రాష్ట్రీయం
ధార్మిక పరిషత్‌ను ఏర్పాటు చేయండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 21: తెలంగాణ రాష్ట్రంలో ఆలయాల పరిపాలన సమర్థవంతంగా ఉండేందుకు వీలుగా వెంటనే ధార్మిక పరిషత్‌ను ప్రభుత్వం ఏర్పాటు చేయాలని తెలంగాణ రాష్ట్ర బ్రాహ్మణ పరిషత్ డిమాండ్ చేసింది. సికింద్రాబాద్‌లోని సంతోషిమాత ఆలయంలో గురువారం జరిగిన బ్రాహ్మణ పరిషత్ సమావేశంలో ఈ మేరకు తీర్మానించారు. రాష్ట్ర బ్రాహ్మణ పరిషత్ గౌరవాధ్యక్షుడు గంగు ఉపేంద్రశర్మ ఈ సందర్భంగా మాట్లాడుతూ, ధార్మిక పరిషత్ ఏర్పాటు విషయంలో ముఖ్యమంత్రి కె.చంద్రశేఖర్ రావు శ్రద్ధ తీసుకోవాలని కోరారు. పీఠాధిపతులు, మఠాధిపతులు, ధార్మికవేత్తలతో ధార్మిక పరిషత్‌ను ఏర్పాటు చేయడం వల్ల ఆలయాల పాలనలో సంస్కరణలకు అవకాశం ఉంటుందన్నారు. పేద బ్రాహ్మణుల సంక్షేమం కోసం ప్రభుత్వం 100 కోట్ల రూపాయలు కేటాయించడం పట్ల హర్షం వ్యక్తం చేస్తూ, ఈ నిధులు వ్యయం చేసేందుకు వెంటనే బ్రాహ్మణ కార్పొరేషన్‌ను ఏర్పాటు చేయాలని సూచించారు. అర్చక సంక్షేమం కోసం కేటాయించిన 87 కోట్ల రూపాయలు వ్యయం చేసేందుకు అర్చక సంక్షేమ బోర్డును ఏర్పాటు చేయాలన్నారు. బంగారు తెలంగాణ సాధనలో బ్రాహ్మణులంతా భాగస్వాములు కావాలని పిలుపు ఇచ్చారు. ఆగస్టు రెండోవారంలో రాష్ట్ర స్థాయిలో రెండులక్షల మందితో హైదరాబాద్‌లో బ్రాహ్మణ సదస్సు నిర్వహించాలని నిర్ణయించామని బ్రాహ్మణ పరిషత్ రాష్ట్ర అధ్యక్షుడు నిట్టూరి సతీష్ శర్మ తెలిపారు. ఈ సమావేశానికి ముఖ్యమంత్రిని ఆహ్వానిస్తామన్నారు. హైదరాబాద్‌లో దేవాదాయ శాఖకు చెందిన దాదాపు10 వేల కోట్ల రూపాయల విలువైన భూములు ఆక్రమణకు గురయ్యాయని, వీటిని ప్రభుత్వం స్వాధీనం చేసుకుని వేలం వేయాలని రాష్ట్ర బ్రాహ్మణ పరిషత్ ఉపాధ్యక్షుడు రామశర్మ ప్రభుత్వాన్ని కోరారు.
చిత్రం..గురువారం జరిగిన బ్రాహ్మణ పరిషత్ సమావేశంలో ప్రసంగిస్తున్న
తెలంగాణ బ్రాహ్మణ పరిషత్ గౌరవాధ్యక్షుడు గంగు ఉపేంద్రశర్మ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.