రాష్ట్రీయం
యాగంలా పల్స్ సర్వే
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జూన్ 18: మధ్యవర్తుల ప్రమేయం లేకుండా ప్రభుత్వ ప్రయోజనాలను నిజమైన లబ్ధిదారులకు చేర్చడం కోసమే స్మార్ట్ పల్స్ సర్వే నిర్వహిస్తున్నట్టు ముఖ్యమంత్రి చంద్రబాబునాయుడు చెప్పారు. ఇది ప్రజలందరి సంపూర్ణ వివరాలకోసం చేపడుతున్న సర్వే అని, సంక్షేమ కార్యక్రమాలకు మాత్రమే పరిమితం కాబోదన్నారు. ప్రభుత్వం ఈనెల మూడవ వారంలో చేపట్టనున్న స్మార్ట్ పల్స్ సర్వేపై శనివారం మధ్యాహ్నం తన నివాసం నుంచి ముఖ్యమంత్రి వీడియో కాన్ఫరెన్స్ నిర్వహించారు. భవిష్యత్‌లో ఆధార్ సంఖ్యలేని ప్రజలకు ప్రభుత్వపరంగా ఎలాంటి సంక్షేమ అభివృద్ధి కార్యక్రమాలు అందబోవని సిఎం స్పష్టం చేశారు. ప్రతి పదేళ్లకు ఒకసారి జనగణన జరుగుతుండగా, పల్స్ సర్వే అంతకుమించిన తాజా వివరాలతో, వాస్తవ పరిస్థితులకు అద్దం పట్టేదిలా ఉంటుందని ముఖ్యమంత్రి చెప్పారు. రాష్ట్రంలోని ప్రతి వ్యక్తి, కుటుంబం ఆదాయం, ఆరోగ్యం, సామాజిక భద్రత గురించిన అన్ని అంశాలను సర్వే ద్వారా తెలుసుకునే అవకాశం కలుగుతుందని చెప్పారు. ఇది రాష్ట్ర ప్రయోజనాలకు ఉపకరించే సర్వే అయినందున ప్రతి ఒక్క అధికారి దీన్ని ఒక యాగంలా తీసుకుని అంకితభావంతో పనిచేయాలని కోరారు. ఈ ప్రభుత్వం సర్ట్ఫికెట్ లెస్ గవర్నెన్స్ లక్ష్యంగా కృషి చేస్తోందని, ఇప్పటికే 60శాతం వివరాలు అనుసంధానం పూర్తయినందున మరో 40 శాతం పనిని పూర్తిచేయడానికే పల్స్ సర్వే చేపట్టినట్టు తెలిపారు. ఆధార్ వివరాలతో మొబైల్ నెంబర్ అనుసంధానం చేసి నిర్వహిస్తున్న సర్వే ఇదేనని, దేశంలో వ్యక్తులు, కుటుంబాలకు సంబంధించిన సంపూర్ణ సమాచారాన్ని సేకరిస్తున్న సర్వే కూడా ఇదే ప్రథమమని ముఖ్యమంత్రి వివరించారు. 35వేల బృందాలు ఈ సర్వేలో పాల్గొంటున్నాయని, ఒక్కొక్క ఎన్యూమరేటర్ ప్రతిరోజూ 14 ఇళ్లకు వెళ్లి అక్కడి డేటాను సేకరిస్తారని చెప్పారు. పల్స్ సర్వే అధికారుల మధ్య సమన్వయం కోసం కమాండ్ సెంటర్ ఏర్పాటు చేస్తామని తెలిపారు. 22న పల్స్ సర్వే కోసం ప్రత్యేక శిక్షణ కార్యక్రమం ఉంటుందని చెప్పారు. మొత్తం సర్వేకు రెవెన్యూ శాఖ నోడల్ ఏజెన్సీగా ఉంటుందని వివరించారు. 20 కొలమానాల ఆధారంగా పల్స్ సర్వే నిర్వహిస్తామని ముఖ్యమంత్రి తెలిపారు. ఆధార్ కార్డు, బ్యాంక్ పాస్‌బుక్, వాటర్ బిల్, కుల ధ్రువీకరణ పత్రం, ఆదాయ కుల ధ్రువీకరణ పత్రం, కిసాన్ పత్రం, డ్వాక్రా సర్ట్ఫికెట్, పోస్ట్ లేదా ప్రీ మెట్రిక్ స్కాలర్‌షిప్ వగైరా కొలమానాల ఆధారంగా ఈ సర్వే నిర్వహిస్తారని చెప్పారు. పల్స్ సర్వేని మిషన్ మోడ్‌లో నిర్వహించాలని అధికార యంత్రాంగానికి సిఎం సూచించారు. భూమి వివరాలు, నేల స్వభావం, పంటల వివరాలు కూడా సర్వేలో సమీకృతం చేయాలని అధికారులకు సిఎం సూచించారు. పెన్షన్స్, స్కాలర్‌షిప్స్, రుణాలు వగైరా వివరాలన్నీ పల్స్ సర్వేలో ఇంటిగ్రేట్ అయ్యేలా చూడాలని కోరారు. ట్యాబ్స్, ఐప్యాడ్స్ వంటి ఆధునిక ఉపకరణాల ద్వారా చేపట్టే ఈ సర్వేలో సేకరించిన వివరాలను ఎప్పటికప్పుడు అప్‌డేట్ చేస్తారని వివరించారు. వీడియో కాన్ఫరెన్స్‌లో ప్రభుత్వ ప్రధాన కార్యదర్శి ఎస్‌పి టక్కర్, ప్రభుత్వ సలహాదారు పరకాల ప్రభాకర్, ప్రత్యేక ప్రధాన కార్యదర్శి సతీష్‌చంద్ర, ప్రభుత్వ ఐటి కార్యదర్శి ప్రద్యుమ్న, ఐఅండ్‌పిఆర్ కమిషనర్ వెంకటేశ్వర్ తదితరులు పాల్గొన్నారు.
చిత్రం అధికారులతో వీడియో కాన్ఫరెన్స్‌లో మాట్లాడుతున్న చంద్రబాబు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.