రాష్ట్రీయం
విభజించాల్సిన ఫైళ్లు 12లక్షలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 7: ఉమ్మడి ఆంధ్రప్రదేశ్ సచివాలయంలోని సెంట్రల్ రికార్డ్సు బ్యూరోలో ఫైళ్ల విభజన ప్రక్రియ ప్రారంభమైంది. మొత్తం 12 లక్షల ఫైళ్లు ఉన్నాయి. ప్రతి ఫైలును రెండుగా స్కానింగ్ చేసి రెండు రాష్ట్రాలకు ఒక్కో ప్రతిని ఇస్తారు. సచివాలయంలో రెండు స్టోర్ రూంలలో ఏళ్లతరబడి లక్షలాది ఫైళ్లు ఉన్నాయి. వీటి విభజన ఇంకా జరగలేదు. ఒకటి రెండు రోజుల్లో రెండు రాష్ట్రాల ప్రభుత్వ ప్రధాన కార్యదర్శులు ఈ ఫైళ్ల విభజన, స్కానింగ్‌కు ఉద్యోగులను కేటాయించనున్నారు. 12 లక్షల ఫైళ్లలో దాదాపు 7 లక్షల ఫైళ్లు ఆంధ్రాకు, 5 లక్షల ఫైళ్లు తెలంగాణకు సంబంధించినవి ఉన్నాయి. ఇందులో చాలా ఫైళ్లు ఉమ్మడిగా ఉన్నాయి. ఇందులో కామన్ ఫైళ్లను జాగ్రత్తపరచాల్సి ఉంది. కీలకమైన ఫైళ్ల భద్రతకు కూడా చర్యలు తీసుకోనున్నారు. 147 విభాగాల్లో ఉద్యోగుల కేటాయింపు పూర్తయింది. మరో ఆరు శాఖల్లో ఉద్యోగుల విభజన వచ్చే పక్షం రోజులు పూర్తి కానుంది. వైద్య విద్య, ఆరోగ్య శాఖ, పబ్లిక్ హెల్త్ ఇంజనీర్ ఇన్ చీఫ్, ఎస్‌పిఎఫ్, ఆయూష్, డిజిపి ఎస్టాబ్లిష్‌మెంట్ శాఖల్లో మాత్రమే ఉద్యోగుల పంపకం మిగిలి ఉంది. డిప్యూటీ కలెక్టర్లు, డిఎస్పీలు, న్యాయ శాఖ, సెక్షన్ ఆఫీసర్లు, అసిస్టెంట్ సెక్షన్ ఆఫీసర్ల పంపకానికి న్యాయపరమైన చిక్కులు ఎదురవుతున్నాయి. డిప్యూటీ కలెక్టర్ల కేటాయింపుపై కోర్టు స్టేలు ఉన్నాయి. ఉమ్మడి ఆంధ్రప్రదేశ్‌లో ఉద్యోగుల విభజన ప్రక్రియ మిగతా విభజన అయిన రాష్ట్రాల కంటే సులభతరంగా మారిందని, 57 వేల మంది ఉద్యోగుల మొబైల్ నంబర్లు సేకరించడం, వారి ఆఫ్షన్లను తీసుకునేందుకు లాగిన్, యూజర్ ఐడిని తీసుకున్నామని ఐఎఎస్ అధికారి ప్రేంచంద్రారెడ్డి చెప్పారు. వివిధ శాఖల అధిపతుల నుంచి వారి అభిప్రాయాలను ఆన్‌లైన్‌ద్వారా స్వీకరించడం వల్ల అనుమానాలకు తావులేకుండా పారదర్శకంగా ఉద్యోగుల కేటాయింపు సాఫీగా జరుగుతోందన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.