రాష్ట్రీయం
ఎక్కడి పనులక్కడే..!
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, ఆగస్టు 8: కృష్ణా పుష్కరాల ప్రారంభానికి కేవలం మూడు రోజులు మాత్రమే మిగిలి ఉన్నాయి. పనులు మాత్రం ఇప్పటికీ సా...గుతూనే ఉన్నాయి. ఈ నెల 4 నాటికి పుష్కర పనులన్నీ పూర్తిచేయాలని ముఖ్యమంత్రి ఆదేశించినా, పనులు మాత్రం నత్తనడకనే సాగుతున్నాయి. పుష్కరాలను వేదికగా చేసుకుని కృష్ణా - గోదావరి నదీ సంగమ ఘట్టాన్ని పెద్దఎత్తున ప్రచారంలోకి తేవాలని చంద్రబాబు ఉవ్విళ్లూరుతున్నారు. ఇందుకోసం నగరానికి పాతిక కిలోమీటర్ల దూరంలోని ఇబ్రహీంపట్నం వద్ద భారీ ఘాట్‌ను నిర్మిస్తున్నారు. ఇక్కడే నదీ హారతి ఇచ్చేందుకు ఏర్పాట్లు చేస్తున్నారు. అయితే ఇక్కడ పనులేవీ ఇంకా కొలిక్కి రాలేదు. ఇబ్రహీంపట్నం జంక్షన్ నుంచి సుమారు కిలోమీటరున్నర దూరంలో ఉన్న ఘాట్ వద్దకు యాత్రికులు నడిచి వెళ్లాలి. ఈ మార్గంలో వాహనాలను అనుమతించరు. ఇందుకోసం రోడ్లను ఇప్పటికీ నిర్మిస్తూనే ఉన్నారు. అలాగే ఘాట్ల పని 50శాతం కూడా పూర్తికాలేదు. ఇంకా కాంక్రీట్ వేసే పనిలోనే సిబ్బంది నిమగ్నమై ఉన్నారు. విద్యుత్ ట్రాన్స్‌ఫార్మర్లను కూడా ఇప్పుడిప్పుడే బిగిస్తున్నారు. తాత్కాలికంగా నిర్మించిన హెలిప్యాడ్ రోడ్డు ధ్వంసమైంది. పునరుద్ధరణకు చర్యలు చేపట్టారు. యాత్రికులను ఆకట్టుకునేందుకు నిర్మిస్తున్న నమూనా దేవాలయాల పనులు కూడా పూర్తికాలేదు. సోమవారం సాయంత్రం చూస్తే పుష్కరాలు ప్రారంభమయ్యాక కూడా పనులు కొనసాగే పరిస్థితి కనిపిస్తోంది. నగరంలోని పున్నమి ఘాట్‌ను విఐపి ఘాట్‌గా ప్రకటించారు. ఇక్కడ కూడా 40 శాతం పనులు మిగిలే ఉన్నాయి. పున్నమి గెస్ట్‌హౌస్‌లోని గార్డెన్‌ను అభివృద్ధి చేయాలని అనుకున్నారు. కానీ అది సాధ్యమయ్యే పరిస్థితి కనిపించడం లేదు. పున్నమి ఘాట్ నుంచి దుర్గా ఘాట్‌కు వెళ్లే రహదారిని పూర్తిస్థాయిలో పునరుద్ధరించలేదు. ప్రధానమైన దుర్గాఘాట్ వద్ద కూడా పనులు పూర్తి కాకపోవడం గమనార్హం. దుర్గా ఘాట్ వద్ద ఉన్న మోడల్ గెస్ట్‌హౌస్‌ను పునర్నిర్మిస్తున్నారు. ఆ పనులు యుద్ధప్రాతిపదికన జరుగుతున్నా, ఇంకా 40శాతం వరకు పనులు మిగిలే ఉన్నాయి. మరోపక్క ప్రకాశం బ్యారేజ్‌కు రంగులు వేసే పనులు సోమవారమే ప్రారంభించారు.
ఇదిలావుంటే, స్థానిక మున్సిపల్ కౌన్సిల్ హాల్ నుంచే మూడు జిల్లాల్లో జరుగుతున్న పుష్కరాలను ముఖ్యమంత్రి పర్యవేక్షించనున్నారు. ఇందుకోసం కౌన్సిల్ హాలు రూపురేఖలు మార్చేస్తున్నారు. ఇక్కడ పనులు హడావుడిగా జరుగుతున్నాయి. ఇప్పుడున్న పరిస్థితులను చూస్తే.. పుష్కరాల వేళకు ఈ కౌన్సిల్ హాలు పూర్తిస్థాయిలో సిద్ధమయ్యే అవకాశం కనిపించడం లేదు. కాగా, కృష్ణా బ్యారేజ్ నుంచి శనీశ్వరాలయం మీదుగా నగరంలోకి ప్రవేశించే రహదారిని వెడల్పు చేసే పనులు కొలిక్కి రాకపోవడంతో ట్రాఫిక్ సమస్య తలెత్తుతోంది. కాగా, పుష్కర పనులను మంత్రులు గంటకొకరు పర్యవేక్షించి హడావుడి చేసి వెళుతున్నారేతప్ప వాటి ప్రగతి గురించి పట్టించుకున్నట్టు కనిపించడం లేదు. ఫ్లైఓవర్ పనులను ప్రస్తుతానికి నిలిపివేశారు. దానికింద నాలుగు రోడ్ల నిర్మాణాన్నైనా పూర్తి చేస్తారనుకుంటే అదికూడా సాధ్యం కాలేదు.
చిత్రం.. ఇబ్రహీంపట్నం నదీ ప్రాంతం వద్ద సోమవారం సాయంత్రం నాటికీ నిర్మాణంలో ఘాట్లు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.