రాష్ట్రీయం
ప్రాజెక్టులకు ఇసుక రీచ్‌ల గుర్తింపు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 9: రాష్ట్రంలో నిర్మించే ఇరిగేషన్ ప్రాజెక్టులకు అవసరం అయిన ఇసుక రీచ్‌లను నీటిపారుదల శాఖ గుర్తిస్తోంది. రెండు రోజుల్లో రిసోర్స్ మ్యాపింగ్ చేయాలని అధికారులు నిర్ణయించారు. నీటిపారుదల ప్రాజెక్టులన్నింటినీ ప్రాజెక్టులకు కోటి 72లక్షల క్యూబిక్ మీటర్ల ఇసుక అవసరం అని నిర్ధారించారు. రాష్ట్రంలో సాగునీటి ప్రాజెక్టులకు అవసరం అయిన ఇసుక రీచ్‌లను యుద్ధ ప్రాతిపదికన గుర్తించాలని మంత్రులు తన్నీరు హరీశ్‌రావు, కె తారక రామారావు అధికారులను ఆదేశించారు. ఇరిగేషన్ మైనింగ్ శాఖల అధికారులతో ఇద్దరు మంత్రులు సచివాలయంలో శనివారం సమావేశం నిర్వహించారు. జిల్లాల వారీగా ఇసుక రీచ్‌లకు సంబంధించి రెండు రోజుల్లో మ్యాపింగ్ చేయాలని చెప్పారు. ప్రాజెక్టులకు సమీపంలోని ఇసుక వనరులను గుర్తించాలని తెలిపారు. ప్రాజెక్టులు, ప్యాకేజీల వారిగా ఇసుక అవసరాలపై ఇద్దరు మంత్రులు సమీక్షించారు. ఆదిలాబాద్ జిల్లా పెన్‌గంగ నుంచి కరీంనగర్ జిల్లా గౌరవల్లి, గండిపల్లి వరకు, వరంగల్ జిల్లా దేవాదుల , నల్లగొండ జిల్లా ఎఎంఆర్‌పి, పెండ్లి పాకల, ఉదయ సముద్రం, డిండి తదితర ప్రాజెక్టులకు మొత్తం ఒక కోటి 72లక్షల క్యూబిక్ మీటర్ల ఇసుక అవసరమని నిర్థారించారు. ఈ సందర్భంగా హరీశ్‌రావును కెటిఆర్ అభినందించారు. నీటిపారుదల శాఖ మంత్రి హరీశ్‌రావు సమర్థవంతమైన నాయకత్వంలో మైనింగ్ శాఖ ఆదాయం 45శాతం పెరిగినట్టు చెప్పారు. ఈ యేడాది రెట్టింపు ఆదాయం లక్ష్యంగా పెట్టుకున్నట్టు కెటిఆర్ తెలిపారు.
మిడ్‌మానేరులో ఈ యేడాది మూడు టిఎంసిల నీటిని నిల్వ చేయాలని అనుకుంటున్నందున వీలైనంత త్వరగా ఇసుకను ప్రాజెక్టులకు తరలించాలని మంత్రులు ఆదేశించారు. కాళేశ్వరం ప్యాకేజీ 9, రంగనాయకి సాగర్, అనంతగిరి ప్రాజెక్టులకు మిడ్‌మానేరు నుంచి ఏడు లక్షల క్యూబిక్ మీటర్ల ఇసుకను 45 రోజుల్లో తరలించాలని నిర్ణయించారు. ఇసుక తరలింపులో అక్రమాలు నిరోధించాలని, అవక తవకలు జరగకుండా చర్యలు తీసుకోవాలని మంత్రులు అధికారులకు సూచించారు. అవసరమైతే ఇసుక రీచ్ నుంచి ప్రాజెక్టుకు ఇసుక రవాణా చేసే ట్రక్కులు, ఇతర వాహనాలకు జియో ట్యాగింగ్ చేయాలని అధికారులకు సూచించారు. ఇసుక అక్రమ రవాణా జరగకుండా పోలీసు, రెవెన్యూ అధికారుల సహకారం తీసుకోవాలని మైనింగ్ ఇరిగేషన్ అధికారులను కోరారు. రీ ఇంజనీరింగ్ కింద చేపట్టిన ప్రాజెక్టులను ప్యాకేజీల వారిగా హరీశ్ సమీక్షించారు. ప్రధానంగా ప్రాజెక్టుల భూ సేకరణకు అత్యంత ప్రాధాన్యత ఇవ్వాలని మంత్రి కోరారు. పనితీరు సరిగా లేని కింది స్థాయి సిబ్బందిని , ఇంజనీర్లను మార్చి తమ బృందంలోకి ఎవరు కావాలో తీసుకోవచ్చునని ఇరిగేషన్ శాఖ చీఫ్ ఇంజనీర్లకు మంత్రి హరీశ్‌రావు చెప్పారు.
చిత్రం.. సచివాలయంలో శనివారం అధికారులతో సమీక్షిస్తున్న
తెలంగాణ మంత్రులు తారక రామారావు, హరీశ్‌రావు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.