ఏర్పాటు ప్రజల మధ్య వైషమ్యంతో కాదని, కేవలం పరిపాలనా సౌలభ్యం కోసమేనని, కేంద్రం ఇరు రాష్ట్రాలకూ అన్ని విషయాల్లో ప్రాధాన్యత ఇస్తోందని పేర్కొన్నారు. అనంతరం వెంకయ్యను సత్కరించేందుకు పార్టీ నేతలు పోటీపడ్డారు. ఒక దశలో తొక్కిసలాట జరగడంతో వారిని శాంతింపచేసి వెంకయ్యనాయుడు అక్కడి నుండి వెళ్లిపోయారు. కార్యక్రమంలో కేంద్ర మంత్రి బండారు దత్తాత్రేయ, ఎపి మంత్రి కామినేని శ్రీనివాస్, బిజెపి తెలంగాణ రాష్ట్ర అధ్యక్షుడు డాక్టర్ కె. లక్ష్మణ్, మాజీ అధ్యక్షుడు జి కిషన్‌రెడ్డి తదితరులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.