రాష్ట్రీయం
నేటి నుంచి బ్రిక్స్ సదస్సు
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, జూలై 3: అంతర్జాతీయ ఇంధన సదస్సుకు విశాఖ మరోసారి వేదిక కానుంది. సోమ, మంగళ వారాల్లో బ్రిక్స్ అంతర్జాతీయ ఇంధన సదస్సును నిర్వహించేందుకు కేంద్రం ఆంధ్రప్రదేశ్‌ను ఎంపిక చేసింది. గ్రీన్ ఎనర్జీకి, ఇంధన పొదుపు చర్యలకు రాష్ట్ర ప్రభుత్వం ఇస్తున్న ప్రోత్సాహానికి గుర్తింపుగా సదస్సు నిర్వహణ బాధ్యతను ఏపీ సర్కార్‌కు కేంద్రం అప్పగించింది. ఈ సందర్భంగా ఇంధన వినియోగంలో తాము సాధించిన విజయాలను రాష్ట్ర ప్రభుత్వం అంతర్జాతీయంగా చాటుకునే అవకాశం ఉంటుంది. భారత్ అధ్యక్షతన జరిగే ఈ సదస్సులో బ్రెజిల్, రష్యా, చైనా, దక్షిణాఫ్రికా దేశాలు పాల్గొంటాయి. ప్యారిస్‌లో జరిగిన సీఓపీ-21 సదస్సులో విశాఖ ఎల్‌ఇడీ వీధిదీపాల అమరిక ప్రత్యేక ఆకర్షణగా నిలిచింది. ఇపుడు ఈ సదస్సుకు విశాఖ వేదికగా ఉన్నందున ప్రపంచ దేశాలు ప్రత్యక్షంగా ఈ ఎల్‌ఇడి వీధి దీపాలను
చూసే అవకాశం లభిస్తుంది. సదస్సు నిర్వహణ ఏర్పాట్లపై ఆదివారం విజయవాడలో నిర్వహించిన సమావేశంలో ముఖ్యమంత్రి చంద్రబాబు పలు నిర్ణయాలు తీసుకున్నారు. రైతులో ఆనందంగా ఉంటేనే రాష్ట్రం సుభిక్షంగా ఉంటుందన్నారు. విద్యుత్ ఉత్పత్తి సామర్ధ్యాన్ని పెంచుకోవడం, విద్యుత్ వినియోగం తగ్గించేందుకు ఇంధన సమర్థత కలిగిన ఎల్‌ఇడి బల్బులు, ఐదు స్టార్‌రేటెడ్ ఫ్యాన్లు, రిఫ్రిజిరేటర్లు, ఎయిర్ కండిషనర్లు, వ్యవసాయ మోటర్ల వాడకాన్ని పెంచుతున్నామన్నారు. ఈ సదస్సును సమర్థంగా నిర్వహించగలమన్న నమ్మకంతోనే రాష్ట్రానికి కేంద్రం ఈ బాధ్యతను అప్పగించిందన్నారు. ఇందుకు విశాఖ వేదిక కావడం ఎంతో గర్వకారణమన్నారు. కేంద్ర విద్యుత్‌శాఖ మేనేజింగ్ డైరెక్టర్ సౌరభ్ కుమార్ మాట్లాడుతూ ఇంధన కార్యదర్శి అజయ్‌జైన్‌కు రాసిన లేఖలో అన్ని బ్రిక్స్ దేశాలు విశాఖ వేదికగా జరిగే అంతర్జాతీయ సదస్సులో పాల్గొనేందుకు సుముఖత వ్యక్తంచేశాయన్నారు. ఇందులోభాగంగా విశాఖలోని ఎల్‌ఇడి వీధి దీపాలను అమర్చిన పద్ధతిని, దాని ద్వారా సాధించిన 70 లక్షల యూనిట్ల విద్యుత్ పొదుపు, 420 లక్షల ఆదాని క్షుణ్ణంగా అధ్యయనం చేయడానికి ఆసక్తిని కనబర్చారన్నారు. స్టేట్ ఎనర్జీ కన్సర్వేషన్ మిషన్ చీఫ్ ఎగ్జిక్యూటివ్ ఆఫీసర్ ఏ.చంద్రశేఖరరెడ్డి మాట్లాడుతూ ప్రత్యేక ఇంధన పొదుపు, ఇంధన సమర్థత ప్రాజెక్టుల అమలు బ్రిక్స్ దేశాల ఆర్థిక వ్యవస్థను బలపరుస్తాయన్నారు. ఇంధన పొదుపు- సమర్థతపై రెండు రోజులు జరిగే ఈ సదస్సులో అన్ని దేశాల అధికారిక బృందాలు కూలంకషంగా చర్చించి ఇంధన సమర్థతలో ఆచరించాల్సిన మార్గదర్శక సూత్రాలను సంయుక్తంగా ప్రకటిస్తాయన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.