రాష్ట్రీయం
‘నీట్’ ఫలితాలు విడుదల
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 16: దేశవ్యాప్తంగా రెండు దశల్లో నిర్వహించిన ‘నీట్’ ఫలితాలను సిబిఎస్‌ఇ మంగళవారం నాడు ప్రకటించింది. ఇందులో గుజరాత్‌కు చెందిన హెత్ షా జాతీయ టాపర్‌గా నిలిచాడు, రెండో స్థానంలో ఒరిస్సాకు చెందిన ఏకాంష్ గోయల్, మూడో స్థానంలో రాజస్థాన్‌కు చెందిన నిఖిల్ బాజియా నిలిచారు. 720 మార్కులకు నిర్వహించిన నీట్ పరీక్షలో జాతీయ టాపర్ హెత్‌షాకు 685 మార్కులు రాగా, ఏకాంష్‌కు 682, నిఖిల్ బాజియాకు 678 , ఆషాంక్ ఖైతాన్‌కు 677 మార్కులు వచ్చాయి. హెత్ షా 99.999863 పర్సంటైల్, ఏకాంష్ 99.999726, నిఖిల్ 99.999590 పర్సంటైల్ సాధించడం గమనార్హం.
తర్వాతి ర్యాంకుల్లో ఆరుషి(676), ద్యుతి షా (675), జపన్నూర్ కౌర్ (672), ద్రితిమన్ చటర్జీ(671), అమిత్ కుమార్ (669), ఉత్కర్ష్ ఆనంద్ (668) ఉన్నారు. 3,69,648 మంది అబ్బాయిలకు 3,37,572 మంది హాజరుకాగా 15 శాతం కోటాలో 11,058 మంది, మొత్తం మీద 1,83,424 మంది అర్హత సాధించారు. 4,32,930 మంది అమ్మాయిలకు గానూ 15 శాతం కోటాలో 8,266 మంది, మొత్తం మీద 2,26,049 మంది అర్హత సాధించారు. 15 మంది ట్రాన్స్ జండర్లకు 9 మంది హాజరుకాగా, అందులో ఐదుగురు అర్హత సాధించారు. మెడికల్, డెంటల్ కాలేజీల్లో నేరుగా అడ్మిషన్లకు, ఎంపిక చేసిన కాలేజీల్లో 15 శాతం ఓపెన్ కోటాలో అడ్మిషన్లకు రెండుమార్లు సిబిఎస్‌ఇ నీట్ (నేషనల్ ఎలిజిబిలిటీ అండ్ ఎంట్రన్స్ టెస్టు)ను నిర్వహించింది. ఎఐపిఎంటి పేరుతో మే 1న నిర్వహించిన నీట్-1కు ఆరు లక్షల మంది విద్యార్ధులు హాజరయ్యారు.
నీట్-1కు తెలంగాణ, ఆంధ్రప్రదేశ్‌లలో నాన్‌లోకల్ అభ్యర్ధులు మాత్రమే నీట్-1కు అర్హులయ్యారు. అతి కొద్ది మంది మాత్రమే నీట్ -1కు ఈ రెండు రాష్ట్రాల నుండి హాజరయ్యారు. జూలై 24న నీట్-2ను నిర్వహించారు. రెండో సారి నిర్వహించిన నీట్‌కు దేశవ్యాప్తంగా నాలుగున్నర లక్షల మంది హాజరయ్యారు. అయితే ఆంధ్రప్రదేశ్, తెలంగాణ రాష్ట్రాల నుండి 40వేల మంది మాత్రమే పరీక్ష రాశారు. వీరిలో ఎంత మందికి మంచి మార్కులు దక్కాయనేది ఇంకా తేలాల్సి ఉంది. జనరల్ అభ్యర్ధుల కటాఫ్ 685 నుండి 145 మార్కుల వరకూ ఉండగా, ఒబిసి 678- 118 మార్కులుగా నిర్ణయించారు. ఎస్టీ 599-118 మార్కులు, ఎస్సీ 595-118 మార్కులు, పిహెచ్ 474-118 మార్కులుగా నిర్ణయించారు. తెలుగు రాష్ట్రాల నుంచి సుమారు 200 మంది విద్యార్ధులకు మంచి ర్యాంకులు వచ్చాయని సమాచారం. రెండు తెలుగు రాష్ట్రాల్లో ఓపెన్ కోటా 15 శాతం సీట్లను నీట్ మెరిట్ ఆధారంగానే భర్తీ చేస్తారు. కాగా ఇప్పటికే నీట్ పరిధిలోకి చేరిన రాష్ట్రాల్లో మాత్రం మెడికల్, డెంటల్ కాలేజీల్లో మొత్తం సీట్లు నీట్ ద్వారానే భర్తీ చేస్తారు.
చిత్రాలు.. రాజస్థాన్‌కు చెందిన నిఖిల్ బాజియా (3వ ర్యాంకు)
ఒరిస్సాకు చెందిన ఏకాంష్ గోయల్ (2వ ర్యాంకు)
టాపర్ గుజరాత్ విద్యార్ధి హెత్ షా
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.