రాష్ట్రీయం
బ్యారేజీ మరమ్మతుల్లో నాణ్యతాలోపం!
S ,7 à 8 RSCA (si SASPAS) et 6 cialis pharmacie cialis rapports de stage.
రాజమహేంద్రవరం, జూలై 2: సాగునీటి వ్యవస్థలో ఎంతో కీలకమైన తూర్పుగోదావరి జిల్లా ధవళేశ్వరం వద్ద కాటన్ బ్యారేజ్ అధికారుల అలక్ష్యానికి గురైంది. కీలకమైన బ్యారేజ్ గేట్ల బ్రేక్ కాయిల్స్ మాయం కావడం, ముగ్గురు ఎఇలు సస్పెండ్ కావడం ఇందుకు అద్దంపడుతోంది. బ్యారేజ్‌కు ప్రస్తుతం నిర్వహణ పనుల్లో భాగంగా మరమ్మతులను రూ.29 కోట్లతో చేపట్టారు. ఈ పనుల్లో నాణ్యతాలోపం చోటుచేసుకుందని ఆరోపణలు వ్యక్తమవుతున్నాయి. పది లక్షల ఆయకట్టుకు సాగునీరు అందించడంతోపాటు లక్షలాది ప్రజల దాహార్తిని తీర్చే ఆనకట్టలో అవినీతికి ఆనకట్ట లేకుండా పోయిందని అధికారులు ఆరోపణలు మూటగట్టుకుంటున్నారు. ఇక్కడ నుండే మూడు డెల్టాలకు సాగునీరు అందిస్తారు. ఇంతటి ప్రాధాన్యత కల్గిన బ్యారేజీ నిర్వహణ గాలికొదిలేశారని విమర్శలు వ్యక్తమవుతున్నాయి. నిరంతరం ఎలక్ట్రికల్, మెకానికల్ నిర్వహణ చేయవలసి ఉంది.
బ్యారేజీకి నట్లు ఊడిపోతున్నాయని, ఆయిలింగ్ పనులు చేయకుండా మరమ్మతుల పనుల కాంట్రాక్టు కంపెనీ మరమ్మతు చేసినట్లు బిల్లులు పెడుతోందని, ఈ సంస్థకు అధికారులు వత్తాసు పలుకుతున్నారని ఆరోపణలు వ్యక్తమవుతున్నాయి. గేట్లకు కింద భాగంలో ప్లేట్లు, రబ్బరు బిన్నులు కూడా పోయాయని తెలుస్తోంది. ఇవేవీ మరమ్మతులకు నోచుకోలేదని అంటున్నారు. బ్యారేజీ పై భాగంలో ఆయిల్ గేట్లు మరమ్మతులు చేసి ఎలక్ట్రికల్ పేనల్స్ ఏర్పాటుచేయవలసి ఉంది. అదే విధంగా రబ్బరు బిన్లు కూడా వేయాలి. కానీ ఎక్కడా పనులు జరిగిన అనమాళ్లు కనిపించడం లేదంటున్నారు. రెడాక్సైడ్‌తో రంగులువేసి, గరుకు పేపరుతో నగిషీలు చెక్కి రిపేరు చేసినట్లు చూపిస్తున్నారని, గేట్లు తుప్పుపట్టి ఉన్నా బిల్లులు రూపొందించారని తెలిసింది. కొంతమంది అధికారులు బినామీ కాంట్రాక్టర్లతో పనులు చేయిస్తూ ఏటికేడాది మరమ్మతు పనులను మసిపూసి మారేడుకాయ చేస్తున్నారు. టెండరు నిబంధనలకు విరుద్ధంగా మరమ్మతు పనులు జరుగుతున్నాయంటున్నారు. బ్యారేజ్‌కు ప్రత్యేకించి హెడ్ వర్క్స్ ఇఇతోపాటు నలుగురు ఎఇలు, ఒక డిఇ, లైన్ ఇన్స్‌పెక్టర్, ఆపరేటర్లు, ఎలక్ట్రిషియన్లు తదితర 240మంది సిబ్బంది ఉండాల్సి ఉండగా కేవలం 60మంది సిబ్బందితోటే నెట్టుకొస్తున్నారు.
అధికారుల నిర్లక్ష్యం మధ్య రక్షిత ప్రాంతమైన ఈ బ్యారేజ్‌లో మరమ్మతు పనులు నాసిరకంగా జరుగుతుండడంపై విచారణ జరిపించాలని కోరుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.