రాష్ట్రీయం
కృష్ణా జలాలపై నేటినుంచి వాదనలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 7: కృష్ణా జలాల వివాదాలపై బ్రజేష్ కుమార్ ట్రిబ్యునల్ ఎదుట శుక్రవారం నుంచి వాదనలు ప్రారంభం కానున్నాయి. శుక్రవారం, శనివారం వరుసగా రెండు రోజుల వాదనల తరువాత తిరిగి ఈనెల 14, 15 తేదీల్లో తదుపరి వాదనలు జరుగుతాయి. రెండు దశలుగా నాలుగు రోజుల పాటు బ్రజేష్ కుమార్ ట్రిబ్యునల్ ముందు తెలంగాణ, ఆంధ్ర తమ వాదనలు వినిపిస్తాయి. న్యాయమైన వాటా కోసం ట్రిబ్యునల్‌లో తెలంగాణ తన వాదన వినిపిస్తూనే సుప్రీంకోర్టును ఆశ్రయించింది. నీటి పంపకాల్లో తెలంగాణకు జరుగుతున్న అన్యాయాన్ని ట్రిబ్యునల్‌కు వివరిస్తామని అధికారులు తెలిపారు. నీటి లభ్యత ఆధారంగా మొదటి నుంచి కేటాయింపులు ఉండాలని, ప్రాజెక్టుల వారీగా కేటాయింపు చేస్తే అందరికీ ప్రయోజనం ఉంటుందని తెలంగాణ స్పష్టం చేస్తోంది. అయితే ప్రాజెక్టు వారిగా కేటాయింపులను ఆంధ్రప్రదేశ్ వ్యతిరేకిస్తోంది. మొత్తం నదీ పరివాహక ప్రాంతంలోని రాష్ట్రాలన్నింటికీ కృష్ణా నీటిని పునః పంపిణీ చేయాలని చెబుతోంది. 2013లోనే నివేదిక ఇచ్చినప్పటికీ బ్రజేష్ నివేదికను కేంద్రం నోటిఫై చేయని కారణంగా అమలులోకి రాలేదు. ఏపీ పునర్వ్యస్థీకరణ చట్టం సెక్షన్ 89 ప్రకారం ట్రిబ్యునల్ గడువు పొడిగించారు. ట్రిబ్యునల్ ముందు మహారాష్ట్ర, కర్నాటక, ఆంధ్రప్రదేశ్ రాష్ట్రాలు ఇప్పటికే వాదనలు వినిపించాయి. ట్రిబ్యునల్ పరిధి కేవలం ఆంధ్రప్రదేశ్, తెలంగాణ రాష్ట్రాలకే పరిమితమా? లేక కృష్ణా పరీవాహక ప్రాంతం 4 రాష్ట్రాలకు వర్తిస్తుందా? అనే అంశంపై కేంద్రం, నాలుగు రాష్ట్ర ప్రభుత్వాల వాదన ట్రిబ్యునల్ వింటుంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.