రాష్ట్రీయం
నకిలీ సర్ట్ఫికెట్ల ముఠా గుట్టురట్టు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 6: దేశంలోని వివిధ యూనివర్శిటీలకు చెందిన నకిలీ ఎడ్యుకేషనల్ సర్ట్ఫికెట్లు తయారుచేసి అమ్ముతున్న ముఠాకు చెందిన ముగ్గురు సభ్యులను హైదరాబాద్ ఈస్ట్‌జోన్ టాస్క్ఫోర్స్ పోలీసులు అరెస్టు చేశారు. వారి నుంచి 24 డిగ్రీ, బి టెక్, ఎంఎస్సీ సర్ట్ఫికెట్లు స్వాధీనం చేసుకున్నారు. ఉప్పర్‌పల్లికి చెందిన మహమ్మద్ ఖాలేద్ (32) మెహిదీపట్నంకు చెందిన జీషాన్ అలీఖాన్ (22) సైఫాబాద్‌కు చెందిన మహమ్మద్ ఉస్మాన్ (57) నూరీ డిస్టెన్స్ ఎడ్యుకేషనల్ అకాడమీని నిర్వహిస్తూ, వివిధ యూనివర్శిటీలకు చెందిన నకిలీ సర్ట్ఫికెట్లను తయారు చేసి విక్రయించే పథకం వేశారు. ఈ మేరకు ఢిల్లీకి చెందిన విశాల్ శర్మ, షోయబ్‌లతో పరిచయం చేసుకున్నారు. హైదరాబాద్‌లో తయారు చేసిన సర్ట్ఫికెట్లను ఢిల్లీలో విక్రయించేందుకు విశాల్ శర్మ, షోయబ్‌లను ఏజెంట్లుగా నియమించుకున్నారు. ఒక్కో సర్ట్ఫికెట్‌కు రూ. 10 నుంచి 15 వేలు కమిషన్ ఇచ్చారు. మహమ్మద్ ఉస్మాన్ ఒక్కో సర్ట్ఫికెట్‌కు రూ. 20 వేల నుంచి రూ. 40 వేలకు సరఫరా చేస్తున్నట్టు టాస్క్ఫోర్స్ డిప్యూటీ కమిషనర్ ఎన్ కోటిరెడ్డి తెలిపారు. ఓ వ్యక్తికి నకిలీ డిగ్రీ సర్ట్ఫికెట్ అమ్ముతుండగా వీరిని ఇన్‌స్పెక్టర్ సిహెచ్ సుధాకర్ నేతృత్వంలోని బృందం పట్టుకుంది. విశాల్, షోయబ్ పరారీలో ఉన్నారు. వీరి కోసం గాలిస్తున్నట్టు డిసిపి కోటిరెడ్డి తెలిపారు. నిందితులను తదుపరి చర్య నిమిత్తం బహదుర్‌పుర పోలీసులకు అప్పగించినట్టు టాస్క్ఫోర్స్ డిసిపి చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.