రాష్ట్రీయం
రేపు ఎమ్సెట్-3 నోటిఫికేషన్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 6: మెడికల్, డెంటల్ కాలేజీల్లో ప్రవేశానికి ఎమ్సెట్ -3ని సెప్టెంబర్ 11న నిర్వహించనున్నట్టు ఉన్నత విద్యామండలి చైర్మన్ ప్రొఫెసర్ టి పాపిరెడ్డి వెల్లడించారు. జెఎన్‌టియు విసి ఎ వేణుగోపాల్‌రెడ్డి, కన్వీనర్, జెఎన్‌టియు హెచ్ రెక్టార్ ఎన్ యాదయ్య, కో-కన్వీనర్ ఎ గోవర్ధన్, కమిటీ సభ్యులతో చైర్మన్ పాపిరెడ్డి సమావేశమై ఎమ్సెట్-3 నిర్వహణను సమీక్షించారు. పరీక్ష నిర్వహించిన వారం పది రోజుల్లోనే ఫలితాలు అందించాలని నిర్ణయించారు. పరీక్షకు సంబంధించి ఈనెల 8న నోటిఫికేషన్ వెలువడనుంది. హాల్‌టిక్కెట్లను సెప్టెంబర్ 3నుంచి జారీ చేస్తారు. పరీక్ష సెప్టెంబర్ 11న ఉదయం 10నుండి మధ్యాహ్నం 1 గంట వరకూ జరుగుతుంది. ఎమ్సెట్-2 పరీక్ష రాసిన అభ్యర్ధులు మాత్రమే ఎమ్సెట్-3 రాసేందుకు అర్హులని అధికారులు స్పష్టం చేశారు.
రిజిస్ట్రేషన్ నెంబర్లలో ఎలాంటి మార్పూ ఉండబోదని, కనుక అభ్యర్ధులు రిజిస్ట్రేషన్ ఫీజు మళ్లీ చెల్లించాల్సిన అవసరం లేదన్నారు. పాత హాల్‌టిక్కెట్లు చెల్లబోవని, కొత్త హాల్‌టిక్కెట్లను కొత్త వెబ్ సైట్ నుంచి డౌన్‌లోడ్ చేసుకోవాలని సూచించారు. ఎమ్సెట్-3లో ఆన్‌లైన్ పరీక్ష విధానం లేదని, అంతా పెన్ను, పెన్సిల్‌తో రాయాల్సి ఉంటుందన్నారు. రీజనల్ సెంటర్లలో ఎలాంటి మార్పూ ఉండదని, అయితే అభ్యర్ధుల పరీక్ష కేంద్రాలు మారే అవకాశం ఉందని పేర్కొన్నారు. పరీక్ష కేంద్రాలుగా కేవలం ప్రభుత్వ కాలేజీలు, పాఠశాలలను మాత్రమే ఎంపిక చేయనున్నారు.
ఎమ్సెట్ -3 ఫలితాలను పరీక్ష జరిగిన వారంలోనే విడుదల చేస్తామని కన్వీనర్ ప్రొఫెసర్ యాదయ్య తెలిపారు. ఎమ్సెట్-3 కమిటీ తొలి సమావేశం శనివారం ఉన్నత విద్యామండలిలో జరిగింది. ఈ సందర్భంగా పరీక్ష నిర్వహణకు తీసుకోవల్సిన జాగ్రత్తలపై చర్చించారు. అభ్యర్ధులు ఒక్క నిమిషం కూడా ఆలస్యంకాకుండా పరీక్షకు హాజరుకావాల్సి ఉంటుందని కన్వీనర్ స్పష్టం చేశారు. పరీక్ష కేంద్రాల్లో అభ్యర్ధుల ఫింగర్ ప్రింట్‌లను తీసుకుంటామన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.