రాష్ట్రీయం
9335 మంది విద్యావలంటీర్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 27: రాష్టవ్య్రాప్తంగా పలు పాఠశాలల్లో ఉపాధ్యాయుల ఖాళీలను దృష్టిలో పెట్టుకుని 9335 మంది విద్యా వాలంటీర్లను నియమించాలని రాష్ట్ర ప్రభుత్వం నిర్ణయం తీసుకుంది. విద్యా వాలంటీర్ల నియామకానికి సిఎం కెసిఆర్ సోమవారం ఆమోదం తెలిపారు. క్యాంపు కార్యాలయంలో సోమవారం జరిగిన సమావేశంలో విద్యాశాఖ మంత్రి కడియం శ్రీహరితో పాటు విద్యాశాఖకు సంబంధించిన సమస్యలపై చర్చించారు. ఉపాధ్యాయుల కొరత ఈ సందర్భంగా ప్రస్తావనకు వచ్చింది. ఆయా జిల్లాల కలెక్టర్ల ద్వారా తాత్కాలిక నియామక పద్ధతిలో అభ్యర్థులను ఎంపిక చేయాలని నిర్ణయించారు. తెలంగాణ పబ్లిక్ సర్వీస్ కమిషన్ ద్వారా రెగ్యులర్ టీచర్ల నియామకం చేసేంత వరకు విద్యావాలంటీర్లు కొనసాగుతారు. విద్యా వాలంటీర్లను ప్రస్తుత విద్యా సంవత్సరం కోసం మాత్రమే నియమిస్తున్నట్టు అధికార ప్రకటనలో తెలిపారు. రాష్ట్ర వ్యాప్తంగా పాఠశాలల్లో ఉపాధ్యాయుల కొరత ఉంది. గతంలో డిఎస్‌సి ద్వారా ఉపాధ్యాయుల నియామకం జరిగేది. రాష్ట్రంలో అన్ని ఉద్యోగాలను పబ్లిక్ సర్వీస్ కమిషన్ ద్వారానే జరపాలని తెలంగాణ ప్రభుత్వం నిర్ణయించింది. ఈసారి డిఎస్సీ నిర్వహించకుండా పబ్లిక్ సర్వీస్ కమిషన్ ద్వారా ఉపాధ్యాయ నియామకాలు చేపట్టేందుకు చర్యలు తీసుకున్నారు.
ఏడాది క్రితమే డిఎస్‌సి నిర్వహించాల్సి ఉంది. డిఎస్‌సి ద్వారా కానీ, పబ్లిక్ సర్వీస్ కమిషన్ ద్వారా కానీ ఉపాధ్యాయుల నియామకం చేపట్టక పోవడం వల్ల ఈ విద్యా సంవత్సరం పాఠశాల్లో ఉపాధ్యాయలు లేక ఇబ్బంది తలెత్తే అంశాన్ని దృష్టిలో పెట్టుకుని విద్యా వాలంటీర్లను నియమించాలని నిర్ణయించారు. ఆయా జిల్లాలో ఉపాధ్యాయ ఖాళీలు, అవసరాలను దృష్టిలో పెట్టుకుని ఆ జిల్లా కలెక్టర్లే విద్యా వాలంటీర్లను నియమిస్తారు.
చిత్రం విద్యాశాఖ మంత్రి, ఉన్నత అధికారులతో వలంటీర్ల నియామకంపై సమీక్షిస్తున్న సిఎం కెసిఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.